ማሊ ጶቂሥሢያ ዑኡዞ ፔኤኮ ዋይዚሳኔ።

ጎይፃ ዎላ ካኣማ ካኣማ ካራኣ ዔቃኔ፤

ዓሲ ዜርሢ ቢያ ታ ዔኤላኔ፤

ዒንሢ ዔኤዮ ዓሳ፥ ማሊ ጶቂሥሢ ሚኢሼ ማሁዋቴ።

ታ ዻንጋፓ ፒዜ ባኣዚ ኬስካኔ።

ፑርቱሞ ታ ኮራ ዒፂንቴ ባኣዚኬ።

ዎቦ፤ ጊንሣ ሃሣ ዺዺንቴያቱዋሴ።

ዔራቶ ዓኣ ዓሲማኣ ፒዜ ማዒ ጴዻኔ።

ጌኤሺ ዎርቄይዳፓ ባሼ ዔራቶ ዶኦሩዋቴ።»

ዓይጎ ባኣዚያ ዒንሢ ዓፃዼቴ ታኣና ዎላ ሄካንዳይ ፔቴታዖ ባኣሴ።

ዔራቶና ፒዜ ጌስቲሢና ታኣሮኬ።

ታኣኒ ዖቶርሙሞና ሄርሺንቲና ዒዒፃኔ፤

ፑርታ ጎይሢና ዎቦ ጌኤሲና ታ ናሽኩዋሴ።

ማሊ ጶቂሥሢና ዶዱሞና ታኣሮኬ።

ሱኡጎ ማዒ ዶኦሪንቴ ዓሳ ፒዜ ዳምቤ ጊኢጊሻኔ።

ሃሣ ዖሎ ዓሶ ሱኡጋኣ ዓጮ ዎይሣኔ።

ታና ኮዓዞንሢ ዴንቃንዳኔ።

ጋፑዋ ቆሎና ዲጪሢና ታኣሮኬ።

ጌኤሺ ዎርቄና ሼኤሺ ጊኢጊሾና ቢራናፓኣ ባሻያኬ።

ታ ሃንታሢ ፒዜ ዎጌ ጎይሢኬ።

ማኣሮ ታ ዔያቶኮ ዖርጎቹሞና ኩንሣንዳኔ።»

ሚና ዓዓርቃዖ ዒዛ ማዾኮ ታና ቤርቲ ማሄኔ። ዮሃ. ፆፔዻ 3፡14።

ሚርጌ ዎዴኮዋ ቤርታ ታ ዶኦሪንቴኔ።

ዼኤፖ ባዞ ዋኣፃኣ ጴዻንዳሢኮ ቤርታ ታ ሾይንቴኔ።

ሃሣ ጊንሣ ቤርታሳ ዓጫታዖ ማዢንታንዳሢኮ ቤርታ ታ ሾይንቴኔ።

ሳዖኮ ዑፃ ዓኣ ጉሮ ቤዞዋ ዼኤፖ ባዞኮ ዑፃ ማሂ ጊኢጊሼ ዎዶና

ታኣኒ ዒኢካ ዒዛና ዎላኬ።

ዼኤፖ ባዞኮ ዓልቃ ካሮ ቡሌ ዎዶና

ሌካ ዼግ ጎዑዋጉዲ ዒ ዓይሤ ዎዶና

ሳዖኮ ዓይፆ ካሮ ዒ ዶዲሺ ማዤ ዎዶና

ታኣኒ ዒኢካ ዒዛና ዎላኬ።

ቢያ ኬሊ ታ ዒዛ ዎዛሳኔ፤

ታኣኒያ ዒዛ ቤርታ ዎዛዻኔ።

ዓሶ ዜርፆሮዋ ታ ኮኦማኔ።»

ታ ጎይፆ ሃንታዞንሢ ዎዎዛዻኔ።

ጪንጫ ማዑዋቴ፥ ቄል ጌይፖቴ።

ቢያ ዎዴ ታ ካሮይዳ ዶዲ ጴዻሢ

ታ ማኣሪ ጌሎ ካሮ ኮይላ ታና ካፓ ዓሢ ዓንጂንቴያኬ።

ናንጊና ናንጋ ጎዳይዳፓኣ ቦንቺንቲ ዴንቃንዳኔ።

ታና ዒፃሢ ሃይቢ ናሽካኔ።»