1 ታ እሹንꬆ፥ ይንታፕ ጋምታይ አስታማረ ማቅፐ። ኑ፥ አስታማርታይ Ꮊንክታይፕ ኣꬊዝ ፕርዳ ኤኮዳና ይ ኤርዛ። 2 ኑ ኡቢታይ ጋመባዛር ባልንትዛ። ፋ ኦዳይር ባልንቶዋ ኦንካ ፋናትꬃ ናጎዳይስ ዳንዳእዛ ፎሎ አስ። 3 ፓርታይ ኑስ ኪትንቶድ ጋርክ ብጻላ ባርሲ ኑ ኮይዝ አቆ ኡባ ካንግዛ። 4 ማርካበ አብ ጋርክ ግታ ማቅኮካ ዎልቃማ ጫርኮር ኡርቅንትኮካ፥ ላግዛይ ፋ ኮይዝ አቆል ማሂ ላግዛ ጽቃ ምꬃር ላግንቲ Ꮊንግዛ። 5 የይ ጋርክ እራንꬅ አሰትꬅ ክፕለፕ ጽቃት ማቅኮካ ጋመ ዳማባዛል ጬቅንትዛ።

ጽቃ ታማ ዳማ ዎራ ጹግዛ። 6 እራንꬂ ታማ ጋርከ። እራንꬅ ኑ አሰትꬅ ጋንጨ የዝ ኢታ አላመ፤ አሰትꬅ ኡባ ቱንስዛ። ጋናመፕ ከዝዝ ታማ ጋርክ ኑ ደኦ ላሶ ኡባ ጹግዛ። ፋ ኦማስካ ጹግንቶዳ 7 ቢታ ዶእታኔ ካፍታ፥ ኡሎር ጎሽንትዝታኔ አባ የዝ መትꬅታካ ኡባ አሲ ሞድዛ፤ ኡንትካ ሞድንቴዛ። 8 ዝን ኦንካ እራንꬅ ሞዶዳይስ ዳንዳኤካያ። እራንꬂ ዎꬍዛ ማርዘ ኩሜዝ ሞድንቶዋ ኢታ መትꬂ። 9 ኑ እራንꬃር ኑ ጎዳነ ኑ ኣዳ ጾሳ ጋላትዛ። ማ ኤዛር ጾስ ኣዚ መꬍንቴዝ አስ ባድዛ። 10 ፐቲ ዶናፐ ጋላታኔ ባድꬂ ከዝዛ። ታ እሹንꬆ፥ Ꮊይ ጋርክ ሀኖዳይስ ቤዞያ። መ. 1:26 11 ፐቲ ኦላፕ ማልእዛ ሃꬅኔ ጫንግዛ ሃꬂ ፑልቶዳይስ ዳንዳእኔ? 12 ታ እሹንꬆ፥ ባላሰ ምꬂ ዎይራ ኣፎዳይስ ዳንዳእኔ? ዎይ ዎይነ ምꬂ ባላሰ ምꬅ ኣፈ ኣፎዳይስ ዳንዳእኔ? ጫሞ ሃꬃፕ ማልእዛ ሃꬂ በንቶዳይስ ዳንዳእኔ።

13 ይ ጋንጨ ኤጫኔ አካክዛይ ኦኖ? ፋ ሎኦ የሳር፥ ሃዮትꬃር ኤጨትꬃር ፋ ኦꬄዝ ኦሳ ቤዞ። 14 ዝን ይ ዎዝናይድ ጫንግዛ ቅናተኔ ፋና ቃꬍዝ ኤጨትꬂ የዝኮ ጋይርንትፓተ፤ ቱማል አፋ ዎርዶትፓተ። 15 የይ ጋርክ ኤጨትꬃይ ሳሎፕ የኤዝ ባዝ ባዝን የይ አሾፐ፥ አላመፐኔ፥ ጻላሄፐ። 16 ቅናተኔ ፋና ዶሶ የዝ አቆ ካችኔ ኢታ ኦሶ ኡቢታይ የዛ። 17 የያ ማቆዝን ኣፋፕ ይእዝ ኤጨትꬃይ ኡባይፕ ቲና ጌሺ። ማ የይፐ ሳሮትꬅ፥ ሎኦትꬅ፥ ስኢ ኤክዛ፥ ቃꬊንትዛ፥ ሎኦ ኣፈ ኩሜዛኔ፥ አስ ሻጎዝታኔ ጩቦተꬅ ባዛያ። 18 ሳሮትꬅ ዶስዝታይ ሳሮትꬅ ዘሪ ጽሎትꬅ ማጽዛ።