1 ኑኒ ዋሎትꬃር የዞዳይ ጋርክ ክርስቶሳ ኑና አይለትꬃፕ ከሴዛ። ይኬ፥ ሚንጊ ኤቆይታ፤ ማቂ አይለትꬅ ቃምባራይድ ገልፓተ።

2 ታ፥ ጳዉሎሳ፥ ግዛ ስኦይታ። ይ «ዶካልንቶ ማድዛ» ግ ይ ዶካልንቶዳይስ ኮይኮ፥ ክርስቶሳ ይንታን አብካ ማዶያ። 3 ዶካልንትዛ ኦንካ ህጋይ ኪትዛ ኡብታ ፖሎዳይስ ቤዝዛና ማሂ ታ ኦድዛ። 4 ህገ ናጊ ጽሎዳይስ ኮይዝታይ፥ ክርስቶሳፕ ሻክንቴዛ፤ ጾስ ኣꬎ ኬሃትꬃይፕ ይ ሃኬዛ። 5 ዝን ኑኒ ጾስ አያና ባጋር አማኖር ጽሎዳይስ ኡፋይሳር ናግዛ። 6 ይኬ፥ ክርስቶስ የሱሳር የዝኮ፥ ሲቆር በንትዝ አማኖፕ አትን ዶካልንትን፥ ዶካልንተካ አትን ኑና አብካ ማዶያ።

7 ቲና ይ ሎኦ ዎጽዛ፥ ዝን Ꮊት ቱማስ አዛዝንታማይ ጋርክ ይንታን ካዬዛይ ኦኖ? 8 Ꮊይ ጋርክ ኢታ ዶሻይ ይንታን ጼጌዝ ጾሳይፕ የኤካያ። 9 የይካ፥ «ጽቃ እርሾ ሙኑቆ ኡባ ደንꬅዛ» ግንትንቲ ጻፍንቴዛይ ጋርክ። 1ቆሮ. 5:6 10 ይንትስ ሀራ ቆፋ ባዛይስ ታ ጎዳይል አማንንትዛ። ዝን ይንታን ቡቅዝ ኦንካ ጾሳፕ ፋ ፕርዳ ኤኮዳ።

11 ታ እሹንꬆ፥ ታ Ꮊያ ሄሎዳይስ ዶካልንቶ ሳባክዛባዝ ማቅኮ፥ የዝን ታና አብስ ባይኤ? የይ ቱማ ማቄዛኮ ክርስቶሳ ማዝቃላይ ባጋ ታማርሳይ አስስ ꬉበ ማቃምዝን። 12 ይንታን ቡቅዝታይ ፋና ዶካልꬅ ኣዳ ባዝን ፋና ቃራትዛኮካ ታ ዶስዛ።

13 ታ እሹንꬆ፥ ይ ዋሎ የዞዳይስ ጼግንቴዛ። ማቆዝን፥ ይ ዋሎትꬃይ አሾ አሞትꬅ ፖሎዳይስ ይንትስ ሳንከ ማቅፐ፤ የይፕ ኣꬂ ፐታይ ፐታ ሲቆር ማዶይታ። 14 ህገ ኡባይ፥ «አስ ነ ኡባይ ጋርክ ቃꬎባ» ዬግዝ ፐቲ ቃላር አጭንትዛ። ለዊ. 19:18 15 ዝን ይ ፐታይ ፐታይር ሳጽንትዝባዝኔ ሚንትንትዝባዝ ማቅኮ፥ ይ ዎል ዉርሳማይ ጋርክ ናግንቶይታ።

16 ይኬ፥ ታ ይንትስ ኦድዛ፤ አያናር የዞይታ፤ ይ አሾ አሞ የሻ ፖልፓተ። 17 አሾ አሞ አያና አሞር ሞርከ፤ ማ አያና አማይካ አሾ አሞራ ሞርከ። ኡንቲ ፐታይ ፐታይር እጽንትዛ ግሾስ ይ ዶስዛባዝ ኦꬆዳይስ ዳንዳኦያ። ኦሮ. 7:15-23 18 ዝን አያናይ ይንታን ካልꬅዛ ባዝ ማቅኮ ህገ ይንታን ሃሮያ።

19 አሾ ኦስታይ ኤርንቴዝታ፤ ኡንትካ፥ ላግተ፥ ቱና ኦꬆ፥ ቃይጸ፥ 20 ኤቃስ ጎይኖ፥ ቢታ፥ ሞርክንቶ፥ ካቺ፥ ቅናተ፥ ጫሺ፥ ፋና ዶስꬂ፥ ሻክንቶ፥ ኢታ ቶባ 21 ገነ፥ ማꬄ፥ የꬅኔ የይትታ ኣዝዝታ። ቲና ታ ይንትስ ኦዴዛይ ጋርክ Ꮊተካ ታ ይንትስ ኦድዛ። Ꮊይ ጋርክ ባዝታ ኦꬅዝታይ ጾስ ካተትꬂ ላቶያ።

22 ዝን አያና ኣፋይ፥ ሲቆ፥ ኡፋይሲ፥ ሳሮትꬂ፥ ምንꬃꬆ፥ ሃዮትꬂ፥ ሎኦትꬂ፥ አማኖ፥ 23 አሽከትꬂ፥ ፋና ሃሮ። Ꮊይ ጋርክ ባዝታ እጽዛ ህገ ባያ።

24 ክርስቶሳ የሱሳስ ማቄዝታይ ፋ አሾ ኤ ኢታ ቆፋይራኔ ኤ አማይራ ዎላ ማዝቃለል አፋ ሶቴዛ። 25 ኑ አያናር የዛ ባዝ ማቅኮ፥ ኑና አያናይ ካልꬆ። 26 አን ፐታይ ፐታ ይሎስታራኔ ቅናትታር ጨር ጬቅንትꬃ ዎላ አሾዳ።