54
ዓይኑሞ ሱኡጋሢ ዓይሣ ጎይፆና ጎኦላና ዓይናዺንታ ዳውቴ ዓይኑሞ፤ ዜፓ ዓሳ ሳኣዖኦሌ ኮራ ሙኪ፥ «ዳውቴ ፑኒ ኑ ኮራ ዓኣኔ» ጌዒ ኬኤዜያና ዓይናዺንቴያኬ።
ሞርኮ ኩጫፓ ዓታኒ ሺኢቂንቴ ሺኢጲሢ
1 ፆኦሲዮ! ኔ ሱንፆና ታና ዓውሴ፤
ኔ ዎልቆና ታኣም ዎጌ።
2 ፆኦሲዮ! ሺኢጲፆ ታኣኮ ዋይዜ!
ታኣኒ ጋዓ ባኮዋ ዒና ዔኬ።
3 ፃንጎ ዓሳ ታኣም ዔቄኔ፤
ጌኔ ማዻ ዓሳ ሼምፓሢ ታኣኮ ዼሂ ሃንታኔ፤
ፆኦሲ ዔያታ ዔኤቢኬ ጎዑዋሴ።
4 ጋዓንቴ ፆኦሲ ታና ማኣዳሢኬ፤
ናንጊና ናንጋ ጎዳኣ ታና ኬኤሊንቂ ዓርቄኔ።
5 ዔያቶኮ ጌኖ ማዾ ታና ዋኣዪሳ ታ ሞርኮም ማሄ፤
ዔያቶ ባይዚ፥ ኔኤኒ ጉሙርቂንታያ ማዒፆ ዻዌ።
6 ኔኤም ዒንጎ ባኣዚ ታ ሼኔና ታ ዒንጋንዳኔ፤
ናንጊና ናንጋ ጎዳሢዮ!
ዬይ ኮይሳያ ማዔሢሮ ታ ኔና ጋላታኔ።
7 ታ ሜታፓ ቢያ ኔ ታና ዓውሴኔ፤
ታ ሞርኮኮዋ ሎኦሚፆ ታ ዛጌኔ። 1ሳሙ. 23፡19፤ 26፡1።