1 ፈርሳውታይ ባጋፕ ማቄዝ፥ አይሁድታይ ሀላቃይ፥ ንቆድሞሳ ግዝ ፐቲ አꬃይ የዛ። 2 ንቆድሞሳ ቃማ የሱሳኮ ይኢ፥ «አስታማራዮ፥ ኔኒ ጾሳይ ኪቴዝ አስታማረ ማቄዛና ኑ ኤርዛ። አብስ ጊኮ፥ ጾሳይ ኤዛር የዛም እጽኮ Ꮊ ነ ኦꬅዛ ማልታ ኦꬆዳይስ ዳንዳእዛ አሲ ባያ» ዬጌዛ።

3 የሱሳ ማሂ፥ «ታኒ ኔስ ቱሮ ኦድዛ፤ ኦንካ ማቂ የልንታም እጽኮ ጾስ ካተትꬃ በአዳይስ ዳንዳኦያ» ዬጌዛ።

4 ንቆድሞሳ፥ «አስ ጭሚ ዋይዚ ማቂ የልንቶዳይስ ዳንዳኤ? ፋ እንዳት ኡሎ ማቂ ገሊ ማሂ የልንቶዳይስ ዳንዳእኔ?» ዬጌዛ።

5 የሱሳ ማሂ፥ «ታኒ ኔስ ቱሮ ኦድዛ፤ ኦንካ ሃꬃፐኔ ጌሻ አያናፕ የልንታም እጽኮ፥ ጾስ ካተትꬅ ገሎዳይስ ዳንዳኦያ። 6 አሾፕ የልንቴዛይ አሾ፤ አያናፕ የልንቴዛይ አያና። 7 ታኒ፥ ‹ይ ማቂ የልንቶዳይስ ቤዝዛ› ግ ይንትስ ኦዴዛይ ግሾስ ኔኒ ማላባዝ ጊፐ። 8 ጫርኮ ፋ ኮዤዝ ባጋ ጫርክዛ። ኔኒ ጊርꬃ ስእነፕ አትን አያይፕ ይእዛኮ ዎይ አያ Ꮊንግዛኮ ኤሮያ። አያናፕ የልንቴዝ ኡቢታይ የይ ጋርክ» ዬጌዛ።

9 የዝን ንቆድሞሳ፥ «የይ ዋይዚ ሀኖዳይስ ዳንዳኤ?» ዬጊ ኦይጬዛ።

10 የሱሳ ማሂ፥ «ኔኒ እስሬልታይ አስታማረ ማቅታር Ꮊያ ኤሮሳ? 11 ታኒ ኔስ ቱሮ ኦድዛ፤ ኑ ኤርዛ ባዝ ኦድዛኔ በኤዝ ባዝ ማርካትዛ፥ ዝን ኑ ማርከትꬃ ይ ኤኮያ። 12 ታኒ ይንትስ ሳአባዝ ኦድን ይ አማኖዋባዝ ማቅኮ ሳሎባዝ ኦድን ዋይዚ አማኖዴ? 13 ሳሎፕ ዎꬌዝ አስ ናአይፕ አትን ሳሎ ከዜዛይ ኦንካ ባያ፤ [ሳሎ የዝ አስ ናአይ ታና]» ዬጌዛ።

14-15 ሙሰ ሊዦ ደንባል ናሰ ሾሽ ሶቴዛይ ጋርክ ኤዛ አማኔዝ ኡቢታይ መꬍና ደኦ ኤኮዳይ ጋርክ አስ ናአይ ሶትንቶዳይስ ቤዝዛ። ታይ. 21:9

16 ጾሳይ Ꮊ አላመ ቃꬌዝ ግሾስ ፋ ናአ ፐታ ኣꬅ እንጎድ ሄሎዳይስ ጨር ዶሴዛይ ኤዛ አማንዛ ኡቢታይ መꬍና ደኦ ላቶዳይ ጋርከፕ አትን ꬋባማይ ጋርከ። 17 ጾሳይ ፋ ናአ Ꮊ አላመ ኪቴዛይ አላመ ፕርዶዳይስ ባዝን አላማ ኤ ባጋር አሾዳይሲ።

18 ኤዛ አማንዛ ኦንካ ፕርድንታሚ፥ ዝን ኤዛ አማኖዋ ኦንካ ፐቲ ጾስ ናአ አማነካ ግሾስ Ꮊት ፕርድንቴዛ። 19 ፕርዳይካ Ꮊያ፤ ፖኦ፤ አላመል የኤዛ፥ ዝን አስ ኦሶ ኢታ ማቄዝ ግሾስ አሳይ ፖኦፕ ኣꬂ ꬉማ ዶሴዛ። 20 ኢታ ባዝ ኦꬅዛ ኦንካ ፖኦ እጽዛ። አብስ ጊኮ፥ ፋ ኦሶ ፕ ኬዛማይ ጋርክ ፖኦኮ የኦያ። 21 ዝን ቱማ ኦꬅዝ ኦንካ ጾሳይ ኪቴዛይ ጋርክ ኤ ኦꬄዛና ፖኦ ቤዞዳይ ጋርክ ፖኦኮ ይእዛ።

22 የይፕ ጉየ፥ የሱሳ ፋ ታማርታይር ዎላ ይሁዳ ቢታ Ꮊንጌዛ። ኤዛይድ ጻማቅታር ኡንታር ጽቃ ዎደ ጋምኤዛ።

23 ማ ዋንሳ ሳሌመ ላንቀ የዝ ሄኖነ ዬግዝ አቆ ጋመ ሃꬅ የዛ ግሾስ አሳ ኤዛይድ ጻማቅዛ። አሳይካ የ አቃ Ꮊንጊ ጻማቅንትዛ። 24 የ ዎደ ዋንሳ ሀጋ አጭንተካያ።

25 የይፕ ጉየ፥ ዋንሳ ታማርታይኔ አይሁደ አሳይ ሻግሸ ዎጋ ባጋ ፓላሜዛ። 26 ዋንሳ ታማርታይ ዋንሳኮ Ꮊንጊ፥ «አስታማራዮ፥ ዮርዳኖሳ ቦርካፕ ሰኮ ፕኖ ኔር የዛይ፥ ኔኒ ኤባጋ ማርካቴዛይ፥ የዛኮ ጻማቅዛ። አሳይ ኡቢታይካ ኤዝክ Ꮊንግዛ» ዬጌዛ።

27 ዋንሳ ማሂ፥ «ጾሳይ እንገካ አሲ አባባዝካ ኤኮዳይስ ዳንዳኦያ። 28 ‹ታኒ ክርስቶሳ ባያ፥ ዝን ኤፕ ቲና ኪትንቴዛ› ማቄዝ ግሾ ይ፥ ይ ኡባስ ታስ ማርካ። 29 ገሎስ ጊጌዛና ኤኮዳይስ ጊጌዝ አꬃይሲ። ኤክዛይስ ላዛንꬃይ ካለ ኤቂ ኤ ግዛ ስኤዝ ዎደ ሎእꬂ ኡፋይትዛ። የይ ግሾስ፥ Ꮊይ ታ ኡፋይሳይ ፖልንቴዛ። 30 ኤ ግታቶዳይስ ታኒ ጽቆዳይስ ቤዝዛ» ዬጌዛ።

31 አፋፕ ይእዛይ ኡባይፕ ኣꬅ። ሳአፕ በንቴዛይ ሳአባዝ። ኤ ሳአባዝ ኦድዛ። ሳሎፕ ይእዛይ ኡባይፕ አፋ። 32 ኤ ፋ በኤዝባዝኔ ስኤዝባዝ ማርካትዛ፥ ዝን ኤ ማርከትꬃ ኤክዛይ ባያ። 33 ኤ ማርከትꬃ ኤክዛ ኦንካ ጾሳይ ቱማ ማቅዛና ቤዝዛ። 34 ጾሳይ ፋ ጌሻ አያና ኤስ ማከካ እንግዝ ግሾስ ጾሳይ ኪቴዛይ ጾስ ቃላ ኦድዛ። 35 አዳይ ፋ ናአ ዶሲ ኡባ ባዝ ኤ ኩሻይድ ጋዴዛ። 36 ናአ አማንዛ አꬃይስ መꬍና ደኦ የዛ። ዝን ናአ አማኖዋ አꬃይል አፋ ጾስ ካቺ የዛይፕ አትን ኤ ደኦ ደንጋሚ።