1 የሱሳ፥ ኤ ክርስቶሳ ዬጊ፥ አማንዛ ኦንካ ጾስ ናአ። አዳ ሲቅዛ ኦንካ ኤ ናአካ ሲቅዛ። 2 ኑኒ ጾስ ሲቅዛ ግሾኔ ኤ አዛዛ ናግዛ ግሾስ ጾስ ናእታ ሲቅዛና ኤርዛ። 3 ጾስ ዶስዛ ጉሳይ፥ ኤ አዛዛ ናጎ። ኤ አዛዛይካ ዴጾ ባያ። ዋን. 14:15 4 ጾስ ናአ ማቄዛ ኦንካ Ꮊ አላማ ጋሞዳይስ ዳንዳእዛ። ኑኒ Ꮊ አላማ ጋሞዳይ ኑ አማናይራ። 5 የሱሳ ጾስ ናአ ማቄዛና አማንዛ አስ ኣዳፕ አትን ሀራ Ꮊ አላማ ጋሞዳይስ ዳንዳእዛይ ኦኖ?

6 የሱስ ክርስቶሳ ጽንቃታ ቤዝዝ ሃꬃራኔ ፋ Ꮊይቆ ቤዝዝ ሱꬃር የኤዛ። ኤ፥ ሃꬃራኔ ሱꬃር የኤነፕ አትን ሃꬅ ኣዳር የኤካያ። ጌሻ አያናይ ቱማ ማቄዝ ግሾስ የይ ቱማ ማቄዛና ማርካትዛ። 7 ሀይꬒ ማርክታይ የዛ። 8 የይትታይ፥ አያና፥ ሃꬅኔ ሱꬂ። Ꮊ ሃይꬒታይ ማርካትꬃይ ፐቶ። 9 ኑ አስ ማርካትꬃ አማንዛ፥ ዝን ጾስ ማርካትꬃይ አሳይሳይፕ ሎእꬅ ኣꬍዛ። ጾሲ ፋ ናአይስ ማርካቴዝ ማርካትꬃይ Ꮊያ። 10 ጾስ ናአ አማንዛ አስ ዎዝናይድ Ꮊ ማርካትꬃይ የዛ። ጾሳ አማኖዋ ኦንካ ጾሲ ፋ ናአይስ ማርካቴዝ ማርካትꬃ አማነካ ግሾስ ጾሳና ዎርዶ ኡድዛ።

11 ይኬ፥ ማርካትꬃይ Ꮊይ፤ ጾሲ ኑስ መꬍና ደኦ እንጌዛ፤ የ ደአይካ ኤ ናአይር የዝ ዬግዛያ። ዋን. 3:36 12 ጾስ ናአይ የዝ ኦስካ ደኦ የዛ። ጾስ ናአይ ባ ኦስካ ደኦ ባያ።

13 ጾስ ናአይ ሱንꬃ አማንዛ ይንትስ መꬍና ደኦ የዛና ይ ኤሮዳይ ጋርክ Ꮊያ ይንትስ ታ ጻፌዛ። 14 ጾስ ሸነ ጋርክ አብካ ኤዛ ኑ ዎስኮ፥ ኤ ስእዛና ኑ አማንዛ። 15 ኑኒ ዎስዛ ኡባ ኤ ስእዛ ኤርኮ፥ ኑኒ ዎስዛ ባዝ ኤ እንጎዳና ኤርዛ።

16 ኦንካ ፋ እሻ Ꮊይቆስ ሄልꬆዋ ናጋራ ኦꬆዳር ብእኮ፥ ጾስ ኤስ ዎሶዳይስ ቤዝዛ። Ꮊይቆ ሄልꬅዛ ናጋራ ኦꬄዛይስ ጾስ ደኦ እንጎዳ። Ꮊይቆ ሄልꬅዛ ናጋራ የዛ። ታኒ ይንታን የይስ ጾስ ዎሶይታ ጋሚ። 17 ኢታ ኦሶ ኡባይ ናጋራ፥ ዝን Ꮊይቆ ሄልꬆዋ ናጋራ የዛ።

18 ጾስ ናአይ የሱስ ክርስቶሳ ኤዛ ናግዛይ ግሾስ ጾስ ናአ ማቄዝ ኦንካ ናጋራራ ኡባ ዎደ የዞዋዛ ኑኒ ኤርዛ። ጻላሄ ኤዛ ቆሆዳይስ ዳንዳኦያ። 19 ኑኒ ጾስስ ማቄዛኔ Ꮊ ኩንꬅ አላማይ ጻላሄስ ሃርንትዛና ኤርዛ።

20 ኑኒ ቱማ ጾሳ ኤሮዳይ ጋርክ ጾስ ናአይ የኤዛኔ ኑስ አካካ እንጌዛና ኑ ኤርዛ። ኑኒ ኤ ናአ፥ የሱስ ክርስቶሳራኔ ቱማ ጾሳር ፐትፐትꬅ የዛ። የሱሳ ቱማ ጾስኔ መꬍና ደኦ።

21 ታ ናኡንꬆ፥ ኤቅታይስ ጎይኖፕ ይ ሃኮይታ።