ሳዓፓ ሌካ ዼጌ ቤዛኣ ዒዛኮ ማዾ ዒላቲ ዋይዚሳኔ።

ዋንታኣ ሄላ ዋንቶም ዔራቶ ዒዛሲ ሃይሳታኔ።

ዔያቶኮ ዑኡሲያ ዋይዚንቱዋሴ።

ሳዓ ማዔ ካሮ ሄላንዳኣና ዋይዚንታኔ፤

ዓቢያኣ ጌኤሺ ማዒ ፆርቃኔ፤

ጳሺ ጳሽካ ዓሲ ሄሌሎ ጳሽካኒ ዎዛዻሢጉዲ ዎዛዻኔ።

ሺሪ ዴንዲ ጌላሢ ባጎ ዛሎ ጋፖይዳኬ፤

ዬያኮ ሩኡጶ ዖይዻፓ ቶሊ ዓታኒ ዳንዳዓይ ባኣሴ።

ሃይማ ፓጬኔ ጌይሳ ባኣዚ ባኣያኬ፤

ሼምፔ ማሂ ጊንሣ ዓካሳኔ፤

ዔኤዮ ዓሶ ዔሮ ማሃኔ።

ዓሲኮ ዒና ዎዛሳኔ፤

ዓሲኮ ዓኣፒማኣ ፖዒ ማዓኔ።

ናንጊና ናንጋ ጌኤሹሞኬ፤

ዒ ዎጋ ዎጊፃ ፔቴ ፔቴሢ ጎኔ፥ ሃሣ ፂሎኬ።

ዔኤሲ ፆሎሊዳፓ ባሼ ዓኣፃያኬ።

ዬያ ካፒሢና ዼኤፒ ባኣዚ ዒዚ ዴንቃኔ።

ናንጊና ናንጋ ጎዳሢዮ!

ታኣኮ ዓኣሺንቴ ዺቢንቶፓ ታና ጌኤሼ።

ዬይ ጎማ ታና ቆሉዋጉዲ ኔኤኒ ታና ማኣዴ።

ታኣኮ ጌኤዞንታ ዒኖ ማሊፆንታ ኔኤም ኮሽካያ ማዖንጎ።