1 ቄስታይ ሀላቃይ ኢስጽፋኖሰኮ፥ «Ꮊ ሞታይ ቱማ?» ዬጊ ኦይጬዛ።

2 ኢስጽፋኖሰ፥ «ታ እሹንꬆ፥ ታ አድታዮ፥ ስኦይታ! ኑ አዳ አፍራመ ካራነ የዞዳይስ Ꮊንጎዳይፕ ቲና ማሰጰጾመ የዝን፥ ቦንቾ ጾሳይ ኤስ ቆንጪ፥ መ. 12:1 3 ‹ነ ጋዳይፐኔ ነ ዳብታይፕ ሻክንቲ ታኒ ነና ቤዝዛ ቢታ ቅቶባ› ዬጌዛ። 4 የ ዎደ አፍራመ ካላዳውታይ ቢታፕ ከዚ ካራነ የዞዳይስ ቅቴዛ። ኤ አዳይ Ꮊይቄዛይፕ ጉየ ጾሲ ኤዛ Ꮊ ቢታ Ꮊት ይ የዝ ጋዳ ከኤዛ። መ. 11:31፤ 12:4 5 ኤ ሀራ አቶዝን ቶካይ የꬍዝ አቆካ አፍራመስ እንገካ። ዝን ናአ ኤስ ባ ዎደ ጾስ Ꮊ ቢታ ኤስኔ ኤ ሼሻይስ ላታ ኡዲ እንጎዳና ቃላ ገሌዛ። መ. 12:7፤ 13:15፤ 15:18፤ 17:8 6 ጾሲ አፍራመኮ፥ ‹ነ ሼሻይ ሀራ ቢታ እማꬄትꬃር የዞዳ፤ ኤዛይድ ኦይዲ ጼት ላይꬅ ኡንቲ አይለትꬃ ሃርንቶዳ። 7 ዝን ታኒ ነ ሼሻ ሞድዝ ጋዳይል አፋ ፕርዶዳ። የይፕ ጉየ፥ ኡንቲ የ ቢታይፕ ከዚ Ꮊይዳ ታስ ጎይኖዳ› ዬጌዛ። ከስ 3:12 8 ጾሲ አፍራመ ሼሻይ ዶካልንቶዳይ ጋርክ ኤዛር ጫቂን፥ እሳቃ የልንቴዝ ሆስፑንꬃ ጋላሳር ዶካሌዛ። እሳቃ ያይቆባና ዶካሌዛ፤ ማ ያይቆባ ፋ ታጶ ናምኢ ናእታ፥ ኑ አድታይ ማይዝታ ዶካሌዛ። መ. 17:10-14፤ 21:2-4፤ 25:26፤ 29:31-35

9 «ያይቆባ ናእታይ ዮሴፋና ቅናቲ ግብጸ ቢታ አይለትꬅስ ባይዜዛ፥ ዝን ጾሲ ኤዛር የዛ። መ. 37:11፥ 28፤ 39:2፥ 21 10 ኤዛ፥ ኤ ዋየ ኡባይፕ ከሴዛ። ግብጸ ካት ፓሮና ቲና ዴተኔ ኤጨትꬅ ኤስ እንጌዛ። ግብጸ ካታይ ዮሴፋስ ግብጸ ቢታኔ ፋ ካራ ኡባ አቅሶድ ሀላቃትꬅ እንጌዛ። መ. 41:39-41

11 «ግብጸ ቢታይዳኔ ካንአነ ጋደ ኡባይድ ናየ ገሊ ጋመ አሳ ኡንእꬄዛ። የ ዎደ ኑ ማይዝታይ ካꬃ ደንጎዳይስ ዳንዳእበኤካያ። 12 ያይቆባ ግብጸ ቢታ ካꬃ የዛና ስኢ ኑ አድታይ ቲና ገድ ኤዛ ዳኬዛ። 13 ናምእንꬅ Ꮊማይር ዮሴፋ ፋ እሽታይስ ፋና ኤርሴዛ። ግብጸ ካት ፋሮና ዮሴፋ ሼሻና ኤሬዛ። መ. 45:1፥ 16 14 ዮሴፋ ፋ አደ ያይቆባኔ ፋ ዳቦ ኡባ፥ ላፑን ታማን እችን አሳይ ፋኮ የኦዳይ ጋርክ ኪቲ ክእሴዛ። መ. 45:9-10፥ 17-18፤ 46:27 15 ያይቆባ ግብጸ ቢታ ዎꬌዛ፤ ኤነ ኤ ናእታይ ኤዛይድ Ꮊይቄዛ። መ. 46:1-7፤ 49:33 16 ኡ መቀꬃ የ አቃይፕ ሴኬመ ቶክንቲ Ꮊንጊ፥ ኤዛይድ አፍራመ ሀሞረ ናእታይፕ ጋም ብራር ዎንጌዝ ዱፋይድ ሞጌዛ። መ. 23:3-16፤ 33:19፤ 50:7-13፤ ኢያ. 24:32

17 «ዝን ጾሳይ አፍራመስ እንጎድ ጌዛ ፖልዛ ላይꬅ ሄሎዳይስ ሄሌዝ ዎደ ግብጸ ቢታይድ የዝ ኑ አሳይ ጋንጊ ጋንጊ ቅቴዛ። ከስ 1:7-8 18 የይፕ ጉየ፥ ዮሴፋ ኤሮዋ ሀራ ካት ግብጸ ቢታይድ ካዉቶድ ሄሎዳይሲ። 19 የ ካታይ ኑ ዘርꬃ ገኒ ጽቃ ናእታይ Ꮊይቆዳይ ጋርክ ኡንታን ባለ ከሲ ኦሎዳይ ጋርክ ኑ አድታ ኡንእꬄዛ።

20 «የ ዎደ ሙሰ የልንቴዝ፤ ኤ ጾስ ቲና ኡሳ ሎኦ ናአ። ፋ አዳይ ካራ ሀይꬒ አግና ሄሎዳይስ ድጬዛ። ከስ 1:10-11፥ 22 21 ሙሰ ዎራ ጋዴዝ ዎደ ግብጸ ካታይ ናእታ ደንጊ ኤኪ ፋ ናአ ኡዲ ኤዛ ድቼዛ። ከስ 2:2 22 ሙሰ ግብጽታይ ኤጨትꬅ ኡባ ታማሪ ኦዳራኔ ኦሶር ምኖ አስ ማቄዛ። ከስ 2:3-10

23 «ሙሰስ ላይꬃይ ኦይታም ኩሜዝ ዎደ ፋ እሽታ፥ እስራኤልታ በአዳይስ ፋ ዎዝናይድ ቆፔዛ። 24 እስራኤልታይፕ ፐታያ ግብጸ አስ ፐታይ ቆሆዳር ብኢ የ እስሬለ አꬃ ማዲ፥ የ ቆሄዝ ግብጸ አꬃ ዎꬊ ኩሸ ማሄዛ። ከስ 2:11-15 25 ሙሰ ፋ እሽታ ፋ ባጋር ጾሲ አሾዳይስ ሀንዛና ኡንቲ አካኮዳ ግ ቆፔዛ፥ ዝን ኡንቲ አካኬካ።

26 «ዎንትꬃ ጋላስ ናምኢ እስሬለ አስታይ ፐታይ ፐታይር Ꮊꬊንቶዳር ደንጌዛ ኡንታን ዳቦꬆዳይስ ከዚ፥ ‹አሱንꬆ፥ ይ እሽታ፤ አብስ ፐታይ ፐታ ቆህነ?› ዬጌዛ።

27 «ዝን ፐታይ ፋ ላጋ ቆህዛይ ሙሰኮ፥ ‹ነና ኑል አፋ ሃርዛኔ ዳይና ኦꬄዛይ ኦኖ? 28 ኔኒ ዝቅን ግብጸ አꬃ ዎꬌዛይ ጋርክ ታና ዎꬎዳይስ ኮይኔ?› ዬጊ ሙሰና ኡርቂ ዳኬዛ። 29 ሙሰ የያ ስኢ ግብጸፕ በቲ ሚዳመ ቢታ በተ አስ ማቂ የዝታር ናምኢ ꬊራꬅ ናእታ የሌዛ። ከስ 18:3-4

30 «ጎዳይ ኪታንቻይ ኦይታም ላይꬃፕ ጉየ ሲና አምባ ካለ የዝ ሊዦ ቱሸ ጋንጨ ኤጽዝ ታማ ላጮ ጋንጨ ሙሰስ በንቴዛ። ከስ 3:1-10 31 ሙሰ ፋ በኤዛይድ ማላባዝ ግ፥ ሎእꬂ በአዳይስ ቱሻይኮ ሺቂ የዝን፥ ጎዳ፥ 32 ‹ታኒ ነ አድታይ፥ አፍራመ ጾስ፥ እሳቃ ጾስ፥ ያይቆባ ጾስ› ዬግታር ሙሰኮ የኤዛ። ሙሰ ያሻር ኩኩሪ በአዳይስ ዳንዳኤካ።

33 «ጎዳይ ሙሰኮ፥ ‹ኔኒ ኤቄዝ ቢታይ ጌሽ ማቄዝ ግሾስ ነ ቶካይድ የዝ ጫማ ከሶባ። 34 ታኒ ግብጸ የዝ ታ አሳይ ኡንእንታ በኤዛ። ኡ ኡፋ ስኢ ኡንታን አሾዳይስ ዎꬌዛ። Ꮊት Ꮊና የኦባ! ታኒ ነና ግብጸ ኪቶዳ› ዬጌዛ።

35 «እስሬልታይ ሙሰ፥ ‹ነና ኑና ሃርዛኔ ዳይና ኦꬄዛይ ኦኖ?› ዬጊ እጼዛ። ዝን ሙሰ ቱሸ ጋንጨ ኤስ በንቴዝ ኪታንቻይ ባጋር ሃርዛኔ አሽዛ ኡዲ ጾሲ ኪቴዛ። ከስ 2:14 36 የ ሙሰ እስራኤልታ ግብጸ ቢታይር ዞቆ አባኔ ሊዦ ቢታር ኦይታም ላይꬅ ማላባዝታኔ ኦሮꬃባዝታ ኦꬅታር ኡንታን ካልꬅ ከሴዛ። ከስ 7:5፤ 14:21፤ ታይ. 14:33

37 «እስሬለ አሳይኮ፥ ‹ጾሲ ታና ደንꬄዛይ ጋርክ ይ ሼሻይ ጋንጨፕ ታ ጋርክ ናበ ይንትስ ደንꬆዳ› ዬጌዛይ Ꮊ ሙሰ። ናምእ. 18:15፥ 18 38 ሊዦ ቢታ ሺቄዝ እስሬለ አሳይራ የዜዛይ፥ ኑ አድታይራኔ ሲና አምባል አፋ ኤስ ኦዴዝ ኪታንቻይራ የዜዝ። የ ሙሰ ደኦ ቃላ ኑስ እንጎዳይስ ኤኬዛ። ከስ 19:1—20:17፤ ናምእ. 5:1-33

39 «ዝን ኑ ማይዝታይ ሙሰስ አዛዝንቶዳይስ ኮየካያ፤ ኤዛ እጺ ጉየ ግብጸ ማቆዳይስ አሞቴዛ። 40 ማ አሮናኮ፥ ‹ኑና ካልꬅዛ ጾስታ ኑስ ኦꬆባ። አብስ ጊኮ፥ Ꮊይ ኑና ግብጸፕ ከኤዝ ሙሰ፥ ዋዬዛኮ ኑኒ ኤሮያ› ዬጌዛ። ከስ 32:1 41 የ ዎደ ኦጎና አዝዝ ኤቃ ኦꬄዛ። የ ኤቃይስ ያርሾ ያርሼዝ ፋ ኩሸር ኦꬄዝ ኦሳይር ኡፋይቴዛ። ከስ 32:2-6 42 ዝን ጾሲ ኡንትስ ዞኮ ማሄዛ። ኡንቲ ሳሎ ጾልንትታ ጎይኖዳይ ጋርክ ኡንታን አሺ አሼዛ። ናብታይ ማጻፋይድ፥

44 «ኑ አድታይስ ሊዦ ቢታ ማርካ ዱንካናይ የዛ። ኤዛካ ጾሲ ሙሰ አዛዜዛኔ ኤ ቤዜዛይ ጋርክ ኦꬄዛ።ከስ 25:9፥ 40 45 ማ ኑ አድታይ የ ዱንካና ፋ አድታይፕ ኤኪ ጾስ ቲና ባይእꬄዝ አይሁደ ማቀካ አሳይ ቢታ አይኬዝ ዎደ ኢያሱር ዎል ኤኪ ገሌዛ። የ ዱንካናይ ዳዉተ ዎደ ሄሎዳይስካ የ ጋዳይድ የዜዛ። ኢያ. 3:14-17 46 ዳዉተ ጾሳር ሳብንቴዛ። ማ ያይቆባ ጾሳይስ ኬꬅ ኬጾዳይስ ጾሳ ዎሴዛ። 2ሳም. 7:1-16፤ 1ዜና. 17:1-14 47 ዝን ኤስ ኬꬅ ኬጼዛይ ሶሎሞነ። 1ካት. 6:1-38፤ 2ዜና. 3:1-17

48 «ሀኖ ዝን፥ ኡባይፕ አፋ ጾሳይ አሲ ኬጼዝ ኬꬃ የዞያ። ናበ ጌዛይ ጋርክ፥

51 «ይ ዋይዚ ስኦዋ አሶ? ይ ዎዝናይ ጾስ ቃላ ኤኮዳይስ አብስ እጼኔ? ይ ሀያይ አብስ ቱሌኔ? ይ፥ ይ አድታይካ ኡባ ዎደ ጌሻ አያናራ ኤቅንትዛ። 52 ናብታይ ጋንጨፕ ይ አድታይ ባይኤዛይ ኦኖ? ጽላይ የኦዳና ቲናቲ ኦዴዛና ዎꬌዛ። Ꮊት ይ ኤዛ ኣꬂ እንጊ ዎꬌዛ።ኢሳ. 63:10 53 ይ ኪታንቻ ኩሸፕ ጾስ ህጋ ኤኬዛ፥ ዝን ኪትንተካያ» ዬጌዛ።

54 ኡንቲ የያ ስኤዝ ዎደ ፋ ዎዝናይድ ኢስጽፋኖሰል አፋ ጋመ ይሎቲ፥ ፋ አች ꬋቂ ማንዴዛ። 55 ዝን ኢስጽፋኖሰ ጌሻ አያናር ኩሚ፥ ሳሎ ኡዴ ብኢ፥ ጾስ ቦንቾኔ የሱሳ ጾስ ኡሻች ባጋር ኤቄዛና በኤዛ። 56 «ዬዛኮ፥ ታኒ ሳሎ ዶይንትን፥ አስ ናአይ፥ ጾሳ ኡሻቻ ኤቄዛ በኤዛ» ዬጌዛ።

57 ቃላ ꬎቅ ኡዲ ኡክታር፥ ፋ ሀያ ቱጪ ዎላ ኤኮ ዎጼዛ 58 ኤዛ ካታማይፕ ጋጻ ከሲ፥ ሹቻር ጫዴዛ። ማርካቲ ፋ ማአ ፐቲ ሳኦላ ግዝ ናአትꬃይ ካለ ጋዴዛ።

59 ኢስጽፋኖሰ፥ «ታ ጎዳ የሱሳ፥ ታ ሸምፓ ኤኮባ» ዬጊ ጼጎዳር ኡንቲ ኤዛ ሹቻር ጫዴዛ። 60 ቡንቅቲ፥ ፋ ቃላ ꬎቅ ኡዲ፥ «ታ ጎዳዮ፥ Ꮊ ናጋራ ኡንትስ አቶ ጎባ» ዬጌዛ። የያ ጌዛፕ ማቂ Ꮊይቄዛ።