1 ታ እሹንꬆ፥ ጌሻ አያና እሞትታይ ባዝካ ይ ኤሮዳይ ጋርክ ታ ኮይዛ። 2 ይ ጾስ አማኖዋ ዎደ ዶና ባ ኤቃኮ ጎሽንት፥ ይ ኤሮዋዝታይራካ Ꮊንጌዛና ይ ኤርዛ። 3 ጾስ አያናይ ካልꬅዛ አስ ኦንካ፥ «የሱስ ቃንግንቶ» ዬጎያ። ማ ጌሻ አያናይ ካልꬄካዝን፥ ኦንካ፥ «የሱስ ጎዳ» ጎዳይስ ዳንዳኦዛና ይ ኤሮዳይ ጋርክ ታ ኮይዛ።

4 ዱማ ዱማ አያና እሞትታይ የዛ፥ ዝን እሞትታ እንግዛ አያናይ ፐታ። ኦሮ. 12:6-8 5 ኑ ጎዳይስ ኦꬅዛ ዱማ ዱማ ኦስታይ የዛ፥ ዝን ጎዳይ ፐታ። 6 ኑ ጎዳይስ ኦꬅዛ ዱማ ዱማ ኦግታይ የዛ፥ ዝን የ ኦጋይር አስ ኡባይር ኦꬅዝ ጾሳይ ፐታ። 7 ዝን ፐታይስ ፐታይስ እንግንቴዝ ቆንጭꬅ እሞትታይ ዎላ ማድንቶዳይ ጋርክ።

8 ጌሻ አያናይ ፐታይስ ኤጨትꬂ ኩሜዝ ቃላ እንግዛ፤ ማ ፐታይስ ኤራትꬂ ኩሜዝ ቃላ እንግዛ። 9 የ ጌሻ አያናይ ፐታይስ አማኖ፥ Ꮊንካይስ ማ ፓꬅዛ ዎልቃ እንግዛ። 10 ጌሻ አያናይ ፐታይስ ማላታ ኦꬅዛ ዎልቃ፥ ፐታይስ ትንቢተ ኦድዛ ዎልቃ እንግዛ። ፐታይስ አያናፕ አያና ሻኪ ኤርዛ ዎልቃ፥ ፐታይስ ዱማ ዱማ ዶናር ኦድዛ ዎልቃ፥ ማ ፐታይስ ዱማ ዱማ ዶናር ኦድንቴዛና ብልዝ ዎልቃ እንግዛ። 11 ዝን Ꮊ ኡባ ኦꬅዛይ የ ፐቲ ጌሻ አያና። ኤ ኮዬዛይ ጋርክ ፐታይስ ፐታይስ ዱማ ዱማ እሞታ እንግዛ።

12 ፐቲ አሰትꬃል ጋመ ብልትታይ የዛ፥ ዝን የ ዱማ ዱማ ብልትታይ ፐቲ አሰትꬅ ማቅዛ። የይ ጋርከካ፥ ክርስቶሳ ዱማ ዱማ ብልትታይ የዝ ፐቲ አሰትꬅ ጋርከ። ኦሮ. 12:4-5 13 ኑኒ አይሁደ ማቅን ግርኬ ማቅን አይለ ማቅን ዎማኖ ማቅን፥ ኡባይ ፐቲ አሰትꬅ ማቆዳይስ ጌሻ አያናር ጻማቅንቴዛ። ማ ኑ ኡባይ ፐቲ ጌሻ አያና ኤኬዛ።

14 ኑ አሰትꬃል ዱማ ዱማ ብልትታይ የዛፕ አትን ፐቲ ብልተ ኣዳ ባያ። 15 ቶካይ፥ «ታኒ ኩሸ ማቀካ ግሾስ ብልተ ባያ» ጊኮ፥ ኤ የያ ጌዝ ግሾስ ብልተትꬃይ አትኔ? 16 ሀየ፥ «ታኒ ኣፈ ማቀካ ግሾስ ብልተ ባያ» ጊኮ፥ ኤ የያ ጌዝ ግሾስ አሰትꬃፕ ፐቲ ብልተ ማቅꬃይ አትነኔ? 17 አሰትꬅ ኡባይ ኣፈ ኣዳ ማቅኮ፥ ኑ አባር ስኦዴ? ማ አሰትꬅ ኡባይ ሀየ ኣዳ ማቅኮ ኑ አባር ስንጎደ?

18 ዝን ጾሳይ ፋ ኮዬዛይ ጋርክ፥ አሰትꬅ ጋንጨ ዱማ ዱማ ብልትታ ጋዴዛ። 19 ኡባይ ፐቲ ብልተ ማቄዛኮ አሰትꬂ አናፕ በንቶደ? 20 ዝን ብልትታይ ጋመ ማቅኮካ፥ አሰትꬃይ ፐቶ።

21 ኣፈ ኩሸኮ፥ «ነ ታስ ኮሾያ» ጎዳይስ ዳንዳኦያ፥ ዎይ ኦማ ቶሄኮ፥ «ነ ታስ ቤዞያ» ጎዳይስ ዳንዳኦያ። 22 ዝን ዳቡራ ኣዝዝ አሰትꬅ ብልትታይ ኑስ ኡሳ ኮሽዛ። 23 ቦንቾ ኮሾዋ ግ ኑ ቆፕዛ ኑ ብልትታ ሎእꬂ ቦንቾዳ። ማ ኑ ቦርስንትዛ ኑ አሰትꬅ ብልትታ ኣꬂ ቦንቺ ናጎዳ። 24 ኑ ብእን ቦርሶዋ አሰትꬅ ብልታይስ ቦንቾ ኮሾያ። ዝን ጾሳይ ኑ አሰትꬅ ብልትታ ዎል ሄልꬂ ቦርስዛ ብልታይስ ኣꬊዝ ቦንቾ እንጌዛ። 25 አሰትꬅ ብልትታይ ፐታይ ፐታይር ሻኮ መካ ዎል ቆፖዳይ ጋርክ ኡዲ መꬌዛ። 26 አሰትꬅ ብልትታይፕ ፐታይ ሀርግንትኮ ብልትታይ ኡባይ ኤዛር ሀርግንትዛ። አሰትꬅ ብልትታይፕ ፐታይ ቦንችንትኮ ብልትታይ ኡባይ ኤዛር ኡፋይትዛ።

27 ይ ኡባይ ክርስቶሳ አሰትꬅ፤ ማ ይ ፐታይ ፐታይ ኤ ብልትታ። 28 ዎሳ ኬꬃ ጾሳይ፥ ቲና ሀዋርታ፥ ናምእንꬆ ናብታ፥ ሃይꬒንꬃ አስታማርታ፥ ካሊ ማላትታ ኦꬅዝታ፥ ፓꬅዝታ፥ Ꮊንክታ ማድዝታ፥ ዎሳ ኬꬅ አቅዝታኔ፥ ዱማ ዱማ ዶናር ኦድዝታ ጋዴዛ። ኤፍ. 4:11 29 ኡባይ ሀዋረ? ኡባይ ናበ? ኡባይ አስታማረ? ኡባይ ማላታ ኡድነ? 30 ኡባይ ፓꬅኔ? ኡባይ ዱማ ዱማ ዶናር ኦድንትኔ? ኡባይ ዱማ ዱማ ዶናር ኦድንትዛና ብልእኔ? 31 ዝን ኡባይፕ ኣꬊዝ እሞታ ሚንꬂ ኮዮይታ።

ማ ኡባይፕ ኣꬊዝ ኦጋ ታ ይንታን ቤዞዳ።