1 «ታ እሹንꬆ፥ ታ አዱንꬆ፥ ታኒ Ꮊት ይንትስ እንግዛ ማልሳ ስኦይታ።» 2 ጳዉሎሳ ኡንትስ እብራይስጸ ዶናር ኦድዛ ስኢ ካሴሳይፕ አꬂ ስኢ አቴዛ። ኤ ዬጌዛ፥

3 «ታኒ ክልቃ የዝ ጸርሴሰ የልንቲ Ꮊ ካታማይድ ድጬዛ። ታ አስታማረይካ ጋማላለ፤ ታኒ ኑ አድታይ ህጋ ሚንꬂ ታማሬዛ፥ Ꮊይኖ ይ ኡባይ ሀንዛይ ጋርክ ጾሳይስ ምሽንትዛ አይሁደ አሲ። 4 ታኒ Ꮊ ኦጋ ካልዛ ማችታይኔ ꬊራꬅታ አይኪ አች ኬꬃ ኦልታራኔ ኡንታን ዎꬍሶድ ሄሎዳይስ መቶ ቤዜዝ አሲ። ሀዋ. ኦ. 8:3፤ 26:9-11 5 የይ ጋርከካ፥ ቄሰ ሀላቃይኔ ሻንጎ ኡባይ ታባዝ ማርካቶዳይስ ዳንዳእዛ። ታኒ ዳማስቆ የዝ ኡ እሽታይስ ኡንታፕ ዳብዳበ ኤኪ ኤዛይድ የዝ አስታይ አጭንቲ ሴርንቶድ ጋርክ የሩሳላመ ኮኦዳይስ Ꮊንጌዛ።»

6 «ታኒ Ꮊንጊ ዳማስቆ ሄሎዳር ሴታ ጋላስ ቆፐካ ሳሎፕ ግታ ፖኦ ታ ካላይር ፖኤዛ። 7 ታኒ ሳአ ፖኪ የዝን፥ ‹ሳኦላ፥ ሳኦላ፥ ታና አብስ ባይእኔ?› ግዝ ቃላ ስኤዛ። 8 ታኒ ማሂ፥ ‹ጎዳዮ፥ ኔኒ ኦኖ?› ዬጌዛ።

«ኤ ማሂ፥ ‹ታኒ፥ ነ ባይእꬅዝ ናዝረተ የሱሳ› ዬጌዛ። 9 ታር የዝታይ ፖአ በኤዛይፕ አትን ታስ ኦድዛ ቃላ ስኤካያ።

10 «ታኒ፥ ‹ጎዳዮ፥ ታ አብ ኡዶ?› ዬጌዛ።

«ጎዳይ ታኮ፥ ‹ደንዲ ዳማስቆ Ꮊንጎባ። ነ ኡዶዳይ ጋርክ ጾስ ቆፔዝባዝ ኡባ ባዝ ኤዛይድ ኔስ ኦድንቶዳ› ዬጌዛ። 11 የ ዎልቃማ ፖአይፕ ደንዴዛይድ ታ ኣፋይ በአም እጽን፥ ታር የዝ አስታይ ታ ኩሻ አይኪ፥ ታና ጎችን ዳማስቆ ሄሌዛ።

12 «ዳማስቆ የዝ አይሁደ ኡባይ ኡንደና ቦንችዛ ፐቲ ሀናና ግዝ አꬃይ፥ ኑ ህጋ ቦንችዛይኔ ጾሳ ሚንꬂ ዎስዛይ የዛ። 13 ሀናና ታኮ ይኢ፥ ታ ካለ ኤቂ፥ ‹ታ እሻዮ ሳኦላ፥ ቦኦባ› ዬጌዛ። ኤልሲ ታኒ ኤዛ በኦ አይኬዛ።

14 «ኤ ታኮ፥ ‹ኑ አድታይ ጾሳይ ኔኒ ኤ ሸነ ኤሮዳይ ጋርክ፥ ጽላ በአዳይ ጋርከኔ ኤ ዶናፕ ቃላ ስኦዳይ ጋርክ ቲናቲ ነና ዶሬዛ። 15 ነ በኤዝባዝኔ ስኤዝ ባዝ አስ ኡባ ቲና ኤስ ማርካ ማቆዳ። 16 Ꮊት አብስ ጋምኤ? ደንዲ ጻማቅንቶባ፤ ኤ ሱንꬃ ጼግታር ነ ናጋራይፕ ሜጭንቶባ› ዬጌዛ።

17 «ታኒ ጉየ የሩሳላመ ማቂ ጾስ ኬꬃ ዎሶዳር፥ ታስ ቆንጭꬂ በንቴዛ። 18 ቆንጭꬃር ጎዳይ ታኮ፥ ‹ነ ታስ ማርካትዝ ማርካትꬃ አሳይ ኤከካ ግሾስ ኤልሲ የሩሳላመፕ ከዞባ› ዬጎዳር ታ በኤዛ።

19 «ታኒ፥ ‹ጎዳዮ፥ አይሁደ ዎሳ ኬꬅ ኡባይድ ነና አማንዝታ አይኪ Ꮊꬌዛኔ አች ካራ ኦሌዛ ኡንቲ ኤርዛ። 20 ኡንቲ ነ ማርካ ኢስጽፋኖሰ ዎꬎዳር ታኒ የ ኦዳይድ አሳይር ቶቤዛ። ማ ኡ ካለ ኤቂ ኤዛ ዎꬌዝታይስ ማኦ ናግዛ› ዬጌዛ። ሀዋ. ኦ. 7:58

21 «ጎዳይ ታኮ፥ ‹ታኒ ነና አይሁደ ማቀካ አሳይኮ ሃኮ አቆ ኪቴዛይ ግሾስ ደንዲ ቅቶባ› » ዬጌዛ።

22 ጳዉሎሳ የ ቃላ ኦዲ ሃሶድ ሄሎዳይስ አሳይ ኤ ግዛ ስእዛ። የይፕ ጉየ፥ ፋ ቃላ ꬎቅ ኡዲ፥ «Ꮊያ ቢታይፕ ꬋብሶባ! ኤ ሸምፖር የዞዳይስ ቤዞያ» ዬጌዛ።

23 ኡንቲ ኡክታራኔ፥ ፋ ማኦ አፋ ዳክታራኔ ባና አፋ ደንꬆዳር፤ 24 ሻላቃይ ብኢ ዎታዳርታይ ጳዉሎሳና ኡ ፋ የዛ አቆ ካንጎዳይ ጋርክ ኪቴዛ። ማ አሳይ አብስ የይ ጋርክ ኡክዛኮ ኤሮዳይስ ኮዪ ጳዉሎሳ አላንጋር ጋራፊ ፕላጎዳይ ጋርክ ኡንታን ኪቴዛ። 25 ዝን ዎታዳርታይ ጳዉሎሳ ዳፈር ሚንꬂ አጪ ጋራፎድ ሀኖዳር ጳዉሎሳ ፋ ካለ ኤቄዝ ማቶ ሀላቅታይኮ፥ «ኦሮመ አስ ፕርዳ ባይꬅ ጋራፍዛይ ይንትስ ዎጋ?» ዬጌዛ።

26 ማቶ ሀላቃይ የያ ስኢ ሻላቃይኮ Ꮊንጊ፥ «Ꮊ አꬃይ ኦሮመ አሲ። ኔኒ አብ ኦꬆዳይስ ቆፔኔ?» ዬጊ ኦይጬዛ።

27 ሻላቃይ ጳዉሎሳኮ ሺቂ፥ «ኔኒ ኦሮመ አሶ? አን ታስ ኦዶባ» ዬጌዛ።

ጳዉሎሳ፥ «ኤ» ዬጌዛ።

28 ሻላቃይ ማሂ፥ «ታኒ Ꮊ ጋደትꬃ ጋመ ሚሸር ዎንጌዛ» ዬጌዛ።

ዝን ጳዉሎሳ፥ «ታ Ꮊ ጋደትꬃ የለትꬃር ደንጊ ኤኬዛ» ዬጌዛ።

29 የይ ግሾስ፥ ጳዉሎሳ ፕላጎዳይስ ቆፔዝታይ እዝር ኤፕ ሻክንቴዛ። ሻላቃይ ኦሮመ አስ ማቄዛና ኤሪ አጭሴዛይስ ያሽቴዛ።

30 ዎንትꬃ ጋላስ ሻላቃይ፥ አይሁድታይ ጳዉሎሳ አብስ ሞቴዛኮ ጌሺ ኤሮዳይስ ኮዬዛ። ቄሰ ሀላቅታይኔ ሻንጎ ኡባይ ሺቆዳይ ጋርክ አዛዜዛ፤ ማ ጳዉሎሳ አቻፕ ብልእሲ ኡ ቲና ኤሴዛ።