12
ጋላታ ዓይኑሞ
1 ዬኖ ዎዶና ኔ ሂዚ ጌይ ናንጊና ናንጋ ጎዳ ቦንቾም ዓይናዻንዳኔ፦
«ናንጊና ናንጋ ጎዳሢዮ! ሃያኮ ቤርታ ኔ ታና ጎሬኔ፤
ሃሢ ኔ ጋዓንቴ ዻጎ ኔኤኮ ማሂ
ታና ዶዲሼሢሮ ታ ኔና ጋላታኔ።
2 ጎኔና ፆኦሲ ታኣኮ ዼኤሻሢኬ፤
ዒዛ ታ ጉሙርቃሢሮ ታና ዒጊቻያ ባኣሴ፤
ናንጊና ናንጋ ጎዳሢ ታኣኮ ዎልቃሢና ዶዱማሢናኬ፤
ዒዚ ታኣኮ ዼኤሻሢያ ማዔኔ። ኬሲ. ማፃ 15፡2፤ ዓይኑ. 118፡14።
3 ዻቂንቶኮ ዓልቃ ዋኣፆ
ዎዛና ዒንሢ ዱዓንዳኔ።»
4 ዬኖ ኬሎና ሂዚ ዒንሢ ጋዓንዳኔ፦
«ናንጊና ናንጋ ጎዳ ጋላቱዋቴ!
ዒዛኮ ሱንፆዋ ቦንቹዋቴ!
ዴሮ ባኣካ ዒዚ ማዼ ባኮ ኬኤዙዋቴ!
ዒዛኮ ዼኤፑሞዋ ማርካዹዋቴ!
5 ዒዛኮ ዼኤፖ ማዾሮ ናንጊና ናንጋ ጎዳ ቦንቾም ዓይናዹዋቴ!
ዬይ ዒዛኮ ዼኤፖ ማዻ ዓጮ ቢያይዳ ዔርታንዳጉዲ ማሁዋቴ።
6 ዒንሢ ባኣካ ዓኣ ዒስራዔኤሌ ዓሶኮ ዱማዼሢ ዼኤፒ ማዔሢሮ
ፂዮኔይዳ ናንጋ ዓሳ ቢያ ዎዛና ዒላሹዋቴ!»