ኦሮꬅ ጫቆ ሀዋርታይ ኦሶ 13

ባርናባሳኔ ሳኦላ ኪትንቴዛ

1 አንጾካ የዝ ዎሳ ኬꬃ ናብታይኔ አስታማርታይ የዛ። ኡንቲ ባርናባሳ፥ ካርꬅ ግንትንትዝ ስሞና፥ ቀረናፕ የኤዝ ሉኮሳ፥ ካታይ ሄሮድሳራ ድጬዝ ምናሄኔ ሳኦላ። 2 ኡንቲ ጎዳ ጎይንታራኔ ጾምታራኔ ጌሻ አያናይ፥ «ታኒ ጼጌዝ ኦሳይስ ባርናባሳኔ ሳኦላ ታስ ሻጎይታ» ዬጌዛ።

3 የይ ግሾስ፥ ኡንቲ ጾሜዛፐኔ ዎሴዛይፕ ጉየ ፋ ኩሻ ኡንታል አፋ ጋዲ ዎሲ ዳኬዛ።

ባርናባሳኔ ሳኦላ ቆጲሮሳ Ꮊንጌዛ

4 የይ ግሾስ፥ ጌሻ አያና ኡንታና ኪቴዛ። ሰለዉቀ Ꮊንጌዛ፤ ኤዛይፕ ማርካበ ገሊ ቆጲሮሳ ሃꬃር ተቅንቴዝ ቢታ Ꮊንጌዛ። 5 ኡንቲ ስልማና ሄሊ አይሁደ ዎሳ ኬꬅታይድ ጾስ ቃላ ኦዴዛ። ዋንሳ * ማድታር ኡንታር የዛ።

6 ኡንቲ ቆጲሮሳ ሃꬃር ተቅንቴዝ ቢታ ካንꬂ ጳፉ ሄልዛ ዎደ ፐቲ ዎርዶ ናበ ባር-የሱሳ ግዝ አይሁደ አምታ ደንጌዛ። 7 አቅስዝ ሳርጎሳ ጳዉሎሳ ግዝ ዎዛናማ አꬃይራ የዛ። ሳርጎሳ ጳዉሎሳ ባርናባሳነ ሳኦላ ፋኮ ጼጊ ጾስ ቃላ ስኦዳይስ ኮዬዛ። 8 ዝን ግርኬ ዶናር አምታይ ሱንꬃይ «ኤልማሳ» ብልꬃይ ጋደ ሃርዛይ አማናማይ ጋርክ ካዮዳይስ ኮዪ ባርናባሳራኔ ጳዉሎሳር ኤቅንቴዛ።

9 ዝን ጳዉሎሳ ግዝ ሳኦላ ጌሻ አያናር ኩሚ አምታና ዳኪ ብኢ፥ 10 «ናት፥ ጻላሄ ናአዮ፥ ኢታትꬅ ኡባይ ኩሜዛዮ፥ ጽሎትꬅ ኡባይስ ሞርካዮ፥ ሉለ ጎዳ ኦጋ ምርቅዛ አሻሞ? 11 ዬዛኮ፥ Ꮊት ጎዳይ ካች ኩሻይ ኔል አፋ የዛ። ኔኒ ቆቀ ማቆዳ፤ ጽቃ ዎደስ አዋ ፖኦ በአሚ» ዬጌዛ።

እዝር ጫጋናኔ ꬉማ ኤ አፋ ጎዝን፥ ፋ ኩሻ አይኪ ካልꬅዛ አስ ኮይታር ዩዬዛ። 12 ጋደ ሃርዛይ የያ በኤዝ ዎደ ጎዳባዝ ታማርስዛይድ ማላባዝ ግ አማኔዛ።

ባርናባሳኔ ጳዉሎሳ ጵስዳ አንጾካ Ꮊንጌዛ

13 ጳዉሎሳኔ ኤዛር የዝታይ ጳፉፕ ደንዲ፥ ጵንፍላ የዝ ጰርገ ማርካበር Ꮊንጌዛ። ዋንሳ ኡንታፕ ሻክንቲ የሩሳላመ ማቄዛ። 14 ዝን ኡንቲ ጰርገፕ ኣꬊ ጵስዳ የዝ አንጾካ ሄሌዛ። ማላ ጋላስ ጋላስ አይሁደ ዎሳ ኬꬅ ገሊ በቴዛ። 15 ሙሰ ህጋይድ ናብታይ ማጻፋይ ናባብንቴዛይፕ ጉየ አይሁደ ዎሳ ኬꬅ ሀላቅታይ፥ «ኑ እሹንꬆ፥ አስ ምንꬃꬅዛ ቃላ ይንትስ የዛኮ አሳይስ ኦዶይተ» ዬጊ ኡንትኮ ኪቴዛ።

16 ጳዉሎሳ ደንዲ ኤቂ ፋ ኩሸር ማሊ፥ «እስሬለ አስታኔ፥ ጾሳ ጎይንዛ አይሁደ ማቀካ አሳዮ፥ ስኦይታ። 17 Ꮊ እስሬለ አሳ ጾሳይ፥ ኑ ማይዝታ ዶሬዛ። ግብጸ ቢታ እማꬃትꬃር ኡንቲ የዝን፥ ኡንታን ጋንꬂ ፋ ግታ ዎልቃር ግብጸ ቢታፕ ከሴዛ። 18 ሊዦ ቢታ ኦይታም ላይꬅ ማቆዳ ኡንታን ዳንዳኤዛ። 19 ካንአነ ቢታ አይሁደ ማቀካ ላፑን ካተትꬅታ ሃሲ ኡ ቢታ ፋ አሳ ላትሴዛ። 20 የይ ኡባይ ኦይዲ ጼታኔ እሻታም ማቃድ ላይꬅ ጋንጨ ሀኔዛ። የይፕ ጉየ ናበ ሳምኤላ ዎደ ሄሎዳይስ ዳይንታይ አቅሶዳይ ጋርክ እንጌዛ።

21 «የይፕ ጉየ፥ ኡንቲ ፓስ ካት እንጎዳይ ጋርክ ዎስን፥ ጾሲ ቢናመ ሼሻይፕ ቂሰ ናአ፥ ሳኦላ ኦይታም ላይꬅ ካዉቶዳይ ጋርክ ኡንትስ እንጌዛ። 22 ጾሳይ ሳኦላ ሻሬዛይፕ ጉየ ኡንታል አፋ ዳዉተ ካዉትሴዛ። ጾሳይ ዳዉተ ባጋ ማርካትታር፥ ‹ታኒ ታ ሸነ ኡባ ኦꬅዝ ታ ዎዝና ማቄዝ ኢሳየ ናአ ዳዉተ ደንጌዛ› ዬጌዛ።

23 «ጾሳይ፥ ‹ታኒ ዳዉተ ሼሻይፕ እስሬለ አሽዛ ኮኦዳ› ግ ቃላ ገሌዛይ ጋርክ የሱሳና ከኤዛ። 24 የሱሳ የኦዳይፕ ቲና እስሬለ አስ ኡባይ ፋ ናጋራይፕ ማቂ ጻማቅንቶዳይ ጋርክ ዋንሳ ቃላ ኦዴዛ። 25 ማ ዋንሳ ፋ ኦሳ ዉርሶድ ሀንታር አሳይኮ፥ ‹ታና ይ ኦና ግ ቆፔ? ታኒ ይ ናግዛ ክርስቶሳ ባያ፥ ዝን ታኒ ኤ ጫማ ብሎዳይስ ታስ ቤዞዋዛይ ታፕ ጉየር ይእዛ› ዬጌዛ።

26 «ኑ ኢሹንꬆ፥ አፍራመ ሼሹንꬆ፥ ማ Ꮊይዳ አይሁደ ባዝን ጾስስ ያሽትዝታዮ፥ Ꮊ አቶትꬃ ቃላይ ኑስ ኪትንቴዛ። 27 አብስ ጊኮ፥ የሩሳላመ የዝ አሳይኔ ኡ ሀላቅታይ የሱሳና ኤረካያ። ማላ ጋላስ ኡባይድ ናባብንትዛ ናብታይ ቃላ አካኬካ ግሾስ ኤዛል አፋ ፕርዲ ናብታይ ኦዴዝ ቃላ ፖሌዛ። 28 የሱሳ ዎꬍሶዳይስ ፐቲ ሳንከካ ꬋብን ጵላጾሳ ኤዛ ዎꬎዳይ ጋርክ ዎሴዛ። 29 ኡንቲ የሱሳባዝ ጌሻ ማጻፋይድ ጻፍንቴዝባዝ ኡባ ፖሌዝ ዎደ ማዝቃለፕ ኤዛ ዎꬍሲ ሞጌዛ †። 30 ዝን ጾሳይ Ꮊይቆፕ የሱሳ ደንꬄዛ። 31 የይፕ ጉየ፥ ኤ ፓር ጋልላፕ የሩሳላመ የኤዝታይስ ኡንደና ጋላስ በንቴዛ። ኡንቲ Ꮊት ኤባዝ አሳይስ ማርካትዛ።

32 «ጾሲ ኑ አድታይስ እማድ ጌዝ ዎንግለ ኑኒ ይንትስ ኦድዛ። 33 ዳዉተ ፋ ማዝሙረ ማጻፋይድ ናምእንꬆ ሸምፓይድ፥

« ‹ኔኒ፥ ታ ናአ፥

ታኒ Ꮊይኖ ነና የሌዛ›

ጊንትንቴዛይ ጻፍንቴዛ የሱሳ፥ ጾሲ Ꮊይቆፕ ደንꬂ ኑ ማይዝታይስ እንጎድ ጌዛ ኑስ ኡ ናእታይስ ፖሌዛ። 34 ኤ ዎቃማይ ጋርክ ጾሳይ Ꮊይቆፕ ኤዛ ደንꬆር ኤርሶዳይስ፥

« ‹ታኒ ዳዉተስ እንጎድ ጌዝ

አማንንቴዝ ጌሽ አንጆ ይንትስ እንጎዳ› ዬጊ ኦዴዛ።

35 የይ ግሾስ፥ ማዝሙረ ማጻፋይድ ሀራ አቆ ማ

‹ነ ጽላይ አሃ ዎቅሳሚ ዬግዛ።›

36 «ዳዉተ ፋ ዎደ ጾሳ ቆፋ ፖሌዛይፕ ጉየ Ꮊይቂ ፋ አድታይር ሞግንቲ ዎቄዛ። 37 ዝን ጾሳይ Ꮊይቆፕ ደንꬄዛይ ዎቀካያ።

38 «የይ ግሾስ፥ ታ እሹንꬆ፥ ናጋራ አቶትꬃይ የሱሳ ባጋር ቲናቲ ይንትስ ኦድንቴዛ ኤሮይታ። ሙሰ ህጋይ ናጋራፕ ጽልሶዳይስ ዳንዳኦያ። 39 ዝን የሱሳ አማንዛ ኡባይ ናጋራፕ ጽልዛ። 40 የይ ግሾስ፥ ናብታይ ጌዛይ ይንታል አፋ ሄላማይ ጋርክ ናግንቶይታ።

41 « ‹ጾሳይ ጌዝባዝ ሌቅስዙንꬆ! ቦኦይታ! ማላባዝ ጎይታ! ꬋቦይታ!

ኦንካ ኦድን፥ ይ አማኖዋ ኦሳ

ታኒ ይ ዎደ ኦꬆዳ› » ዬጌዛ።

42 ጳዉሎሳኔ ባርናባሳ አይሁደ ዎሳ ኬꬃፕ ከሳዳር፥ ካልዛ ማላ ጋላሳይድ የያ ጉጂ ኦዶዳይ ጋርክ አሳይ ኡንታን ዎሴዛ። 43 ሺቆ ላልንቴዛይፕ ጉየ ጋመ አይሁድታይኔ አይሁድታይ አማናይድ ገሊ ጾሳ ጎይንዛ ጋምታይ ጳዉሎሳኔ ባርናባሳ ካሌዛ። አማኔዝታይ ጾስ ኣꬎ ኬሃትꬃይድ ሚንጊ የዞዳይ ጋርክ ኡንታን ዞሬዛ።

44 ካልዛ ማላ ጋላስ ካታማ የዝ አሳይፕ ኦንክ አተካ ጎድ ሄሎዳይ ጋምታይ ጾስ ቃላ ስኦዳይስ ሺቄዛ። 45 ዝን አይሁድታይ ጋመ አሳ በኤዝ ዎደ ጳዉሎሳ ቅናቲ ኤ ናሻ እጺ ኤዛ ጫዤዛ።

46 ጳዉሎሳኔ ባርናባሳ ያሽተካያ፥ «ጾሳ ቃላይ ቲናቲ ይንትስ ኦድንቶዳይስ ኮሽዛ። ዝን ይ ቃላ እጺ መꬍና ደኦ ኤኮዳይስ ኑስ ቤዞያ ግ ይ፥ ይ ኦማስ ፕርዴዝ ግሾስ ይኬ ኑኒ አይሁደ ባዝታይኮ ማቆዳ። 47 የይካ ጎዳይ፥

« ‹አላመ ኩንꬃይ ነ ባጋር አቶዳይ ጋርክ፥

ታኒ ነና አይሁደ ባ ዎያስ ፖኦ ኦꬄዛ ዬጊ ኑና ኪቴዛ› » ዬጌዛ።

48 አይሁደ ባዝታይ የያ ስኢ ኡፋይቲ ጾስ ቃላ ቦንቼዛ። ማ መꬍና ደኦስ ማራጽንቴዝ ኡባይ አማኔዛ።

49 ጎዳ ቃላይ የ ጋደ ኡባ ሄሌዛ። 50 ዝን አይሁድታይ፥ አይሁደ ባዛር ጾሰ ጎይንዛ ቦንችንቴዝ ማችታኔ ካታማ የዝ ግታ አስታ ጳዉሎሳል አፋኔ ባርናባሳል አፋ ደንꬅꬄዛ። የ አስታይ ኡንታን ባይእꬅ አይኪ ፋ ቢታፕ ከሴዛ። 51 ዝን ጳዉሎሳራኔ ባርናባሳራ እጽዝታይስ ማላ ማቆዳይ ጋርክ ፋ ቶኬ ቡልአ ትቅሲ ኢቆኖኔ ካታማ Ꮊንጌዛ። 52 ማ አንጾካ የዝ አማንዝታይ ጌሻ አያናራኔ ኡፋይሳር ኩሜዛ።

*13:5 ዋንሳ፦ Ꮊ አቃ ጻፍንቴዝ ዋንሳ፥ ሀዋረ ዋንሳ ባዝን ዋንሳ ማርቆሳ ግንትንትዝ ማርቆሳ ዎንግለ ጻፌዛያ።

13:17 ከስ 1:7፤ ከስ 12:51

13:18 ታይ. 14:34፤ ናምእ. 1:31

13:19 ናምእ. 7:1፤ ኢያ. 14:1

13:20 ናምእ. 2:16፤ 1ሳም. 3:20

13:21 1ሳም. 8:5፤ 10:21

13:22 1ሳም. 13:14፤ 16:12፤ ማዝ. 89:20

13:24 ማር. 1:4፤ ሉቃ. 3:3

13:25 ማቶ. 3:11፤ ማር. 1:7፤ ሉቃ. 3:16፤ ዋን. 1:20፥ 27

13:28 ማቶ. 27:22-23፤ ማር. 15:13-14፤ ሉቃ. 23:21-23፤ ዋን. 19:15

†13:29 ሞጌዛይ ቢታ ጋንጨ ባዝን ሹቻፕ ዎጭንቴዝ ዱፎ ጋንጨ ጋዴዝ ጉሲ

13:29 ማቶ. 27:57-61፤ ማር. 15:42-47፤ ሉቃ. 23:50-56፤ ዋን. 19:38-42

13:31 ሀዋ. ኦ. 1:3

13:33 ማዝ. 2:7

13:34 ኢሳ. 55:3

13:35 ማዝ. 16:10

13:41 እብራ. 1:5

13:47 ኢሳ. 42:6፤ 49:6

13:51 ማቶ. 10:14፤ ማር. 6:11፤ ሉቃ. 9:5፤ 10:11