1 ታ እሹንꬆ፥ Ꮊይትታይ ሀኖድ ላይꬅታይኔ አግንታይ ባጋ ይንትስ ጻፎዳይስ ኮሾያ። 2 ጎዳይ ጋላሳይ ካይዞ ቃማ ይእዛይ ጋርክ የኦዳና ይ ሎእꬂ ኤርዛ። ማቶ. 24:43፤ ሉቃ. 12:39፤ 2ጵጽ. 3:10 3 አሳይ፥ «ሳአ ሳሮ፥ አኮካ ባያ» ዬጎዳር፥ ማች እቅꬂ አይክዛይ ጋርክ ꬋቦ ኡንቲ ቆፐካዝን ኡንታል አፋ የኦዳ። ኡንቲ አባ ኦገርካ የሻ ቡታሚ።

4 ዝን ኑ እሹንꬆ፥ የ ጋላሳይ ይንትስ ካይዞ ይእዛይ ጋርክ የኦዳይስ ይ ꬉማ ባያ። 5 ይ ኡባይ ፖኦ አስኔ ጋላሳ የዝ አሲ፤ ኑኒ ቃማ አስ ዎይ ꬉማ አስ ባያ። 6 የይ ግሾስ፥ ኑኒ Ꮊንክታይ ገንትዛይ ጋርክ ገንቶዳይስ ቤዞያ፤ ኑኒ ባርኮዳይስኔ ጊጊ የዞዳይስ ቤዝዛ። 7 ገንትዝታይ ቃማ ገንትዛ፤ ማꬅዝታይካ ቃማ ማꬅዛ። 8 ዝን ኑኒ ፖኦ አስ ማቄዝ ግሾስ ቤዝዛይ ጋርክ የዞዳይስ ቤዝዛ። አማኖኔ ሲቆ ጹሩረ ጋርክ ትራል ማኢ፥ አቶትꬅ ኡፋይሳ ኦማ ኦላ ብራታ ባርኔጻ ጋርክ ጋዲ የዞዳይስ ቤዝዛ። ኢሳ. 59:17፤ ኤፍ. 6:13-17 9 ጾሲ ኑና ኑ ጎዳ የሱሳ ባጋር ኩንꬅ አቶትꬅ ኤኮዳይ ጋርክ ዶሬዛፕ አትን ካችስ ዶረካያ። 10 ኑኒ ፓꬅ የዝን ዎይ Ꮊይቂን፥ ክርስቶሳር የዜዝ ዎደ ኤዛር ፐትፕ የዞዳይ ጋርክ ክርስቶሳ ኑ ግሾስ Ꮊይቄዛ። 11 የይ ግሾስ፥ ይ ቲና ኦꬄዛይ ጋርክ፥ ፐታይ ፐታ ምንꬃꬆይታኔ ድቾይታ።

12 ኑ እሹንꬆ፥ ይ ጋንጨ ኦꬅዝታ፥ ይንታን ካልꬆዳይ ጋርከኔ ዞሮዳይ ጋርክ ጎዳይ ዶሬዝታ ቦንቾዳይ ጋርክ ይንታን ታ ዎስዛ። 13 ኡንቲ ኦꬅዛ ኦሳይ ግሾስ ኡንታን ኡሳ ቦንቾይታኔ ሲቆይታ። ዎላ ሳሮር የዞይታ።

14 ኑ እሹንꬆ፥ ቦዝታ ካጮይታ፤ ያሽትዝታ ምንꬆይታ፤ ዳቡሬዝታ ማዶይታ፤ አስ ኡባ ዳንዳኦይታ የጊ ኑኒ ይንታን ዞርዛ። 15 ኦንካ ኢታ ግሾስ ኢታ ማሃማይ ጋርክ ናግንቶይታ። ይ ዎልስኔ አስ ኡባይስ ሎኦ ባዝ ኦꬆዳይስ ሚንጎይታ።

16 ኡባ ዎደ ኡፋይቶይታ። 17 ኡባ ዎደ ጾሳ ዎሶይታ። 18 ኡባ ባዛር ጋላቶይታ። ክርስቶሳ የሱሳ ባጋር ጾሲ ይንታፕ ኮይዛይ የያ።

19 ጌሻ አያና ኦሳ ዱጭፓተ። 20 ትንቢተ ለቅፓተ። 21 ኡባ ባዝ ፋጮይታ፤ ሎኦ ባዛ ኤኮይ። 22 ኢታ ኦሶ ኡባይፕ ሃኮይታ።

23 ሳሮ እንግዛ ጾሳይ ፋ ኦማስ ይንታን ፎሎ ጌሾ። ኑ ጎዳይ የሱስ ክርስቶሳ የኦድ ጋላስስ፥ ጾሲ ይ አያና፥ ይ ሸምፓኔ ይ ኩንꬅ አሰትꬃ ቦሮ ባይꬅ ናጎ። 24 ይንታን ጼግዛይ አማንንቴዛያ ማቄዝ ግሾስ የያ ኤ ፖሎዳ።

25 ኑ እሹንꬆ፥ ኑስ ጾሳ ዎሶይታ።

26 አማንዛ አስ ኡባ ጌሽ ዬራር ሳሮꬆይታ።

27 ይ Ꮊ ኪታ አማንዛ አስ ኡባይስ ናባቦዳይ ጋርክ ጎዳይ ሱንꬃይር ይንታን ታ ዎስዛ።

28 ኑ ጎዳ የሱስ ክርስቶሳ ኣꬎ ኬሃትꬃይ ይንታር ዎላ ማቆ።