1 ይኬ፥ ጾሳይ ፋ ማሮተꬃር Ꮊ ኦሳ ኑስ እንጌዝ ግሾስ ኑኒ ኡፋይስ ጋቻሚ። 2 ኑኒ ዬላꬅዛ ጌማ ኦሶ ኡባ አሺ፤ ገነ ኦሶ ኦꬃሚ፤ ጾስ ቃላ ዎርዶር ዋላካሚ። ቱማ ቆንጨር ናሽታር፥ አስ ኡባይ ካሃይ ኑና ኤኮዳይ ጋርክ ጾስ ቲና ኑና ሺሾዳ።

3 ኑ ኦድዛ ዎንግላይ ካምንቴዝ ባዝ ማቅኮካ፥ ካምንቴዛይ ꬋቦ ኦገል የዝ አሳይሲ። 4 Ꮊ አላማ ሃርዛ ጾሳይ አማኖዋ አሳይ ዎዝና ጎዜዛ። ኡንቲ ጾስ ኣዚ በንቴዝ ክርስቶሳ ቦንቾ ዎንግለ ፖአ በኣማይ ጋርክ ካዬዛ። 5 ኑኒ፥ የሱስ ክርስቶሳ ጎዳ ማቄዛኔ ኑ ኤ ግሾስ ይ አይልታ ማቄዛና ኦድነፕ አትን ኑባዝ ባያ። 6 «ፖኦ ꬉማ ጋንጨ ፖኦ» ጌዝ ጾሳይ፥ ክርስቶሳ ቲና ፖእዛ ጾስ ቦንቾ ኤራትꬅ ፖአ እንጎዳይስ ፋ ፖአ ኑ ዎዝናይድ ፖኦዳይ ጋርክ ኡዴዛ። መ. 1:3

7 ዝን ኡባይፕ ኣꬊዝ ዎልቃይ ኑፕ ባዝን ጾሳፕ ማቄዛና ቤዝዛ Ꮊ ቦንቾ ሚሻይ ቢታፕ መꬍንቴዝታ ማቄዝ ኑ ጋንጨ የዛ።

8 ኑ ኡባ ባጋር ኡርቅንትዛ ዝን ጋምንታሚ። ኑስ ሀድርስ ማቄዛ፥ ዝን ኡፋይስ ጋቻሚ። 9 ኑ ባይእንትዛ፥ ዝን ዶግንታሚ። ኑ ፖክዛ፥ ዝን ꬋባሚ። 10 የሱሳ ደአይ ኑ አሳተꬃይድ በንቶዳይ ጋርክ ኤ Ꮊይቃ ኡባ ዎደ ኑ አሳተꬃይድ ቶኪ ዩይዛ። 11 የሱሳ ደአይ Ꮊይቅዝ ኑ አሳተꬃይድ በንቶዳይ ጋርክ ፓꬅ የዝ ኑኒ ኤ ግሾስ ኡባ ዎደ Ꮊይቆስ ኣꬊ እንግንቶዳ። 12 ይኬ፥ Ꮊይቆ ኑል ኦꬅዛ፥ ዝን ደኦ ይንታል ኦꬅዛ።

13 ጌሻ ማጻፋይድ፥ «ታ አማኔዛ፤ የይ ግሾስ ኦዴዛ» ዬግንቴዛ። የይ ጋርከካ ፐቲ አማኖ አያና ኑስ የዛ ግሾስ ኑ አማንዛ፤ የይ ግሾስ ኦዴዛ። ማዝ. 116:10 14 ጎዳ የሱሳና Ꮊይቆፕ ደንꬄዝ ጾሳይ፥ ኑናካ የሱሳር ደንꬆዳኔ ይንታር ዎላ ሺሾዳና ታ ኤርዛ። 15 የይ ኡባይ ሀኔዛይ ይ ግሾስ። ፑጬዝ ኣꬎ ኬሃትꬃይ ጋመ አሳ ሄሌዛይ ጋርክ አሳይ ጾስ ቦንቾስ ማቅዝ ጋላታ ጋንጎዳይ ጋርከ።

16 የይ ግሾስ፥ ኑኒ ኡፋይስ ጋቻሚ። በንትዝ ኑ አሰትꬃይ ዳቡርታር Ꮊንግዛባዝ ማቅኮካ፥ ኑ አያና አሰትꬃይ ጋላስ ጋላስ ኦሮጽዛ። 17 Ꮊተስ ኑኒ ዋይንትዛ Ꮊ ካዉሻ ዋያይ፥ ኡባፕ ሎእꬆ ኣꬊዝ መꬍና ቦንቻ ኑስ እንግሶዳ። 18 ኑኒ በንትዝባዝ ባዝን በንቶዋባዛ ብእዛ። በንትዝባዛይ Ꮊተስ፥ ዝን በንቶዋባዛይ መꬍናሲ።