ታኣኮ ላላሢዮ፥ ዋይዜዖ ታኣም ዋይዚባኣያ ማዒፖ፤

ዔቴይዳ ዱኡኪንቴ ዓሲ ታኣኒ ማዓንዳኔ።

ኔኤኮ ዱማዼ ጌኤዦ ማኣሮ ባንሢ

ኩጮ ታኣኮ ታ ዔቂሳኣና

ሺኢጲፆ ታኣኮ ዋይዜ።

ፔ ላጎና ዎላ ኮሺ ጌስታ ፑርቶ ማዻ ዓሶና

ዋይዞ ዒፃ ዓሶና ዎላ ጎቺ ታና ዔኪ ዓኣዺፖ።

ዔያታ ማዼ ፑርቱሞ ጉዴያ

ዔያቶም ጪጌ፤

ዔያታ ማዼሢ ጉዴያ ዔያቶም ማሂ ዒንጌ። ዮሃ. ፆፔዻ 22፡12።

ዒዚ ማዼ ማዾዋ ዔያታ ማሉዋሢሮ

ዒዚ ዔያቶ ሻሃንዳኔ፤

ጊንሣ ማሂያ ዒ ዔያቶ ኮሻዓኬ።

ናንጊና ናንጋ ጎዳ ዓንጂንቴያ ማዖንጎ።

ዒና ታኣኮ ዒዛ ጉሙርቃኔ፤

ዒዚያ ታና ማኣዴኔ፤

ዒና ታኣኮ ኮሺ ዋዛዼኔ፥ ዓይኑሞናኣ ታ ዒዛ ጋላታንዳኔ።

ዒዚ ዶኦሚ ካኣታሤሢማኣ ዻቂንታ ማዓ ዼጌ ዹካሢኬ።

ኔኤሮ ማዔ ዓሶዋ ዓንጄ፥ ዔያቶ ሄንቃሢ ኔና ማዔ፤

ናንጊና ዔያቶ ቶኦኮ ዛጋያ ማዔ።