1 ታ ጽቃ ቦዘትꬃ ይ ጋርዦዳና ታ አሞትዛ፤ ሀያና ዳንዳኦይታ። 2 ጾሳይ ይንትስ ቆፔዛይ ጋርክ፥ ታካ ይንትስ ቆፕዛ። ታኒ ይንታን ፋና ናጌዝ ዉድርቶ ፐቲ ፓንꬃይ ማእስዛይ ጋርክ፥ ክርስቶሳስ እንጎዳይስ ኦይጪ ጋዴዛ።

3 ዝን ሾሺ ፋ ገናይር ህዋኖ ባልꬄዛይ ጋርክ ኦ ኤሬ ይ ዎዝናይ ኢቲ ክርስቶሳስ የዝ ይ ሉለትꬃኔ ጌሸትꬃ ይ አሾደሻ ግ ታ ህርግዛ። መ. 3:1-5 4 ፐቲ አስ ይኢ፥ ኑኒ ይንትስ ማርካቴዝ የሱሳፕ ሀራ የሱሳ ይንትስ ማርካትኮ፥ ዎይ ይ ኤኬዝ አያናይፐኔ ዎንግላይፕ ሀራ አያናኔ ዎንግለ ይንትስ ኦድኮ፥ ይ ስእ ግ ኤክዛ።

5 ዝን ታኒ ኡንቲ ፋና «ኑ ዳማ ሀዋርታ» ግዝታይፕ ታ ታና ጽቅዛ ግ ቆፓሚ። 6 ታኒ ኦዳ ኤሮዋ አስ ማቅኮካ፥ ኤራትꬂ ታስ የዛ። የያ ታ ይንትስ ጋመ ኦገር ቤዜዛ።

7 ታኒ ሚሸ ኦይጨካ ጾስ ዎንግለ ይንትስ ጨረ ኦዴዛኔ ይንታን ꬎቅ ኡዲ ታና ቶቼዛይ ታስ ናጋራ ጋርክ ፓይድንቶደሻ? 8 ታኒ ይንታን ማዶዳይስ ሀራ ዎሳ ኬꬅታይፕ ሚሸ ቦንቂ ኤኬዛ። 9 ታ ይንታር የዝ ዎደ ታና መትንካ ይንትፕ ፐቲ አስካ ዋይꬄካያ። ማቃዶናፕ የኤዝ እሽታይ ታና ኮሽዛ ባዝ ኡባይድ ማዴዛ። Ꮊይኖ ሄሎዳይስ ታ ይንትስ ቶፎ ማቀካያ ቲናስካ ቶፎ ማቃሚ። ፍል. 4:15-18 10 ክርስቶሳ ቱማትꬃይ ታል የዝን፥ ታ ጬቃ አካያ ቢታ ታና ኦንካ ካየና። 11 ታ Ꮊያ አብስ ግኔ? ይንታን ዶሶዋ ግሾሶነ? ታኒ ይንታን ዶስዛና ጾስ ኤርዛ።

12 Ꮊንኮ ሀዋርታይ «ኑካ ኡ ጋርክ ኦꬆዳ» ዬጊ ጬቅዛ ኡ ጬቃይስ ኦገ ꬋብሶዳይስ Ꮊት ታ ኦꬅዛና ቲናስካ ኡዶዳ። 13 Ꮊይ ጋርክ አስታይ ክርስቶሳ ሀዋረ ኣዞዳይስ ፋና ላምዛ ዎርዶ ሀዋርታኔ ዶሻ ኦሳንችታ። 14 የይ ማላባዝ ባያ፤ አብስ ጊኮ፥ ጻላሄ ፖኦ ኪታንቾ ኣዞዳይስ ፋና ላምዛ። 15 የይ ግሾስ፥ ጻላሄ ኦሳንችታይ ጽሎትꬅ ኦሳንችታ ኣዞዳይስ ፋና ላምኮ የይ ዳማባዝ ባያ። ኡንቲ ዉርስꬃል ፋ ኦሳይ ጋርክ ኤኮዳ።

16 ኦንካ ታና ቦዞ ግ ቆፓማይ ጋርክ ማህካ ኦድዛ። ታ ይንትስ ቦዞ ኣዝኮካ ታ ላፋር ጬቅንቶዳይ ጋርክ ታና ቦዞ ኡዲ ኤኮይታ። 17 ታኒ Ꮊይ ጋርክ ጬቅንቲ ኦድንታይ፥ ጎዳይ ኮይዝ ጋርክ ባዝን ቦዘትꬃር ኦድዛ። 18 ጋመ አሳይ Ꮊ ሳአባዛር ጬቅንትዛ ግሾስ ታካ ጬቅንቶዳ። 19 ይ ዎዛናማ ማቄዝ ግሾስ ቦዞ አስባዝ ኡፋይሳር ዳንዳእዛ። 20 ኦንካ ይንታን አይለ ኡድኮ ዎይ ይንታን ቦንቂኮ ዎይ ፓስ ማድንቶዳይስ ይንትኮ ሺቅኮ ዎይ ይንታል አፋ ኡትርትኮ ዎይ ይንታን ባቂኮ ይ ዳንዳእዛ። 21 ኑኒ የያ ኦꬆዳይስ ጋመ ዳቡራ ማቄዛና ዬላትታር ታ ኦድዛ።

ዝን ኦንካ ሚንጊ ጬቅንትኮ፥ ታካ ሚንጊ ጬቅንቶዳ። ታኒ የያ ቦዞ አስ ጋርክ ኦድንትዛ። 22 ኡንቲ እብራወ? ታካ እብራወ። ኡንቲ እስሬለ? ታካ እስሬለ። ኡንቲ አፍራመ ሼሾ? ታካ አፍራመ ሼሺ። 23 ኡንቲ ክርስቶሳ ኦሳናቾ? ታኒ ኤያ አስ ጋርክ ኦድዛ፥ ኡንታፕ አꬊዝ ክርስቶሳ ኦሳንቾ። ታኒ ኦሶር ጋመ ዳቡሬዛ፤ ኡንደና ዎደ አጭንቴዛ፤ ጋራፍንቴዛ፤ ጋመ ዎደ Ꮊይቆስ ሄሌዛ። ሀዋ. ኦ. 16:23 24 አይሁድታይ ታና ሀስታማኔ ኡዱፉን እችን ቶኬ ጋራፌዛ። ናምእ. 25:3 25 ሀይꬒ ቶኬ ጉፈር ሾጭንቴዛ፤ ፐቲ ቶኬ ሹቻር ሾጭንቴዛ፤ ማርካበ ሀይꬒ ቶኬ መቄዛ፤ አባ ጋንጨ ፐቲ ቃማ ኩንꬅ አቅ ፔዤዛ። ሀዋ. ኦ. 16:22፤ 14:19 26 ታኒ ጋመ ኦገ ዳቡራር የꬌዛ። ክጻ ሃꬅ ድኦፐኔ ፓኖፕ ዋየ ታና ሄሌዛ። አይሁድታይኔ አይሁደ ማቀካ አሳይ ታል አፋ መቶ ሄልꬄዛ። ካታማ፥ ሊዦ፥ አባ፥ ታና ያሼዛ፤ አማንዛ ኣዝዛ አስታይ ታና ዋይሴዛ። ሀዋ. ኦ. 9:23፤ 14:15 27 ታኒ ኦሶር ዳቡረዛኔ ጫዌዛ፥ ጋመ ቶኬ ገንታ ꬋቤዛ፥ ናይንቴዛ፥ ሳምንቴዛ፥ ጋመ ቶኬ ጾሜዛ፥ ሜግንቴዛ፥ ካሎቴዛ።

28 ሀራ ባዝ ኡባ ፓይዳምጽኮካ ኡባ ዎደ ታና ዎሳ ኬꬃታይባዝ ቆፍስዛ። 29 ፐቲ አስ ዳቡሮዳር ኤዛር ታ ዳቡረካዛይ አይደ? ፐቲ አስ ናጋራራ ꬉብንትን ታ አይደ ካጨካ አሼነ?

30 ታ ጬቅንቶዳይስ ቤዝዛ ባዝ ማቅኮ ታኒ ዳቡራ ማቄዛና ኤርስዛባዛር ጬቅንቶዳ። 31 መꬍናስ ቦንችንቴዝ ጾሳይ፥ ኑ ጎዳ የሱስ ክርስቶሳ ኣዳ፥ ታ ዎርዶቶዛና ኤርዛ። 32 ዳማስቆ ካታማይድ አረታሳ ግዝ ካታይፕ ኦሞር ሃርዛይ ታና አይꬆዳይስ ከዚ ዳማስቆ ካታማ ፐንጋ ናግሴዛ። ሀዋ. ኦ. 9:23-25 33 ዝን አሳይ ታና ዳቾ ጋንጨ ኦሊ፥ ካታማ ጋሰ ማስኮተር ዎꬍስን ታኒ ኤ ኩሸፕ አቴዛ።