1 ታ እሹንꬆ፥ ታ ይንትስ ማርካቴዝ ዎንግለ ይ ኤኬዛኔ ይ አማናይድ ሚንጊ ኤቄዛና ይ አካኮዳይ ጋርክ ታ ኮይዛ። 2 ታ ታማርሴዝ ዎንግለ ሚንꬂ አይክኮ ይ ኤዛይር አቶዳ። የይ ሀናም እጽኮ ይ አማናይ ጨረ ማቃዳ።

3 ታኒ ኤኬዝ ኡባይፕ ኣꬊዝ ኪታ ቲናቲ ይንትስ እንጌዛ። የይካ፥ ጌሻ ማጻፋይ ግዛይ ጋርክ፥ ክርስቶሳ ኑ ናጋራ ግሾስ Ꮊይቄዛ። ኢሳ. 53:5-12 4 ሞግንቴዛ፤ ጌሻ ማጻፋይ ግዛይ ጋርክ፥ ሃይꬒንꬃ ጋላስ Ꮊይቆፕ ደንዴዛ። ማዝ. 16:8-10፤ ማቶ. 12:40፤ ሀዋ. ኦ. 2:24-32 5 ጵጽሮሳስ ቆንጬዛ። የይፕ ጉየ፥ ታጶ ናምኢ ሀዋርታይስ በንቴዛ። ማቶ. 28:16-17፤ ማር. 16:14፤ ሉቃ. 24:34፥ 36፤ ዋን. 20:19 6 እችን ጼታፕ ጋንግዛ አማንዝታይስ ፐቲ ቶኬ በንቴዛ። ኡንታፕ ጋምታይ Ꮊኖ ሄሎዳይስ ፓጻ የዛ፥ ዝን ጽቅታይ Ꮊይቄዛ። 7 የይፕ ጉየ፥ ያይቆባስ በንቴዛ፤ ጉየፐካ ፋ ሀዋርታይስ ኡባይስ በንቴዛ።

8 ማ ዉርስꬃ ቡልꬅ ጋርክ ማቄዝ ታስ በንቴዛ። ሀዋ. ኦ. 9:3-6 9 ታኒ የሱሳ ሀዋርታይ ኡባይፕ ላፋ። ታኒ ጾስ ዎሳ ኬꬅ ባይእꬄዝ ግሾስ የሱሳ ሀዋረ ግንትንቲ ጼግንቶዳይስ ቤዞዋዛ። ሀዋ. ኦ. 8:3 10 ዝን ጾስ ኣꬎ ኬሃትꬃይድ Ꮊት ማቄዛይ ታና፤ ኤ ታስ እንጌዝ ኣꬎ ኬሃትꬃይ ጨር አተካያ። ታኒ Ꮊንኮ ሀዋርታይፕ ኣꬂ ዳቡሬዛ። ዝን ታራ የዝ ጾስ ኣꬎ ኬሃትꬃይ ኦꬄነፕ አትን ታና ባያ። 11 ይኬ፥ ታና ማቅን ኡንቲ፥ ኑ ኡባይ ታማርስዛይ የያ፤ ይንትካ የ ኪታ አማኔዛ።

12 ክርስቶሳ Ꮊይቆፕ ደንዴዛና ኑ ሳባክዛ ዎደ ይንትፕ ፐታይ ፐታይ የዝን፥ ዋይዚ፥ «Ꮊይቆፕ ደንዶ ባያ» ዬግኔ? 13 Ꮊይቆፕ ደንዶ ባባዝ ማቅኮ ክርስቶሳ Ꮊይቆፕ ደንደካ ጉሲ። 14 ክርስቶሳ Ꮊይቆፕ ደንደካባዝ ማቅኮ ኑ ትምርታይካ ይ አማናይካ ጨረ። 15 Ꮊይቆፕ ደንዶ ባዝን፥ ኑኒ ጾሳይ፥ «ክርስቶሳና Ꮊይቆፕ ደንꬄዛ» ዬጊ ሳባክታር ዎርዶ ጾስ ማርክታ ማቄዝ ጉሲ። 16 Ꮊይቄዝ አሳይ Ꮊይቆፕ ደንዶዋባዝ ማቅኮ ይኬ፥ ክርስቶሳ Ꮊይቆፕ ደንደካያ። 17 ክርስቶሳ Ꮊይቆፕ ደንደካባዝ ማቅኮ፥ ይ አማናይ ጨረ፤ ማ ይ Ꮊኖ ሄሎዳይስ ይ ናጋራራ የዛ። 18 ይኬ፥ ክርስቶሳ አማኒ Ꮊይቄዝታይካ ꬋቤዛ ጉሲ። 19 ኑኒ Ꮊ አላመ የስ ኣዳስ ክርስቶሳር ኡፋይሳ ኦꬄዝባዝ ማቅኮ፥ Ꮊ ሳአል የዝ አስ ኡባይፕ ኑባዝ ኣꬎ አዛንꬅዛባዝ ማቃዳ።

20 ዝን ክርስቶሳ Ꮊይቄዝታይስ Ꮊይቆፕ ደንዶር ባይራ ማቂ ቱማ ደንዴዛ። 21 Ꮊይቆ ፐቲ አስ ባጋር Ꮊ አላመ የኤዛይ ጋርክ Ꮊይቆፕ ደንዶካ ፐቲ አስ ባጋር የኤዛ። 22 አዳመ ባጋር አስ ኡባይ Ꮊይቄዛይ ጋርክ ክርስቶሳ ባጋር አስ ኡባይ ደኦ የዝዛ። 23 ዝን ፐታይ ፐታይ ፋ ሙራር ሙራር ደንዶዳ። ክርስቶሳ ኡባይፕ ባይራቲ ደንዴዛ፤ የይፕ ጉየ፥ ክርስቶሳስታይ ኤ ይእዛ ዎደ ደንዶዳ።

24 የይፕ ጉየ፥ ክርስቶሳ ሀርዝታ፥ ማዉተኔ ዎልቃ ኡባ ꬋብሲ፥ ካተትꬃ ጾስ አዳይስ እንግዛ ዎደ ዎደ ዉርስꬃይ የኦዳ። 25 ጾሳይ ኤ ሞርክታ ኡባ ኤ ቶኬ ኦሞ ኦሎድ ሄሎዳይስ ክርስቶሳ ካዉቶዳይስ ቤዝዛ። ማዝ. 110:1 26 ዉርስꬃል ኤ ꬋብሶዳይስ የዝ ሞርካይ Ꮊይቆ። 27 ጌሻ ማጻፋይድ፥ «ጾሳይ ኡባ ባዝ ኤ ማዉተ ኦሞ ሃርሴዛ» ግንትንቲ ጻፍንቴዛ። ዝን ኡባ ኤ ማዉታይፕ ኦሞ ሃርሴዛ ግዛይ፥ ጾስ አዳይ ኣዳ አትኮ ኡባ ባዝ ኤ ማዉታይፕ ኦሞ ሃርሴዛ። ማዝ. 8:6 28 ኡባ ባዝ ክርስቶሳ ማዉታይፕ ኦሞ ሃርንቴዛይፕ ጉየ ክርስቶሳ ማ ፋ ኦማስ ኡባ ባዝ ፓስ ሃርሴዝ ጾሳይስ ሃርንቶዳ። የ ዎደ ጾሳይ ፋ ኣዳ ኡባ ሃሮዳ።

29 Ꮊይቄዝታይ ደንዶዋባዝ ማቅኮ ኡ ግሾስ ጻማቅንትዛ አሳይ አብስ ዋይኔ? Ꮊይቄዝታይ ደንዶዋባዝ ማቅኮ የዝን፥ አብስ፥ አሳይ Ꮊይቄዝታይ ግሾስ ጻማቅንትኔ?

30 የዝን፥ ኑኒ አብስ ኡባ ዎደ ኑናትꬃ መቶስ ኣꬂ እንግኔ? 31 ታ እሹንꬆ፥ ታ ጋላስ ጋላስ Ꮊይቆስ ኣꬊ እንግንትዛ። የይካ፥ ጎዳ የሱስ ክርስቶሳል የዝ ደኦ ፐትፐተꬃይድ ይንታል ጬቅዛ ግሾስ። 32 አስ ቆፋ ጋርክ ማቅኮ፥ ታኒ ኤፈሶነ ዶአራ ቡትቴዛይ ታና አብ ማዴ? Ꮊይቄዝታይ Ꮊይቆፕ ደንዶዋባዝ ማቅኮ፥ «ዎንቲ ኑ Ꮊይቅዝ ግሾስ Ꮊይኖ ማዳ ኡዦዳ» ዬግዝ አሳይ ጋርክ ማቅዛ። ኢሳ. 22:13

33 ባልንትፓተ! ኢታ ዣመትꬂ ሎኦ ሀኖ ኢስዛ። 34 ይ ካሃይኮ ማቆይታ። ናጋራ ኦꬅፓተ። ይንታፕ ፐቲ ፐቲ አሳይ ጾስ ኤሮያ። ታኒ ይንታን ዬላꬆዳይስ የያ ግዛ።

35 ፐቲ አስ፥ «Ꮊይቄዝ አሳይ ዋይዚ ደንዴ? ኡንቲ አብ ጋርክ አሰትꬃራ የኦዴ?» ዬግꬅ አታሚ። 36 ነኖ ቦዛዮ፥ ኔኒ ቢታል ዘርዝ ዘርꬃይ Ꮊይቀካ ዶሎያ። 37 ኔኒ ዘርዛይ ግስተ ማቆ ዎይ ሀራ ካꬃ ዎቆዋ አፋ ኣዳ ዘርነፕ አትን ዶሌዝ ዶላ ባያ። 38 ዝን ጾሳይ ዘረꬅታይስ ፋ ዶሴዛይ ጋርክ መትꬂ እንግዛ። ዱማ ዱማ ዘርꬅታይስ ዱማ ዱማ አሰትꬅ እንግዛ። 39 መትꬅ ኡባይ አሾ ፐቶ ባያ። ዝን አስ አሾ ፐቶ፤ መሄ አሾ ሀራ፤ ካፍታይ አሾ ሀራ፤ ማ ሞሎ አሾካ ሀራ።

40 ሳሎ አሰትꬅ የዛ፤ ማ ሳአ አሰትꬅካ የዛ። ዝን ሳሎ አሰትꬅ ቦንቾ ፐቲ ማላ፤ ማ ሳአ አሳተꬅ ቦንቾ ሀራ። 41 አዋ ቦንቾ ሀራ፤ አጌና ቦንቾ ሀራ፤ ጾልንትታይ ቦንቾ ሀራ፤ ፐቲ ጾልንታይ ሀራ ጾልንቶፕ ቦንቾር ዱማትዛ።

42 Ꮊይቄዝታይ Ꮊይቆፕ ደንድዛ ዎደ የይ ጋርክ ሀኖዳ። ዎቅዛ አሰትꬃይ ዘርንትዛ፤ ዎቆዋ አሰትꬅ ማቂ ደንድዛ። 43 ቶቼር ዘርንቲ፥ ቦንቾር ደንዶዳ፤ ዳቡርሳር ዘርንቲ፥ ዎልቃር ደንዶዳ። 44 መትꬅ አሰትꬃር ዘርንቲ፥ አያና አሰትꬅ ማቂ ደንዶዳ። መታ አሰትꬅ የዝኮ፥ አያና አሰትꬅ የዛ።

45 የይ ጋርከካ፥ ጌሻ ማጻፋይድ፥ «ቲና አꬃይ፥ አዳማ፥ ፓꬅ የዝ አስ ማቂ መꬍንቴዛ»መ. 2:7 ዬግዛ። ዝን ጉየ አዳማ፥ ክርስቶሳ፥ ደኦ እንግዛ አያና ማቄዛ። 46 ዝን መታ አስ ቲና ይእን፥ ጉየፕ አያና አስ የኤነፕ አትን አያና አስ ቲና የኤካያ። 47 ቲና አዳም ቢታፕ መꬍንቴዝ ቢታ አስ፤ ናምእንꬆ አዳማ ሳሎፕ የኤዛ። 48 ቢታፕ መꬍንቴዝታይ ቢታይፕ መꬍንቴዛና ኣዝዛ። ሳሎስታይ ሳሎፕ የኤዛና ኣዝዛ። 49 ኑኒ ቢታፕ መꬍንቴዝ አꬃ ኣዝዛይ ጋርክ ሳሎፕ የኤዝ አꬃካ ኣዝዛ።

50 ታ እሹንꬆ፥ ታ ግዛይ የያ፤ አሾኔ ሱꬂ ጾስ ካተትꬅ ላቶዳይስ ዳንዳኦያ። ዎቅዛ አሰትꬃይ ዎቆዋ አሰትꬃ ላቶያ።

51 ታ ይንትስ ፐቲ ጹረ ኦዶዳ። ኑ ኡባይ Ꮊይቃሚ፥ ዝን ዉርስꬃል ኡባይ ላምንቶዳ። 1ተሰ. 4:15-17 52 ቱልቱሎ ፑግንቶዳር ኣፈ ቅጲ በአዳይስ ቆፐካ ላምንቶዳ። Ꮊይቄዝ አሳይ ዎቃም አስ ማቂ ደንዶዳ፤ ኑካ ላምንቶዳ። 53 Ꮊይ ዎቅዛይ ዎቃማና፥ Ꮊይ Ꮊይቅዛይ Ꮊይቃማና ማኦዳይስ ቤዝዛ።

54 Ꮊይ ዎቅዛይ ዎቃማና፥ ማ Ꮊይ Ꮊይቅዛይ Ꮊይቃማና ማእዛ ዎደ ጌሻ ማጻፋይድ፥ «Ꮊይቆ ጋምꬃር ምትንቴዛ»ኢሳ. 25:8 ግዝ ቃላይ ፖልንቶዳ። 55 የይ ጋርከካ፥

56 Ꮊይቆ ዱክዛ ዪሻይ ናጋራ፤ ማ ናጋራ ዎልቃይ ህገ። 57 ዝን ኑ ጎዳ የሱስ ክርስቶሳ ባጋር ኑስ ጋምꬅ እንግዛ ጾሳና ጋላታ ሄሎ።

58 የይ ግሾስ፥ ታ ሲቆ እሹንꬆ፥ ኤንኤካ ሚንጊ ኤቆይታ። ጎዳይ ኦሳይድ ይ ዳቡርዛይ ጨረ ባዛና ኤሪ ኡባ ዎደ ጎዳይ ኦሳ አዛለካዛር ኦꬆይታ።