1 ታኒ ዎሳ ኬꬅ ጭማ፥ ቱማ ዶስዛ ጋዮሳስ ኪቴዝ ኪታ። ሀዋ. ኦ. 19:29፤ 16:23 2 ታ ሲቃዮ፥ ኔኒ ነ ሸምፓይር ሎኦ የዛና ታ ኤሬዛይ ጋርክ ኔስ ጋላይ ሎኦ የዞዳ ጋርከኔ ነ ኦꬅዛባዛይ ሱሮዳይ ጋርክ ኔስ ጾስ ዎስዛ። 3 ፐቲ ፐቲ አማንዛ አስታይ ይኢ፥ ኡባ ዎደ ኔኒ ቱማር የዛኔ ነ ቱማትꬃይባጋ ማርካቴዝ ዎደ ታኒ ጋመ ኡፋይቴዛ። 4 ታ ናእታይ ቱማትꬃር የዛ ስእዛይፕ ኣꬅ፥ ታና ኡፋይስዛ ባዝ ባያ።

5 ታ ሲቃዮ፥ ኡንቲ ኔስ እማꬄ ማቅኮካ፥ ኔኒ አማንዛ አሳይስ አማንꬅዛ ኦሶ ኦꬅዛ። 6 ኡንቲ ነ ሲቃይባጋ ዎሳ ኬꬃ ማርኬዛ። Ꮊተካ ኡንቲ Ꮊንጎዳር ኦገ ጾስ ዶስዛይ ጋርክ ኡዲ ኡንታን ማድኮ ነ ሎኦ ኦꬅዛ። 7 ኡንቲ ክርስቶሳስ ኦꬆዳይስ ከዚ፥ አማኖዋ አስታይፕ አኮካ ኤከካያ። 8 ኑኒ ቱማ ኦሳ ኡንታራ ፐትፕ ኦꬆዳይስ Ꮊይ ጋርክ አስታ ማዶዳይስ ቤዝዛ።

9 ታኒ ዎሳ ኬꬅታይስ ዳብዳበ ጻፌዛ፥ ዝን ኡንታል ሀላቃ ማቆዳይስ ኮዬዝ ድዮትራፊሳ ኑኒ ግዛ ኤከካያ። 10 የይ ግሾስ፥ ታኒ ገድ Ꮊንጎዳር ኤ ኑል አፋ ኦድንትዛ ኢታ ኦዳኔ ኤ ኦꬄዝ ኦሳ ኦዶዳ። ኤ የይ ጉጽዝ ግ፥ ኑ እሽታይ Ꮊማዳ ሞኮያ። ሀራ አቶዝን፥ ኡንታን ሞኮዳይስ ኮይዝታካ ካይ ዎሳ ኬꬃይፕ ከሴዛ።

11 ታ ሲቃይ፥ ሎኦ ባዝ ኣዞባፕ አትን ኢታ ባዝ ኣዝፐ። ሎኦ ባዝ ኦꬅዛ ኦንካ ጾስ አስ፥ ዝን ኢታ ባዝ ኦꬅዛ ኦንካ ጾስ ኤሮያ።

12 ድመጽሮሳ ሎኦ አስ ማቄዛና አስ ኡባይ ማርካትዛ። ቱማይ ፋ ኦማስ ኤባዝ ማርካትዛ፤ ኑካ ኤባዝ ማርካቶዳ፤ ኑ ማርካትꬃይ ቱማ ማቄዛና ይ ኤርዛ።

13 ታኒ ኔስ ጻፎዳይስ ኮዬዝ ጋመ ባዝ የዛ፥ ዝን ዎርቃተር ጻፎዳይስ ኮየካያ። 14 ዝን ታኒ ኡከር ዎል ሄሊ በአዳይስ ቆፕዛ፤ የ ዎደ ኑኒ ኦድንቶዳይ።

15 ሳራይ ኔስ ማቆ።

ነ ዳብታይ ነና ሳሮ ዬግዛ። ኑ ዳብታ ኡባ ኡ ሱንꬃ ሱንꬃ ጼጊ «ሳሮ ጌዛ» ዬጎባ።