1 የይፐ ጉየ፥ የሱሳ ጾሳ ካተትꬂ ዎንግለ ሳባክታር ካታማራኔ ሄራር ኣꬌዛ። የ ዎደ ታጶ ናምእታይ ኤዛር የዛ። 2 ማ ቱና አያናፐኔ ዱማ ዱማ ሀርገፕ ፓጼዝ ፐቲ ፐቲ ማችታይ ኤዛር የዛ። ኡንትካ፥ ላፑን ቱና አያንታይ ከዜዝ ማግዴላ ማይራሞ፥ ማቶ. 27:55-56፤ ማር. 15:40-41፤ ሉቃ. 23:49 3 ሄሮዶሳ ሹማይ ኩዛ ማቻት ዮሃና፥ ሶስናራኔ ማ ሀራ ጋምታይ ኡንታን ሚሸር ማድዝታይ የዛ።

4 ጋመ አሳይ ዱማ ዱማ ካታማፕ ኤዝኮ ሺቅን ኣዝሶር ኡንትስ ኦዴዛ። 5 «ፐቲ ቢታ ኦꬂ አቅዛይ ዘርꬅ ዘሮዳይስ ከዜዝ። ኤ ዘሮዳር ፐቲ ፐቲ ዘርꬃይ ኦገል ዎꬊ የꬍንቴዛ፥ ሳሎ ካፍታይ ሜዛ። 6 Ꮊንክታይ ስስንቆ ኦሞር የዛ ቢታል አፋ ዎꬌዛ። ሀጋ ዶሌዛኒ ጋርክ ቢታይ ላኮ ባዛይ ግሾስ ሚጬዛ። 7 ሀራ ዘርꬃይ ማ አንጉንꬅ ጋንጨ ዎꬌዛ። አጉንꬃር ዎላ ድጬዝ ግሾስ አንጉꬃይ ጩሊ አቃይድ አሼዛ። 8 Ꮊንክታይ ሎኦ ቢታል አፋ ዎꬌዛ። ዶሌዝ ዎደ ጼት ኩሸ ኣፌዛ።» የያ ኦዲ ሃሲ፥ ፋ ቃላ ꬎቅ ኡዲ፥ «ስእዝ ሀየ ዬዚ ኡቢታይ ስኦ» ዬጌዛ።

9 ኤ ታማርታይ፥ «Ꮊ ኣዝሳይስ ብርሽꬃይ አባ?» ዬጊ ኦይጬዛ 10 ኤ፥ «ጾሳ ካተትꬃ ጹራ ባዝ ኤሮድ ጋርክ ይንትስ እንግንቴዛ። ዝን ሀራ አሳይ ብእታር ደንጋም ጋርክ፥ ስእታር አካካማይ ጋርክ ኣዝሶር ኦድዛ። ኢሳ. 6:9

11 «ይኬ፥ Ꮊ ኣዝሳይስ ብርሽꬃይ Ꮊይ፦ ዘርꬅ ዬግንቴዛይ ጾስ ቃላ። 12 ኦገ ጋጻ ዎꬌዝ ዘርꬃይ ቃላ ስእዝታ። ማቆዝን፥ ኡንቲ አማኒ አታም ጋርክ ጻላሃይ ቃላ ኡ ዎዝናይፕ ማጺ ሃስዛ። 13 ስስልቆ የዝ ቢታል አፋ ዎꬌዝ ዘርꬃይ ቃላ ስኢ ኡፋይሳር ኤክዝታ። ኡ Ꮊተስ አማንዛፕ አትን ጻጶ ባ ግሾስ ፓጨ ሄልዛ ዎደ ኤልሲ ካድዛ። 14 አንጉꬅ ጋንጨ ዘርንቴዝታይ ቃላ ስእዝታ። ኡንትካ አላመ ቆፋር፥ ዱረትꬃራኔ ሳአ የስ ሀንን ጩልንቲ ቤዝዛይ ጋርክ ኣፈካያ። 15 ሎኦ ቢታል ዎꬌዝ ዘርꬃይ ሎኦኔ ሉለ ዎዝናር ቃላ ስኢ ናግዝታኔ ዳንዳአር ሚንጊ ኣፈ ኣፍዝታ።

16 «ጾምፐ ጾምፒ፥ ኦታ ጋንጨ ዎይ አርሳፕ ኦሞር ጋድዛይ ባያ። ገልዛ አሲ በአድ ጋርክ ꬎቀ አቆ ጋድዛ። ማቶ. 5:15፤ ሉቃ. 11:33

17 «የይ ግሾስ፥ ቆስንቴዛይ ፕ ከዘካዛር፥ ካምንቴዝ ባዝ፥ በንተካዛር አታሚ። ማቶ. 10:26፤ ሉቃ. 12:2

18 «ይኬ፥ ይ ቃላ ዋይዚ ስእዛኮ ናግንቶይታ። የዛ ኡባይስ ጉዥንቲ እንግንቶዳ፥ ባዛይስ ሀራ አቶዝን ኤዝስ የዛ ጽቃታካ ኤዛፕ ኤክንቶዳ» ዬጌዛ። ማቶ. 25:29፤ ሉቃ. 19:26

19 የሱሳ እንዳትራኔ እሽታይራ ኤዝኮ የኤዛ። ዝን አስታይ ጋመትꬃይፕ ደንዴዛይድ ኤዛ ደንጎዳይስ ዳንዳኤካያ። 20 ፐቲ አሲ የሱሳኮ፥ «ነ እንዳትራ ነ እሽታይራ ነና ኮዪ ባለ ናግዛ» ዬጌዛ።

21 የሱሳ ማሂ፥ «ጾስ ቃላ ስኢ ኦሶል ፔሽዝታይ ኡባይ ታስ እንዶኔ ታስ እሸ» ዬጌዛ።

22 ፐቲ ጋላስ የሱሳራኔ ኤ ታማርታይራ ዎላ ዎጎሎ ጋንጨ ገሊ፥ «አባ ፒንጎዳ» ዬጌዛ። ኡንትካ Ꮊማዳይስ ደንዴዛ። 23 አባል አፋር ኡንቲ ፒንጎዳይስ Ꮊማዳር የሱሳ ገንቴዛ። ቆፐካዝን ዎልቃማ ጫርኮ አባል አፋ ደንዴዛ። ሃꬃይ ዎጎሎ ጋንጨ ገልን ዎጎላይ ምትንቶ አይክን ኡባይ ያሽቴዛ።

24 ኤ ታማርታይ ኤዝኮ ሺቂ፥ «ኑ ጎዳዮ፥ ኑ ꬋቦሆ ዬጊ» የሱሳ ደንꬄዛ።

የሱሳ ደንዲ ጫርካኔ ጎታ ሴሬዛ። ኤልሲ ጫርካይኔ ጎታይ ሀይዚ ጭጭርክ ጌዛ። ሳሮትꬃይካ ማቄዛ። 25 የሱሳ ፋ ታማርታይኮ፥ «ይ አማናይ አባ የኔ» ዬጌዛ። ኡንትካ፥ ያሽትታራኔ ማላባዝ ጊታር ፐታይ ፐታይኮ፥ «ጫርኮኔ ሃꬂ አዛዝንትዛይ፥ ኤ Ꮊይ ኦኖ» ዬጌዛ።

26 አባ ፒንጊ ጋልላ ባጋር የዝ ገርገሶነ ቢታ ሄሌዛ። 27 የሱሳ ዎጎሎፕ ከዚ ሳአ ዎꬎዳር ቱና አያናር አይክንቴዝ አꬃይ ካታምትፕ ከዚ ኤዛ ሄሌዛ። ጋመ ላይꬅ አፍላ ማኤካዛር ካሎ ዱፎ ጋንጨ የዛይፕ አትን ካራ ገሎያ። 28 የሱሳና በኤዝ ዎደ ኤ ቲናይድ ጹጉኒ፥ ፋ ቃላ ꬎቅ ኡዲ፥ «ኡባፕ ኣꬎ ጾስ ናአ የሱሳ ኔር ታስ አባ ፐትፐተꬅ የኔ? ሀያና ታና Ꮊት ብጽስፐ» ዬጌዛ። 29 የይ ኤ ጌዛይ፥ ቱና አያናይ አꬃይፕ ከዞዳይ ጋርክ የሱሳ ካጬዝ ግሾስ። ጋመ ዎደ ቱና አያናይ ኤዛ ሞዴዝ ግሾስ ሳንꬃላተራኔ ቶኬ አጭዝ ብራታር አጭንቲ ናግንትዛ። ዝን አቻ ዱꬂ ቱና አያናር ላግንቲ ሊዦ ገልዛ።

30 የሱሳ፥ «ነ ሱንꬃይ ኦኖ?» ዬጊ ኦይጬዛ።

ኤ፥ ጋመ ቱና አያንታይ ኤዛ አይኬዝ ግሾስ ፋና፥ «ሌጎና» ጌዛ። 31 ቱና አያንታይ ፋና ጪሞ *ጪሞ ጉሳይ ቱና አያና ዉርስꬅ ፕርደስ ናግንትዛ አቆ ኪታም ጋርክ ዎሴዛ።

32 የ አቃይድ ደረል አፋ ሚዝ ጉዳይለ ዉደ ሄንግንትዛ። Ꮊ ጉዳይልታይል ኑ ገሎ ግ ዎሴዛ፥ ኤዝካ «ገሎይታ» ጌዛ። 33 ቱና አያንታይ አꬃይፕ ከዚ ጉዳይልታይል ገሌዛ። ዉዳይ ደረላፕ ሱለ ጉርጉጺ አባ ጋንጨ ገሌዛ።

34 ሄንግዝታይ ሀኔዛና ብኢ ዎጺ Ꮊንጊ፥ ካታማኔ ሄራ ኡባይል ኦዴዛ። 35 አሳይ ሀኔዝባዛ በአዳይስ ከዚ የሱሳኮ የኤዛ። ቱና አያናይ ከዜዝ አꬃይ አፍላ ማኢ፥ ኤ ዎዝናይ ማቅን፥ የሱሳ ቶኬ ካለ በቴዛና ደንጊ ያሽቴዛ። 36 ኤዛ በኤዝ አሳይ ቱና አያናር አይክንቴዝ አꬃይ ዋይዚ ፓጼዛኮ ኦዴዛ። 37 ገርገሶነ ላንቃይድ የዝ አሳይ ጋመ ያሻ ያሽቲ የሱሳ ፋ ጋዳይፕ Ꮊንጎድ ጋርክ ዎሴዛ። ኤ ዎጎሎ ጋንጨ ገሊ ጉየ ማቄዛ።

38 ቱና አያናይ ከዜዝ አꬃይ የሱሳር የዞዳይስ ዎሴዛ። 39 ዝን የሱሳ ኤዝኮ፥ «ነ ካራ ማቆባ፥ ጾሳይ አብ ጋርክ ዳማባዝ ኔስ ኦꬄዛኮ ኦዶባ» ዬጊ ሞይዜዛ። አꬃይካ የሱሳ አብ ጋርክ ዳማባዝ ኤዝስ ኦꬄዛኮ ካታማ ኡባይድ ማርካትታር ቅቴዛ።

40 አሳይ ናጊ ጋምኤዝ ግሾስ የሱሳ ማቅዝ ዎደ ሞኪ ኤኬዛ። 41 አይሁድታይ ዎሳ ኬꬅ ሀላቃ ማቄዝ ኢያሮሳ ግዝ አꬃይ ፋ ካራ የኦድ ጋርክ የሱሳ ቶካይል አፋ ዎꬊ ዎሴዛ። 42 ኤስ ታጶ ናምኢ ላይꬅ ማቄዝ ፐቲ ማች ናአ የዛና ሀርግንቲ Ꮊይቆስ ሄሊ የዛ። የሱሳ Ꮊንጎዳር አሳይ ኤዛ ኡንእꬄዛ። 43 ታጶ ናምኢ ላይꬅ ሱꬂ ጎግታር ጋምኤዝ አስታ የዛ። እዛ ፓስ ዬዚ ሻላ ኡባ አክምታይስ እንጊ ዉርሴዛ። ዝን ፓጾዳይስ ዳንዳኤካያ። 44 እዛ የሱሳስ ጉየ ባጋር ሺቂ፥ ኤ አፍላ ማንቻቶ ቦቼዛ፥ እዝራ ጎግዝ ሱꬃይ ኤቂ አቴዛ።

45 የሱሳ፥ «ታና ቦቼዛይ ኦኖ?» ዬጌዛ። ኡባይ «ኑ ቦቼካያ» ዬግን፥ ጵጽሮሳ፥ «አስታማራዮ፥ ጋመ አሳይ ካሎዳራኔ ኡርቅꬆዳር ብእታር ዋይዚ፥ [‹ታና ቦቼዛይ ኦኖ?› ጌ]» ዬጌዛ።

46 ዝን የሱሳ፥ «ፐቲ አሲ ታና ቦቼዛ፤ አብስ ጊኮ፥ ዎልቃ ታፕ ከዜዛይ ታስ ኤርንቴዛ» ዬጌዛ።

47 የ አስታ፥ እባዝ ቆስንተካዛና ኤሪ ኩኩርታር ይኢ የሱሳ ቶካይል አፋ ዎꬌዛ። አብስ ቦቼዛኮኔ ዋይዚ ኤልሲ ፓጼዛኮ አስ ኡቢታይ ቲና ማርካቴዛ። 48 ኤ፥ «ታ ናአተ፥ ነ አማናይ ነና ፓꬄዛ፤ ሳሮ ቅቶባ» ዬጌዛ።

49 የሱሳ ናሻ ዉርሰካዝን፥ አይሁድታይ ዎሳ ኬꬅ ሀላቃይ፥ ኢያሮሳ ካራፕ ፐቲ አሲ ይኢ፥ «ኢያሮሳ፥ ነ ናአታ Ꮊይቄዛ፤ ይኬ አስታማራ ጨረ ዳቡርስፐ» ዬጌዛ።

50 ዝን የሱሳ የያ ስኢ ኢያሮሳኮ፥ «ያሽትፐ! አማኖባፕ አትን፥ ነ ናአታ ፓጾዳ» ዬጌዛ።

51 የሱሳ ኢያሮሳ ካራ ሄሌዛን ጋርክ ጵጽሮሳ፥ ዋንሳ፥ ያይቆባ፥ ናአቲ አዳይፐኔ እንዳትፐ አትን ሀራ አስ ገሎድ ጋርክ ኮየካያ። 52 የ አቃይድ የዝ አሳይ ኡቢታይ ናአትስ ዎ ዎ ግ ዬኮዳር፥ የሱሳ፥ «ዬክፓተ! ናአታ ገንቴዛፕ አትን Ꮊይቀካያ» ዬጌዛ።

53 አሳይ ናአታ Ꮊይቄዛና ኤርዛ ግሾስ ኤ ኦዳ ለቂ ሚጬዛ። 54 ዝን የሱሳ ናአቲ ኩሻ አይኪ፥ «ቡሽተ ደንዶባ» ዬጌዛ። 55 ናአትስ ሸምፓይ ማቅን ኤልሲ ፑꬁክ ግ ደንዲ ኤቄዛ። የሱሳ ኡንትኮ፥ «እዝስ ሚዝባዝ እንጎይታ» ዬጌዛ። 56 ናአቲ አዳይራኔ እንዳትር ማላባዝ ጌዛ። ዝን የሱሳ Ꮊያ፥ «ኦስካ ኦድፓተ» ዬጌዛ።