1 «ታኒ ዎይነስ ቱማ ኡባ። ኦስዛይ ታ አዳ። 2 ታል አፋ የዚ ኣፈ ኣፎዋ ሻቆ ኡባ ኤ ካርዛ። ኣፍዝ ሻቆ ቲናሳይፕ ኣꬊ ኣፎዳይ ጋርክ የ ሻቃ ኤ ጊግሶዳ። 3 ታኒ ይንትስ ኦዴዝ ቃላይ ግሾስ ይ ጌሽታ። 4 ታር የዞይታ፤ ታንካ ይንታር የዞዳ። ዎይኔ ሻቃይ ኡባይር የዘካ አትኮ የ ሻቃይ ፋ ኣዳስ ኣፈ ኣፎዳይስ ዳንዳኦያ። የይ ጋርከካ፥ ይንትካ ታል የዘካ አትኮ ኣፈ ኣፎዳይስ ዳንዳኦያ።

5 «ታኒ ዎይነስ ኡባ፤ ይ ሻቂታ። ታር የዝዛይኔ ታኒ ኤዛር የዝዛይ፥ ኤ ጋመ ኣፈ ኣፎዳ። ታ ባዝን ይ ይ ኡባስ አብካ ኦꬆዳይስ ዳንዳኦያ። 6 ታር የዞዋዛይ ሻቆ ጋርክ ባለ ኦልንቲ መሎዳ። ኡንታን ሺሺ ታማ ኦሎዳ፥ ኤጾዳ። 7 ይ ታር የዝኮ፥ ታ ቃላይካ ይንታር የዝኮ፥ ይ ኮይዝ ባዝ አብ ማቅኮካ ዎሶይታ፤ ይ ኤኮዳ። 8 ይ ጋመ ኣፈ ኣፍኮኔ ታ ታማረ ማቅኮ፥ የይድ ታ አዳይ ቦንችንቶዳ። 9 አዳይ ታና ቃꬍዛይ ጋርክ ታንካ ይንታን ቃꬍዛ፤ ታ ሲቃይር የዞይታ። 10 ታኒ ታ አዳይ ኪታ ናጊ ኤ ሲቃይድ የዜዛይ ጋርክ ይንትካ ታ ኪታ ናግኮ ታ ሲቃይድ የዞዳ።

11 «ታ ኡፋይሳይ ይንታር ማቃዳይ ጋርከኔ ይ ኡፋይሳይ ፎሎ ማቃድ ጋርክ ታኒ ይንትስ የያ ኦዴዛ። 12 ታ ኪታይ Ꮊያ፤ ታኒ ይንታን ቃꬌዛይ ጋርክ ይንትካ ዎል ዎል ቃꬎይታ። 13 ፋ ሸምፖ ፋ ላጋይስ ኣꬂ እንግዛይፕ ኣꬊዝ ዳማ ሲቆ ባያ። 14 ታኒ ይንታን ኪቴዝ ኡብታ ይ ኦꬅኮ ይ ታ ዳብታ።

15 «አይለ ፋ ጎዳይ ኦꬅዛባዝ ኤሮዋ ግሾስ ታኒ ይንታን Ꮊይፕ ጉየ አይልታ ጋሚ። ዝን ታ አዳይፕ ስኤዝ ኡብታ ታኒ ይንትስ ኦዴዝ ግሾስ ይንታን ዶስንቴዝታ ጌዛ። 16 ታኒ ይንታን ዶሬዛይፕ አትን ይ ታና ዶረካያ። ይ Ꮊንጊ ꬋቦዋ ኣፈ ኣፎድ ጋርክ ታኒ ይንታን ሹሜዛ። ዬዛኮ ታ አዳይ ይ ታ ሱንꬃር ዎሴዝባዝ ኡባ ይንትስ እማዳ። 17 ታ ኪታይ Ꮊያ፦ ዎል ዎል ቃꬎይታ።

18 «አላማይ ይንታን እጽኮ ቲናቲ ታና እጼዛ ኤሮይታ። 19 ይ አላመ ባዝ ማቄዛኮ አላማይ ፋባዝ ጋርክ ይንታን ቃꬎዳ። ዝን ታኒ ይንታን አላመፕ ሻጊ ዶሬዝ ግሾኔ ይ አላመ ባዝ ባ ግሾስ አላማይ ይንታን እጽዛ። 20 ‹አይለ ፋ ጎዳይፕ ኣꬎያ› ግ ታኒ ይንትስ ኦዴዛና ቆፖይታ። ኡንቲ ታና ባይኤዝ ባዝ ማቅኮ ይንታናካ ባይኦዳ። ኡንቲ ታ ቃላ ናጌዝባዝ ማቅኮ ይ ቃላካ ናጎዳ። 21 ዝን ኡንቲ ታና አዛዜዛና ኤሮዋ ግሾስ Ꮊ ኡባ ታ ባጋር ይንታል አፋ ኦꬆዳ። 22 ታኒ ይኢ ኦደካባዝ ማቄዛኮ ኡንትስ ናጋራ ማቀና። ዝን Ꮊት ኡንቲ ኦꬄዝ ናጋራይስ ኦዶድ ሳላምበ ባያ። 23 ታና እጽዛይ ታ አዳካ እጽዛ። 24 ኦንካ ኦꬄካ ኦሶ ታ ኡ ጋንጨ ኦꬅበኤካባዝ ማቄዛኮ ኡንትስ ናጋራ ማቃም ዝን Ꮊት ኡንቲ ታኒ ኦꬄዛ ብኢ ታናካ ታ አዳካ እጼዛ። 25 ዝን ኡ ህጋይድ፥ ‹ታና ጨር እጼዛ› ግንትንቲ ጻፍንቴዛይ ፖልንቶድ ጋርክ የይ ሀኔዛ።

26 «አዳይፕ ይእዝ ቱማ ቤዝዛ አያና ታ ይንትስ ኪቶዳ። ኤ ይንታን ምንꬃꬆዳ፥ ታባዝ ማርኮቶዳ። 27 ይንትካ ቲናፕ አይኪ ታር የዛ ግሾስ ታባዝ ማርኮቶዳ።