ዒዚ ታና ዖልዚ ዖሎ ጎይሢ ዔርዚ፥ ዖልዚም ጊኢጊሻኔ።

ታኣኮ ፑኖ ካያሢ፥ ሃሣ ታና ዓውሳሢኬ፤

ዴራኣ ታኣም ዓይሢንታንዳጉዲ ማሃሢ ዒዛኬ።

ዓሲንሢ ዓይጎኬ ጌይ ኔ ሃያይዲ ቶኦኮ ዛጋይ?

ሃያይዲ ኔ ሂርጊ ዔያቶም ማላሢ ዓይጎኬ ጌይዳይ? ዒዮ. 7፡17-18፤ ዓይኑ. 8፡4።

ናንጋ ዎዳኣ ዔኤዤ ሺቢጉዴ ዴንዲ ባይቃያኬ።

ዹኮ ኔ ኩጮና ካኣሚ ጩቢሼ።

ኔኤኮ ሂኢዦና ዔያቶ ዱኪ ዳውሴ።

ዼኤፖ ዋኣፆ ዴማፓ ታና ጎቺ ኬሲ፥ ዓውሴ፤

ፃንጎ ማዔ ሜሌ ዓጮ ዓሶፓ ታና ዓይሴ።

ሚዛቆ ኩጮ ዔያታ ዔቂሲ ሉኡዙሞና ጫኣቃኔ።

ታጶ ሻሺ ዴንሢንታ ጎኦሎዋ ዋርቂ ታኣኒ ዓይናዻንዳኔ።

ኔ ዓይላሢ ዳውቴያ ጬንቾ ዓራፖ ዓጬሢፓ ኔ ዓውሳያኬ።

ዔያቶኮ ዻንጋ ሉኡዚ ባኣዚ ጌስታያኬ፤

ሚዛቆ ኩጮ ዔያታ ሉኡዙሞ ጫኣቁሞሮ ዔዔቂሳኔ።

ሃጊ ባቃሊ ዑጊ ዴንዳ ሚሢጉዲ ማዖንጎ፤

ዾቂንቲ ኬኤፆ ሚዛጲሳ፥ ዓርሲ ኮሾና ፒዜ ቱርቱሮጉዲ ማዖንጎ።

ሄንፆሮ ዞኦዞ ኬስኬ ኑኡኮ ማራታ

ሚርጌ ሺያና ፓይዲንታ ማሪናይ ሾይ ዺቦንጎ።

ቡሉዋዖ ሾይ ሾይ ዺቦንጎ፤

ኑና ዲዒ ዔኪ ዴንዳ ባኣዚ ባይቆንጎ፤

ኑ ካታሞኮ ሳዞ ጎይፆ ዼኤፖይዳ ዬኤፒ ዑኡሲ ዋይዚንቶፓ።

ናንጊና ናንጋ ጎዳ ዔያቶኮ ፆኦሲ ማዔ ዴሬ ዓንጂንቴያኬ።