1 ኑና አሽዛ ጾሳይኔ ኑ ኡፋይሳ ማቄዝ የሱስ ክርስቶሳ አዛዞር፥ የሱስ ክርስቶሳ ሀዋረ ማቄዝ፥ ጳዉሎሳፕ፥ 2 አማኖር ታስ ቱማ ናአ ማቄዝ ጽማቶሳስ።

ሀዋ. ኦ. 16:1ጾሳ ኑ አዳይፕ፥ ኑ ጎዳ የሱስ ክርስቶሳ ኣꬎ ኬሃትꬃይ፥ ማሮተꬃይኔ ሳሮትꬃይ ኔስ ማቆ።

3 ታኒ ማቃዶና Ꮊንግታር ነና ሀዳሬዛይ ጋርክ፥ ፐቲ ፐቲ አስታይ ዎርዶ ትምርተ ታማርስዛና ካዮዳይስ ነ ኤፈሶነ ጋምኦዳይ ጋርክ ታ ኮይዛ። 4 ኡንቲ ማዶዋ ቶሰ ኦዶኔ ዉርስꬂ ባ ፋ ኮቺ ፓይዶ አሾዳይ ጋርክ ኦዶባ። የይ ጋርከዝ ባዝ ፓላማ ካልꬅነፕ አትን አማኖር ኦስንትዝ ጾስ ኦሳይስ ማዶያ። 5 Ꮊ አዛዛይ ኣፈ ቆፋይ ጌሽ ዎዝናፕ፥ ሎኦ ካሃፐኔ ቱማ አማኖፕ በንትዝ ሲቆ። 6 ፐቲ ፐቲ አስታይ Ꮊያ አሺ፥ ፓꬆዋ ጨረ ፓላማኮ ማቄዛ። 7 ኡንቲ ጾስ ህገ አስታማረ ማቆዳይስ ኮይዛ። ዝን ኡንቲ አብ ኦድዛኮ ዎይ ኑሳይ ቱማ ግ ኦድዛናካ ኤሮያ።

8 አሲ ቤዝዛይ ጋርክ ህገር ማድንትኮ ህገ ሎኦ ማቄዛና ኑ ኤርዛ። 9 አካኮዳይስ ቤዝዛይ ህገ ሃዮ አሳይስ መꬍንተካዛ ኑ ኤርዛ፥ ዝን ህገ፥ ህገ መንꬄዝታ፥ ዳፋ ኦꬅዝታ፥ ጾሰ ያሽቶዝታ፥ ሸምፖ ዎꬍዝታ፥ ናጋራንችታ፥ ጌሻትꬂ ባዝታ፥ ቱንታ፥ ሀራ አቶዝን ፋ እንዶ ዎይ አደ ዎꬍዝታ፥ 10 ላምዝታ፥ ꬊራꬂ ꬊራꬃር ላምዝታ፥ አስ ባይዝዝታ፥ ዎርዳንችታ፥ ዎርዶር ጫቂዝታ፥ ዎይ ቱማ ትምርተራ ዎል ሄሎዋ አባ ኦሶ ኡባ ኦꬅዝታይሲ። 11 Ꮊ ቱማ ትምርታይ ቦንቾኔ አንጅንቴዝ ጾሳይ ታ አዋጆዳይ ጋርክ ታስ ሀዳራ እንጌዝ ዎንግለ ጋንጨ የዛ።

12 ታና ፋ ኦሶስ ሹሚ የ ኦሳይስ ቤዝዛ ግ ፓይዲ ታ ኦꬅዛ ኦሳይስ ታስ ዎልቃ እንጌዝ ኑ ጎዳ ክርስቶሳ የሱሳና ታ ጋላትዛ። 13 ታኒ Ꮊይፕ ቲና ጫዥዛያ፥ ባይእዛኔ ካውሽሴዛ ማቅኮካ ታኒ የያ ኤረካኔ አማነካ ኦꬄዝ ግሾስ ጾሲ ታና ማሬዛ። ሀዋ. ኦ. 8:3፤ 9:4-5 14 ኑ ጎዳይ ፋ ኣꬎ ኬሃትꬃይፕ ታል አፋ ጎግሲ፥ የ ኣꬎ ኬሄትꬃር አማኖኔ ሲቆ ክርስቶሳ የሱሳ ባጋር ታስ እንጌዛ።

15 «ክርስቶሳ የሱሳ ናጋራንችታ አሾዳይስ Ꮊ አላመ የኤዛ» ግዝ ቃላይ አማንꬅዛኔ አስ ኡባይ ኤኮዳይስ ቤዝዛያ። ኡባፕ ኣꬌዝ ናጋራንቻይ ታና። 16 ዝን መꬍና ደኦ ኤኮዳይስ ኤዛ አማንዛ አሳይስ ታኒ ኣዝሶ ማቆዳይ ጋርክ የሱስ ክርስቶሳ ታና ጋመ ዳንዳኤዛ። ታስ ኡባይፕ ኣꬊዝ ናጋራንቻይስ ጾሲ ፋ ማሮትꬅ ጋንትꬄዛ። 17 ኣፈር በንቶዋዝታይስ፥ ፐቲ ጾሳይስ፥ Ꮊይቆዋዛይስ፥ መꬍና ካታይስ፥ መꬊናፕ መꬍና ሄሎዳይስ ጋላታኔ ቦንቾ ማቆ። አምንኤ።

18 ታ ናአ ጽማቶሳ፥ ካሰ ነባጋ ናብታይ ኦዴዝ ቃላይል አፋ ኤቂ Ꮊ ኪታ ሀዳራ ኔስ እንግዛ። ነ የ ቃላ ካሊ ሎኦ ኦላ ኦልንቶባ። 19 አማኖኔ ሎኦ ካሃ ኔስ የዞ። ፐታይ ፐታይ ካሃይ ግዛያ እጺ ማረ ባ ማርካበ ꬋብዛይ ጋርክ ፋ አማና ꬋብሴዛ። 20 ያ አስታይ ጋንጨ ሄመኔሳኔ ኢስክንድረ የዛ። ኡንቲ ታማሪ ጾሳ ጫሸ አሾዳይ ጋርክ ታኒ ጻላሄስ ኡንታን ኣꬂ እንጌዛ።