2
የሱስ ክርስቶሳስ አማንንቴዝ ዎታዳረ ማቅꬅ
1 ይኬ፥ ታ ናአዮ፥ ክርስቶሳ የሱሳር የዝ ኣꬎ ኬሄትꬅይር ምንጎባ። 2 ጋመ ማርክትꬃር ቲና ታኒ ነና ታማርሴዝ ትምርታ፥ ሀራ ታማርሶዳይስ ዳንዳእዛ አማንንቴዝ አሳይስ ሀዳራ እንጎባ።
3 የሱስ ክርስቶሳስ ሎኦ ዎታዳረ ማቂ ታር ዎላ መቶ ኤኮባ። 4 ዎታዳረ ፋና አዛዜዝ ፋ ሀላቃ ኡፋይሶዳይስ ጊግንትዛይፕ አትን ሀራ ኦሶር ፋና ግቶያ። 5 የይ ጋርከካ፥ ኣላሎ ዎጽዛ ኦንካ ህጋይስ ቤዝዛ ኦገር ዎጻም እጽኮ ጋምꬅ ዎይቶ ኤኮያ። 6 ቢታ ዎታር ዳቡርዛ ኦሶ አꬃይ ፋ ዳቡራ ኣፋይፕ ሚዝ ቲና አስ ማቆዳይስ ቤዝዛ። 7 ጎዳይ ኡባባዛር ኔስ አካካ እንጎድ ግሾስ ታ ኔስ ኦዴዝባዛና ነ ዎዝናይድ ናጎባ።
8 ታኒ ማርካትዝ ዎንግላይ Ꮊያ፥ Ꮊይቆፐ ደንዴዝ፥ ዳዉተ ዘረꬅ ማቄዝ የሱስ ክርስቶሳ ቆፖባ። 9 ታኒ ዎንግለ ኦድዛ ግሾስ ዳፋ ኦꬄዝ አስ ጋርክ፥ አጭንቲ መቶ ኤኬዛ። ዝን ጾሳ ቃላይ አጭንቶያ። 10 የይ ግሾስ፥ ጾሲ ማራጼዝ አስታይ ክርስቶሳ የሱሳፕ ደንጌዝ አቶትꬃይ ባጋር መꬍና ቦንቾ ኤኮዳይ ጋርክ ኡ ግሾስ ኡባ ባዛር ታ ዋይዛ።
11 Ꮊይ ጋርክ ዬግዝ ቃላይ አማንንቴዛያ፤
«ኑኒ ኤዛር Ꮊይቄዝ ባዝ ማቅኮ፥
ኤዛር ዎላ ደኦር የዞዳ።
12 ኑኒ ጋርዦር ምንግኮ፥
ኤዛር ዎላ ካዉቶዳ።
ኑኒ ኤዛ ካድኮ፥
ኤዝካ ኑና ካዶዳ።
13 ኑኒ አማንንታም እጽኮ፥ ማቶ. 10:33፤ ሉቃ. 12:9
ኤ አማንንቴዛያ ማቂ የዞዳ።
አብስ ጊኮ፥ ኤ ፋና
ካዶዳይስ ዳንዳኦያ» ዬግዛ።
ምኖ ኦሳንቾ
14 ኔኒ ኡንታን Ꮊያ ቆፕሶባ፤ ኡ ቃላይፕ ደንዴዛይድ ፓላማማይ ጋርክ፥ ጾስ ቲና ኡንታን ዞሮባ። የይ ስእዝታ ꬋብስዛፕ አትን አኮካ ማዶያ። 15 ኔኒ ቱማ ቃላ ሉለትꬃር ታማርስዛኔ ዬላꬆዋ ኦሶ አስ ማቂ፥ ጾሳር ዶስንቴዝ አስ ጋርክ፥ ነናትꬃ ኤስ እንጎዳይስ ምንጎባ። 16 ዝን Ꮊ አላማይስ ሀንዛ ማዶዋ ባልቡቂꬅ ኦዳይፕ ሃኮባ። የይ ጋርክ ኦዳይ አስ ጾሳፕ ሃክꬅዛ። 17 የይ ጋርክ ትምርታይ አሰትꬅ ም ሃስዝ ጭቶ ክጻ ጋርከ። የይ ጋርክ ኦዳ ኦድንትዝታይ ጋንጨፕ ሄመኖሳራኔ ፍልጾሳር የዛ። 18 Ꮊ አስታይ ቱማ ኦጋ አሺ፥ «Ꮊይቄዝ አሳይ Ꮊይቆፐ ብኒ ደንዴዛ» ዬጊ ፐቲ ፐቲ አስታይ አማና ꬋብሴዛ።
19 ሀኖ ዝን፥ «ጎዳይ ኤስ ማቄዝታ ኤርዛ» ኡባራክ «ጎዳይ ሱንꬅ ጼግዝ ኦንካ ኢታ ኦሶፕ ሃኮ» ዬግዝ ማታመር የዝ ኤንኦዋ ጾስ ባሳይ ሚንጊ የዞዳ። ታይ. 16:5
20 ፐቲ ዳማ ኬꬃ ዎርቃፕ ዎይ ብራፕ ኦስንቴዝ ሚሸ ኣዳ ባዝን ምꬃፐኔ ዢጨ ቢታፕ ኦስንቴዝ ሚሽታይካ የዛ። የይትታይፕ ባግታይ ቦንቾ ኦሶስ፥ ማ ባግታይ ቶሽንትዛ ኦሶስ ፔዥዛ። 21 የይ ግሾስ፥ ኦንካ ኢታ ኡባ አሽኮኔ ፋና ጌሽኮ፥ ቦንቾ ኦሶ ኦꬅዛ ሚሸ ማቆዳ። ኡ የሳይ ጌሽኔ ጎዳ ኡፋይስዝ ባዝ፥ ማ ኡንቲ ሎኦ ኦሶ ኡባ ኦꬆዳይስ ዳንዳእዝታ ማቆዳ።
22 ናአትꬅ ኢታ አሞትꬃፐ ሃኮባ። ጌሽ ዎዝናር ጎዳ ጼግዝ አሳይር ፐትፕ፥ ጽሎትꬅ፥ አማኖ፥ ሲቆኔ ሳሮትꬅ ካሎባ።
23 ዝን ካች መꬍዛና ኤሪ ቦዘትꬅኔ ጨረ ፓላማፕ ሃኮባ። 24 ጎዳ ኦሳንቻይ አስ ኡባይስ ኬሃ፥ ሎኦ ታማርስዛኔ ዳንዳአንቾ ማቆዳይስ ቤዝዛፕ አትን ካጭንቶዳይስ ቤዞያ። 25 ኤ ፓር ኤቅንትዝታ አሽከትꬃር ሴርዛ ማቆዳይስ ቤዝዛ። ኡንቲ ፋ ናጋራይፕ ማቂ ቱማ ኤሮዳይ ጋርክ ጾሲ ኦꬆዳዛኮ ኦኒ ኤረ። 26 ኡንቲ ፋ ዎዛናኮ ማቂ ፋ ሸነ ኡዶድ ጋርክ ኡንታን አይኬዝ ጻላሄ ጽካይፕ ቡቶዳ።