1 ታ እሹንꬆ፥ ታኒ ይ Ꮊያ አካኮዳይ ጋርክ ኮይዛ። ኑ አድታይ ኡባይ ሻራ ካልꬅን ሻራ ኦሞራ የꬌዛ፤ ኡባይ አባ ፒንጌዛ። ከስ 13:21-22፤ 14:22-29 2 ኡንቲ ሙሰራ ፐትፖዳይስ ሻራራኔ አባ ጻማቅንቴዛ። 3 ኡንቲ ኡባይ ፐቲ አያና ካꬃ ሜዛ። ከስ 16:35 4 ማ ኡባይ ፐቲ አያና ኡሽ ኡዤዛ። ኡንታን ካልዛ አያና ዛላፕ ፑልቴዝ ኡሻ ኡዤዛ፤ የ ዛላይካ ክርስቶሳ። ከስ 17:6፤ ታይ. 20:11 5 ዝን ጾሳይ ኡንታፕ ጋምታይል ኡፋይተካዛይ ግሾስ ኡ አሃይ ሊዦ ደምባ ዎꬊ አቴዛ። ታይ. 14:29-30

6 ኡንቲ ኢታ ባዝ አሞቴዛይ ጋርክ፥ ኑካ ኢታ ባዝ አሞታማይ ጋርክ የይ ኡባይ ኑስ ኣዝሶ ማቄዛ። ታይ. 11:4 7 ጌሻ ማጻፋይድ፥ «አሳይ ማዳይስኔ ኡዦዳይስ በቴዛ፤ ማ የጾዳይስ ደንዴዛ» ግንትንቴዛይ ጋርክ ኡንታፕ ፐታይ ፐታይ ኤቃ ጎይኔዛይ ጋርክ ይ ኤቃ ጎይንፓተ። ከስ 32:6 8 ኡንታፕ ፐታይ ፐታይ ላሜዛይ ጋርክ ኑካ ናጋራ ኦꬆ። የይፕ ደንዴዛይድ ኡንታፕ ፐቲ ጋላስ ላታማኔ ሀይꬒ ሙኩሎ አስ Ꮊይቄዛ። ታይ. 25:1-18 9 ኡንታፕ ፐታይ ፐታይ ጎዳ ፓጪ ሾሻር ዱክንቲ Ꮊይቄዛይ ጋርክ ኑ ጎዳ ፋጮዳይስ ቤዞያ። ታይ. 21:5-6 10 ኡንታፕ ፐታይ ፐታይ ኦሊ Ꮊይቆ ክእዝ ኪታንቻይር ꬋቤዛይ ጋርክ ይንትካ ኦልፓተ። ታይ. 16:41-49

11 Ꮊ ኡንታል አፋ ሄሌዝ ኡባይ ኑ ናግንቶዳይ ጋርክ ኑስ ኣዝሶ ማቄዛ። ማ ዎደ ዉርስꬃል አፋ የዝ ኑስ ትምርተ ማቆዳይ ጋርክ Ꮊ ኡባይ ጻፍንቴዛ።

12 የይ ግሾስ፥ ኤቄዛ ኣዝዝ ኦንካ ፖካማይ ጋርክ ፋና ናጎ። 13 አስ ኡባ ሄልዛ ፓጨፕ አትን ዱማ ፓጨ ይንታን ሄለካያ። ይ ዎልቃይ ዳንዳእዛይፕ ኣꬅ ፓጨር ይ ፓጭንታማይ ጋርክ ኣꬂ እንጎዋ ጾሳይ አማንንቴዛያ። ይንታን ፓጨ ሄልዛ ዎደ የ ፓጫይድ ኤ ይንታን ዳንዳእሶዳ። ማ የ ፓጫይፕ ይ ከዞድ ኦጋ ኤ ጊግሶዳ።

14 ይኬ፥ ታ አልኦ እሹንꬆ፥ ኤቃ ጎይኖፕ ሃኮይታ። 15 ይ ካሃማ አስ ማቄዝ ግሾስ ታ Ꮊያ ኦድዛ። ታኒ ግዛይ ቱማ ማቄዛና ይ ይ ኡባስ ፕርዶይታ። 16 ኑኒ ጾስ ጋላቲ ሻክንትዛ አንጆ ጹአይ ክርስቶሳ ሱꬃር ፐትፐተꬂ የዛ ባሳኔ? ማ ኑኒ ሚዝ ቦራይ ክርስቶሳ አሻይራ ፐትፐተꬂ የዛ ባሳኔ?ማቶ. 26:26-28፤ ማር. 14:22-24፤ ሉቃ. 22:19-20 17 ኑኒ ጋመ ማቅኮካ ቦራይ ፐቶ፥ ኑ የ ፐቲ ቦራ ሻክንትዛ ግሾስ ፐቲ አሰትꬂ።

18 አን እስሬለ አሳይ ኦꬄዛ አካኮይታ። ያርሽንቴዝ ያርሾ ሚዝታይስ ያርሾ በሳይራ ፐትፐተꬂ ባሳኔ?ለዊ. 7:6 19 ታኒ አብ ጎዳይስ ኮዪ ግኔ? ኤቃስ ያርሽንቴዝ ካꬃይ ዎይ ኤቃይ ፓꬅዛባዝ ጉሶኔ? 20 ዋኣ፥ ኡንቲ ያርሽዛይ ጾስስ ባዝን ቱና አያንታይሲ። የይ ግሾስ፥ ይንትስ ቱና አያንታይራ ፐትፐተꬂ የዞዳይ ጋርክ ታ ኮዮያ። 21 ይ ጎዳይ ጹአይፕ ኡዥታር፥ ማ ቱና አያንታይ ጹአይፕ ኡዦዳይስ ይ ዳንዳኦያ። ጎዳ ጋይታይፕ ሚታር ማ ቱና አያንታይ ጋይታይፕ ማዳይስ ዳንዳኦዋ። 22 ኑ የያ ኡዲ ጎዳ ሸንꬆ? ኑ ምኖትꬃር ኤፕ ኣꬊነኔ?ናምእ. 32:21

23 ይ «ኡባ ባዝ ኑስ እንግንቴዛ» ዝን ኡባይ አዶያ። «ኡባ ባዝ ኑስ እንግንቴዛ» ግዛ ዝን ኡባ ባዝ አዶያ። 1ቆሮ. 6:12 24 ፐቲ ፐቲ አስ፥ ሀራ አስ ማድዛ ባዝ ቆፖዳይስ ቤዝነፕ አትን ፋና ማድዛ ባዝ ኣዳ ቆፕፐ።

25 ይ ካሃይድ ስ መꬍዛ ሃሲ ጋበል ባይዝንትዛ አሾ ስእ ግ ሞይታ። 26 አብስ ጊኮ፥ «ሳአኔ ሳአል የዝ ኡባይ ጎዳይሲ።»ማዝ. 24:1

27 ፐቲ አማኖዋ አስ ይንታን እማቶስ ኮይ ጼግኮ Ꮊንጎዳይስ ኮይኮ Ꮊንጎይታ። ይ ካሃይድ ስካ ይ ቲና ኣꬅዛባዝ ኡባ ሞይታ። 28 ዝን ፐቲ አስ፥ «Ꮊይ ኤቃስ ያርሽንቴዝ ባዚ» ጊኮ፥ የ ይንትስ ኦዴዝ አꬃይ ግሾኔ ኤ ካሃይ ግሾስ የ ካꬃ ሚፓተ። 29 ታኒ፥ ካሃ ግሾስ ግ ይንትስ ኦድዛይ አꬃይ ካሃ ግነፕ አትን ይ ካሃ ባያ።

ሀራ አስ ካሃ ግሾስ ግ ታኒ ታ ዋሎትꬃይል አብስ ፕርዶ? 30 ታኒ ሚዝ ካꬃ ጾስ ጋላቲ ሚኮ ባልንቴዛያ ጋርክ አብስ ቦርንቶዴ?

31 ይኬ፥ ይ አብ ሚኮ አብ ኡዥኮ፥ ዎይ አብ ኦꬅኮካ ኡባ ባዝ ጾስ ቦንቾስ ኦꬆይታ። 32 አይሁድታ ማቅን ግርክታ ማቅን ዎይ ጾስ ዎሳ ኬꬃ ማቅን ኦስካ ꬉበ ማቅፓተ። 33 ታኒ ኡባ ዎደ ጋምታ አሾዳይስ ኡንቲ ማድንትዛ ኦገ ኮይነፕ አትን ታና ማድዛ ኦገ ኮዮያ።