ዚቲ ጌዒጋፓ ዋይዙዋቴ!

ዴራ ዎልቆ ፔኤሲ ጊንሣ ዶዲሺ፥ ሃኒ ሙኪያ ኬኤዞንጎ፤

ዎጎ ቤዛ ዎላ ኑ ካኣሞም።»

ዒዛም ማዻንዳጉዲ ዔኤሌሢ ዖናዳይ?

ዴሮ ዓኣሢ ዒዛም ዒንጌኔ፤

ካኣቶዋ ዒዛ ዴማ ዎርቃንዳጉዲ ማሄኔ፤

ዒዛኮ ጬንቾ ዓፓሮም ዔያቶ ዒ ሲላሊ ማሂ

ሂኢዦማኣ ዲልባ ማሂ ዓኣሢ ዒንጌኔ።

ዔያቶ ዒ ዳውሴኔ፥ ፔቴታዖ ዒዛ ቃዜ ባኣዚ ባኣሴ።

ዓይፃፓ ዓርቃዖ ዓሲኮ ሾይንቶ ፓይዲ ዔራሢ ዖናዳይ?

ታኣኒ ናንጊና ናንጋ ጎዳ ቤርታኣፓ ዓኣኔ፤

ጋፖይዳ ጴዻሢያ ታናኬ።»

ታኣኒ ማዼ ባኮ ቢያ ዛጌኔ፤

ዬያሮ ሚርጌና ዔያታ ዲቃቲ ጎጋይቄኔ፤

ፔቱሞና ቡኪ ታ ባንሢ ዔያታ ሙኬኔ።

ጌርሲ ፔ ጌርሲ፦ ‹ሃይ ኔ ዎይታይ ዶዴ!› ጋዓኔ።

ሜሌ ፆኦዞ ሞቶሾና ዹይ ጊኢጊሻሢያ

‹ሃይ ኔ ዎይታይ ዶዴ! ኔ ቃራ ዺሽኪ ዓይሤኔ!› ጋዓኔ፤

ሜሌ ፆኦዞ ዓጊፁዋጉዲ ሚስማሮና ዔያታ ጳርቃኔ።»

ታ ኔና ዶኦሬሦ ያይቆኦቤ!

ታ ላጋሢ ዓቢራሃሜ ዜርፃሢዮ! 2ፆኦሲ. ዓሃኬ 20፡7፤ ያይ. 2፡23።

ዓጮኮ ጋፓፓ ታኣኒ ኔና ዔኤሌኔ፤

‹ኔ ታ ዓይሌኬ› ጌዒ ታ ኔና ዶዶኦሬኔ፤

ታኣኒ ኔና ኬኤሪባኣሴ።

ታ ኔኤኮ ፆኦዛሢኬ፥ ሃጊ ማዓ ዎዛ ቲቂፖ!

ታኣኒ ኔና ዶዲሻንዳኔ፥ ማኣዳንዳኔ፤

ታኣኮ ዶዶ ኩጮና ታ ኔና ዓርቃንዳኔ።

ባሺንቲ ቦርሲንታንዳኔ፤

ኔና ሜታሳኒ ዔቃዞንሢያ ቤሲ ባይቃንዳኔ።

ጋዓንቴ ኔኤኒ ዔያቶ ዴንቃዓኬ፤

ኔ ዑፃ ዖሎ ቡሌዞንሢ

ጋፒ ባይቃንዳኔ።

ኔኤኮ ሚዛቆ ኩጮ ዓርቂ ታ ኔና ማኣዳንዳኔ›

ጌዒ ኔና ዶዲሻሢ፥ ታና ኔኤኮ ናንጊና ናንጋ ጎዳ ማዔ ፆኦዛሢኬ።»

«ኔኤኒ ዛኣሌጉዲ ማዔሦ ያይቆኦቤ!

ላኣፓ ማዔሦ ዒስራዔኤሌ!

ዒጊጪፖ ታ ኔና ማኣዳንዳኔ፤

ኔና ዓውሳ ዒስራዔኤሌኮ ዱማዼሢ ታናኬ» ጋዓኔ።

ዹኮ ቢያ ኔኤኒ ሺርኪ ባይዛንዳኔ፤

ጌሜሮዋ ሄርቂ ዳኣፂ ሲላሊ ኔ ማሃንዳኔ።

ዢባራኣ ፒፂ ዔያቶ ዔኪ ዓኣዻንዳኔ፤

ዓልጋሢ ዢባራ ዔያቶ ላኣላንዳኔ፤

ኔኤኒ ጋዓንቴ ናንጊና ናንጋ ጎዳና ዎዛዻንዳኔ፤

ዒስራዔኤሌኮ ዱማዼሢ፥ ታና ጉሙርቂ ኔ ዖቶርቃንዳኔ።

ቆርጫ ዔያቶኮ ዼኤቦና ፃኣዼኔ፤

ታኣኒ ናንጊና ናንጋ ጎዳ ሺኢጲፆ ዔያቶሲ ዋይዛንዳኔ፤

ታኣኒ ዒስራዔኤሌኮ ፆኦዛሢ ፔቴታዖ ዔያቶ ሃሻዓኬ።

ዶኦጫዻ ጊንፆይዳ ዋኣሢ ታ ዑራንዳኔ፤

ዳውላዻ ዓጫ ቦቆሊ ታ ዴይሣንዳኔ፤

ሳዖ ሜላ ዋኣሢ ዓልቃያ ማዓንዳኔ።

ባርሴኔቴ ጌይንታ ሚፆንታ ዛይቶ ሪሚቶንታ ዳውሎይዳ ታ ባቃልሳንዳኔ፤

ዓሲ ናንጉዋ ዳውላ ዴኤሎ ዚቢቆንታ ዓስታ ጌይንታ ሚፆንታ

ሪሚቲንታ ዱማ ዱማ ሚሢ ኩሜ ዴኤሊ ታ ኬሳንዳኔ።

ታኣኒ ዒስራዔኤሌኮ ዱማዼሢ ዬያ ማዤያ ማዒፆ

ቢያሢ ዛጊ ዔራንዳጉዲና ማሊ ጶቂሣንዳጉዲኬ።»

«ዒንሢኮ ጌኤዞ ሂንዳ ሺኢሹዋቴ፤

ማርኮዋ ዒንሢኮ ዔኪ ሙኩዋቴ ጋዓኔ፥ ያይቆኦቤ ካኣቲ።

ማዺንቲ ኩማንዳ ዎዶ ኑ ዔራንዳጉዲ

ሴካ ቤርቲም ማዓንዳ ባኮ ቢያ ሂንዳ ኑኡም ዔያታ ኬኤዞንጎ፤

ሃጊ ማዓንዳ ባካ ዓይጎታቴያ ማሊ ኑ ጶቂሣንዳጉዲ

ሚና ቤርታኣ ባካ ዎማዺታቴያ ኑኡም ዔያታ ኬኤዞንጎ።

ሴካ ቤርቲም ማዓንዳ ባኮ ቢያ ሂንዳ ኑኡም ኬኤዙዋቴ፤

ኑ ዲቃቲ ፔቱሞና ዒንሢ ዛጋንዳጉዲ

ኮሺ ማዔቴያ ፑርታ ባኣዚ ሂንዳ ማዹዋቴ።

ማዻኣ ዒንሢኮ ዔኤቢ ፓሡዋያኬ፤

ዒንሢ ዶኦሬ ዓሳኣ ሻኣካያኬ።»

ዒዚ ታ ሱንፆ ቦንቻያ ማዒ ዓባ ኬስካ ባንፃፓ ሙካያኬ።

ማኒ ዢኢጮ ዓጮ ቶርጳሢ ሄርቃሢጉዲ

ዒዚያ ሱኡጎ ቢያ ሄርቃንዳኔ።

ቤርታኣፓ ዓርቃዖ ዬያ ኬኤዜሢ ዖናዳይ?

ዬያ ባኮ ዛሎ ሃኣዺኬ ጌዒ ኬኤዜያ፥ ዒላቴያ

ዒንሢዳፓ ፔቴ ዑኡሲታዖ ኬሴይ ባኣሴ።

ዬሩሳላሜማኣ ኮዦ ሃይሶ ኬኤዛሢ ዳኬሢያ ታናኬ።

ሜሌ ፆኦዞይዳፓ ዞሮ ዒንጋያ ባኣሴ፤

ታኣኒ ዖኦጫዛ ማሂ ኬኤዛያ ባኣሴ።

ፔቴ ባኣዚታዖ ማዻኒ ዔያታ ዳንዳዑዋሴ፤

ዔያቶ ማሊሲ ማዦና ባካ ጉሪ ዢባሬኬ።»