1 ꬊራꬅ ጭምታ ነ አደ ጋርክ ቦንቾር ዞሮባፕ አትን ካጭፐ። የላጋ ꬊራꬅታ ነ እሸ ኡዲ ቦኦባ። 2 ጭማ ማችታ ነ እንዲ ጋርክ፥ የላጋ ማችታ ነ ምሺ ጋርክ፥ ፎሎ ጌሸትꬃር ቦኦባ።

3 አዝኒ Ꮊይቄዝታ ቱማ ማዴ ኮሽዛ አምእታ ቦንቾባ። 4 ዝን አምእታይ ናእታይ ዎይ ናአ ናእታይ የዝኮ፥ የ ናእታይ ጾስ ኣዞ ቤዞዳይስ ፋና የሌዝትይስኔ፥ ፋ ዎጋ ኣይስኔ ዎጋ አደ ማዲ ኩሸ ማህꬅ ታማሮ። የይ ጾስ ኡፋይስዛ ባዚ።

5 ፋ ኡባስ የዝ ቱማ አምአት ጾሳፕ ማዴ ደንጎዳይስ ኡፋይሳር ናግዛ። ጋላሳኔ ቃማ ጾሲ ፋና ማዶዳይ ጋርክ ዎስዛኔ ኦይጭዛ። 6 ዝን Ꮊ አላመል ሎኦ የስ ኣዳ ኮይዝ አምአት ፓꬅ የዛር Ꮊይቄዛኖ። 7 ኦንካ ኡንታን ቦራማይ ጋርክ Ꮊ ኪታ አስታ ታማርሶይታ። 8 ዝን ፋ ዳቦስ፥ ኡባይፕ ኣꬂ ፋ ካራ አሳይስ ቆፖዋ ኦንካ ፋ አማና ካዴዛ፤ አማኖዋ አሳፐካ ኣꬌዝ ኢታ።

9 ላይꬂ ኡሱፑን ታም ኩመካ አዝኒ Ꮊይቄዝ ማችታ አምኤ ሱንꬅ ማዝጋባል ጻፍፐ። ማ የይል አፋ ፐቲ አዝና የዛኖ ማቆዳይስ ኮሽዛ። 10 ናእታ ድሾር፥ እማꬄ ሞኮር፥ ጌሽታይ ቶኬ ሜቻር፥ መትንትዛ አሳ ማደር፥ ሎኦ ኦሶ ኡባይስ ፋና ኣꬂ እንጌዛኖ ሎኦ ኦሶር ኤርንቴዛኖ ማቆዳይስ ቤዝዛ።

11 ዝን አዝንታይ Ꮊይቄዝ ናአትꬅ ማችታይ ሱንꬃ ማዝጋባ ጻፕፐ። ኡንታን አዝን ገሎ ገሎ ግዝ አሾ አማይ አይክዝ ዎደ ክርስቶሳ ካዶዳ። 12 ኡንቲ ቲና ገሌዝ ቃላ መንꬄዝ ግሾስ ፕርድንቶዳ። 13 የይል አፋ ኡንቲ ኦሶ ꬋብን ኬꬃፕ ኬꬅ ዩዮዳ። ዩሻ ኣዳ ባዝን ሀዎዛራኔ ፋና ገልሶዋ አቆ ገሊ ቤዞዋባዚ ኦድንትንትዛ። 14 የይ ግሾስ፥ ኑ ሞርክታይ ኑል አፋ ኦድንትዛ ኢታ ባዝ ደንጋም ጋርክ ናአትꬅ ማችታይ አዝን ገሊ፥ ናአ የሊ፥ ፋ ኬꬅ አቅሶዳይ ጋርክ ታ ዞርዛ። 15 Ꮊይፕ ቲና ፐቲ ፐቲ አዝኒ Ꮊይቄዝ ማችታይ ጻላሄ ካሊ አማኖ ኦገፕ ባለ ከዜዝ።

16 ፐቲ አማንዛ ማች አስታ ፋ ካራ ማችታይ የዝኮ እዛ ኡንታን ማዶዳይስ ቤዝዛ። የይ ጋርክ ኦꬅኮ፥ ዎሳ ኬꬅስ ቶፓይ ሻዉክዛ። የ ዎደ ዎሳ ኬꬃይ ማዴ ቤዝዛ ቱማ ማችታ ማዶዳይስ ዳንዳእዛ።

17 ዎሳ ኬꬅ ሎእꬂ ሄንግዝ ጭምታይ፥ ኡባይፕ ኣꬂ፥ ቃላ ሳባኮራኔ ታማርሶር ዳቡርዝታይ ዳኮ ቦንቾ ኤኮዳይስ ቤዝዛ። 18 ጌሻ ማጻፋይ፥ «ዉዱማ ካꬃ የꬍዝ ገማታይ ዶና አጭፐ» Ꮊይ ጋርክ፥ «ኦሳንቻይ ፋ ዳሞዛ ኤኮዳይስ ቤዝዛ»ናምእ. 25:4፤ ማቶ. 10:10፤ ሉቃ. 10:7 ዬግዛ።

19 ናምኢ ዎይ ሀይꬒ ማርካ ማርካተካዝን፥ ዎሳ ኬꬅ ጭማል አፋ ሺቄዝ ሞቶ ስእፐ። ናምእ. 17:6፤ 19:15 20 Ꮊንክታይ ያሽቶዳይ ጋርክ ናጋራ ኦꬅዛ ኦናካ አስ ኡባይ ቲና ጋይሎይታ።

21 ኔኒ አስ ስኖ በኤካ፥ ፐታ ፐታይፕ ሻከካ Ꮊ ኪታ ናጎድ ጋርክ ጾሳ፥ ጎዳ የሱስ ክርስቶሳኔ ማራጽንቴዝ ኪታንችታይ ቲና ታ ነና ዞርዛ። 22 ኦል አፋካ ነ ኩሸ ጋዲ ሹሞዳይስ ኤለስፐ። ሃርታይ ናጋራይድ ገልፐ፤ ነና ጌሸትꬃር ናጎባ።

23 ኔኒ ኡባ ዎደ ሀርግንትዛ ግሾኔ ነ ኡሎ ሀርጋይ ግሾስ ሃꬅ ኣዳ ኡዥፐ፤ ጽቃ ዎይነ ኡዦባ።

24 ፐቲ ፐቲ አስታይ ናጋራይ ቆንጨ፤ ኡ ናጋራይ ኡንታን ፕርዶዳይስ ኡንታፕ ቲና ኣꬍዛ፥ ዝን Ꮊንክታይ ናጋራይ ጉየፐ ጋምኢ ቆንጭዛ። 25 የይ ጋርክ፥ ሎኦ ኦሳይካ ቆንጨ፤ ቆንጨር ኦꬃም እጽኮካ ጌሞዳይስ ዳንዳኦያ።