1 هاذا سجل مواليد آدم: اليوم اللي خلڮ مولانا فيه لإنسان، خلڮو اعلى شي من صيفاتو. 2 وخلڮهم راجل وامرة وباركهم وسماهم لإنسان. 3 وإلين عاد عند النبي آدم 130 سنة، اجبر ول يشابهلو اعلى صيفاتو وسماه شيث. 4 وعاش آدم بعد اخلاڮة شيث 800 سنة، واجبر فيها أولاد اخرين وامنات. 5 وكان آدم عندو 930 يلين اتوفا .

6 وإلين عاد عند شيث 105 سنوات اجبر أنوش. 7 وعاش شيث بعد ذاك 807 سنوات، واجبر فيها أولاد اخرين وامنات. 8 وكان عند شيث 912 سنة وقت وفاتو .

9 وإلين عاد عند أنوش 90 سنة اجبر قينان. 10 وعاش أنوش عاڮب ذاك 815 سنة، واجبر فيها أولاد اخرين وامنات. 11 وكان عند أنوش 905 سنوات وقت وفاتو .

12 وإلين عاد عند قينان 70 سنة اجبر مهللئيل. 13 وعاش قينان بعد ذاك 840 سنة، واجبر فيها أولاد اخرين وامنات. 14 وكان عند قينان 910 سنوات وقت موتو.

15 وإلين عاد عند مهللئيل 65 سنة اجبر يارد. 16 وعاش مهللئيل عاڮب ذاك 830 سنة، واجبر فيها أولاد اخرين وامنات. 17 و كان عند مهللئيل 895 سنة وقت وفاتو .

18 وإلين عاد عند يارد 162 سنة اجبر النبي إدريس. 19 وعاش يارد عاڮب ذاك 800 سنة، واجبر فيها أولاد اخرين وامنات. 20 وكان عند يارد 962 سنة وقت وفاتو .

21 وإلين عاد عند النبي إدريس 65 سنة اجبر متوشالح. 22 وعاش النبي إدريس عاڮب ذاك 300 سنة. كان متقي فيها مولانا، واجبر فيها أولاد وامنات. 23 وكان عند النبي إدريس فهاذا الوقت 365 سنة. 24 وكان النبي إدريس متقي فيها مولانا. وعاڮب ذاك اختفا النبي إدريس بيهلي رفعو مولانا شورو. 25 وإلين عاد عند متوشالح 187 سنة اجبر لامك. 26 وعاش متوشالح عاڮب ذاك 782 سنة، واجبر فيها أولاد اخرين وامنات. 27 وكان عند متوشالح 969 سنة وقت موتو. 28 وإلين عاد عند لامك 182 سنة اجبر اطفيل، 29 وسماه نوح وڮال: هاذا الول يخفف عنّا تعبنا والمشقات اللي انعانوها فلارض اللي العنها الله تعالى. 30 وعاش لامك بعد اخلاڮة نوح 595 سنة، واجبر فيها أولاد اخرين وامنات. 31 وكان عند لامك 777 سنة وقت وفاتو . 32 وإلين عاد عند نوح 500 سنة، اجبر سام وحام ويافث.