21
የሱሳ ግታ ቦንቾር የሩሳላመ ገሌዛ
(ማር. 11:1-11፤ ሉቃ. 19:28-40፤ ዋን. 12:12-19)
1 የሱሳራ ኤ ታማርታይራ የሩሳላመ ኡኪ፥ ደብረ ዛይተ አምባል አፋ የዝ ቤተፋገ ግዝ ሄራ ሄልታር፥ የሱሳ ፋ ታማርታይፕ ናምእታ ፓፕ ቲና ኪቴዛ፦ 2 «ይ ቲና የዝ ሄራ Ꮊንጎይታ። ኤዛይድ ፐቲ ሀረ አቻ የዛኖ እ ናአይራ ይ ኤልሲ ደማዳ። ኡንታን ብሊ Ꮊና ኤኪ የኦይታ። 3 ኦንካ ይንታን ኦይጭኮ፥ ‹ጎዳይ ኡንታን ኮይዛ› ዬጎይታ። ኤ ኡንታን ኤልሲ ዳኮዳ» ዬጌዛ። 4 ናባይ፥
5 «ጽዮነ ካታማ፥
‹ይኬ፥ ነ ካታይ አሽከ ማቂ፥ ሀረል አፋኔ
ሀረ ናአል አፋ በቲ፥ ኔኮ ይእዛ› ዬጎይታ»
ዬጊ ጻፌዛይ ፖልንቶድ ጋርክ የይ ሀኔዛ። ዛክ. 9:9
6 ኤ ታማርታይ Ꮊንጊ የሱሳ ኡንታን አዛዜዛይ ጋርክ ኦꬄዛ። 7 ሀርቶኔ ሀረ ናአ ክኢ አፋር ማኤዝ ፋ አፍላ ኡ ዞካይል ኦሌዛ። የሱሳ አፍላይል አፋ በቴዛ። 8 ዎያይ ፋ አፍላ ኦገል ሂጼዛ። Ꮊንክታይ ሀራታ ሻቂ ኦገል ኦሌዛ። 9 የሱሳፕ ቲናር የꬍዝታይኔ ኤዛፕ ጉየር ካልዛ ዎይታይ፥
«ሆሳና!*ሆሳና፦ እብራይስጸ ዶናር ሆሳና ጉሳይ «ኑና አሾባ ጉሲ።» ማ አሳይ ጾስ ጋላቶዳይስ ማድንትዛ ቃላ። ዳዉተ ናአይ ጋላትንቶ!
ጎዳይ ሱንꬃር ይእዛይ አንጅንቴዛያ!
ቦንቾ ኡባፕ ꬎቃ ሳሎ ጾሳይስ ማቆ!»
ዬጊ ኡኬዛ። ማዝ. 118:25
10 የሱሳ የሩሳላመ ካታማ ገሌዝ ዎደ የ ካታማ የዝ አስ ኡቢታይ፥ «Ꮊይ ኦኖ?» ዬጊ ሻርክሻርኬዛ።
11 አሳይ፥ «Ꮊይ ጋልላ ቢታ የዝ ናዝረተ ካታማፕ የኤዝ ናበ የሱሳበ» ዬጌዛ።
የሱሳ ጾስ ኬꬃ ገሌዛ
(ማር. 11:15-19፤ ሉቃ. 19:45-48፤ ዋን. 2:13-22)
12 የሱሳ ጾስ ኬꬅ ገሊ፥ ኤዛይድ ባይዝዝታኔ ዎንግዝታ ኡባ ባይኢ ባለ ከሴዛ። ሚሸ ላምዝታይ ጻርጴዝታኔ ሆልታ ባይዝዝታይ ኦይዲታ ሽሪ ኦሌዛ። 13 ኤዝካ ኡንትኮ፥ «ጾስ ቃላይድ፥ ‹ታ ኬꬃይ ጾስ ዎስዛ ኬꬅ ግንትንቶዳ› ዬግንቲ ጻፍንቴዛ። ዝን ይ ፓንታይ ቆስንትዝ ኮምኦ ኡዴዛ» ዬጌዛ። ኢሳ. 56:7፤ ኤርም. 7:11
14 የሱሳ ጾስ ካራ ጋንጨ የዝን ቶእታይኔ ጉንዴዝታይ ኤዝኮ ይእን ኡንታን ፓꬄዛ። 15 ዝን ቄሰ ሀላቅታይኔ ህገ አስታማርታይ የሱሳ ኦꬄዝ ማላትታ ብእዝታይኔ ጽቃ ናእታይ ጾስ ኬꬅ ጋንጨ፥ «ዳዉተ ናአይ፥ ጋላትንቶ» ዬጊ ኡክዛና ስኢ ካጭንቴዛ። 16 ኡ የሱሳኮ፥ «Ꮊይትታይ ግዛ ነ ስእኔ?» ዬጌዛ።
የሱሳ፥ «ኤ ስእዛ፥ ጾስ ቃላይድ፥ ‹ዱደ ናእታይ ዶናኔ ꬋንግዝ ናእታይ ዶና ጋላታ ኩንꬄዛ› ዬግንቲ ጻፍንቴዛና ይ ናባበካሳ?» ዬጌዛ። 17 ኡንታን እዘ አሺ ብታና ካታማ Ꮊንጊ አቄዛ።
ጎዳይ ባዴዝ ባላሰ ምꬃቶ
(ማር. 11:12-14፥ 20-24)
18 የሱሳ ዎንታ ጉራ ካታማ ማቂ ይእታር ናይንቴዛ። 19 ኦገ ጋጻ ፐቲ ባላሰ ምꬃቶ ብኢ እዝኮ Ꮊንጌዛ። ዝን ሀየፕ አትን ሀራ አብካ ደንገካያ። የይ ግሾስ፥ እዞ፥ «Ꮊንፕ መꬍናስ ኔፕ ኣፈ በንትፐ!» ዬጌዛ። የ ባላሰ ምꬃታ እዝር መሌዛ።
20 ኤ ታማርታይ የያ ብኢ፥ «Ꮊ ባላሳት ዋይዚ ኤልሲ መላረ?» ዬጊ ማላባዝ ጌዛ።
21 የሱሳ ማሂ፥ «ታኒ ይንትስ ቱማ ኦድዛ፤ ይንትስ አማኖ ዬዛኮ፥ ማ ይ ስꬋምጽኮ ባላሰል አፋ ታኒ ኦꬄዛን ጋርክ ኣዳ ኦꬃሚ፥ ዝን ‹Ꮊ አምባ ሾድንቲ አባ ጋንጨ ዎꬎባ› ዬግኮ ይንትስ ሀኖዳ። ማቶ. 17:20፤ 1ቆሮ. 13:2 22 አማኒ ይ ዎስዛ ባዝ አባባዝ ማቅኮካ ይ ኤኮዳ» ዬጌዛ።
የሱሳ ማዉታይ ኦይጭንቴዛ
(ማር. 11:27-33፤ ሉቃ. 20:1-8)
23 የሱሳ ጾሳ ኬꬃ ገሊ ታማርሶዳር፥ ቄሰ ሀላቅታይኔ አይሁደ ጭምታይ ኤዝኮ ይኢ፥ «ኔኒ Ꮊያ ኡባ አባ ማዉተር ኦꬄ? ኔስ Ꮊ ማዉታ እንጌዛይ ኦኖ?» ዬጊ ኦይጬዛ።
24 የሱሳ ኡንትኮ፥ «ታንካ ይንታን ፐትባዝ ኦይጭዛ፤ ይ ታስ እዞ ማህኮ፥ ታኒ አባ ማዉተር ኦꬄዛኮ ይንትስ ኦዶዳ። 25 ዋንሳ ጻማቆድ ጋርክ ማዉታይ አናፕ እንግንቴኔ? ጾሳፐኔ አሳፔ?» ዬጌዛ።
ኡንቲ ዎል ጋንጨ ቶቢ፥ «ኑኒ፥ ‹ጾሳፕ› ጊኮ፥ ኤ ኑና፥ ‹የዝን አብስ አማነካሳ?› ጎዳ። 26 ኑኒ፥ ‹አሳፔ› ጊኮ፥ አሲ ኡባይ ዋንሳና ናበ ኡዲ ብእዛ ግሾስ ዎያይ ኑና ያሽዛ» ዬጌዛ። 27 የይ ግሾስ፥ «ኑኒ ኤሮያ» ዬጊ ማሄዛ።
ኤዝካ፥ «ይኬ፥ ታንካ Ꮊያ አባ ማዉተር ኦꬄዛኮ ይንትስ ኦዳሚ» ዬጌዛ።
ናምኢ ናእታይ ኣዝሶ
28 «የሱሳ ማቅካ Ꮊይ ጋርክ ዬጌዛ፦ ፐቲ አꬃይስ ናምኢ ꬊራꬅ ናእታይ የዛ። የ አꬃይ ባይራ ናአይኮ Ꮊንጊ፥ ‹ታ ናአዮ፥ Ꮊይኖ ዎይነ ጋንጨ Ꮊንጊ Ꮊንቶባ› ዬጌዛ። 29 ናአይ ማሂ፥ ‹ኢእኖ Ꮊንጋሚ› ዬጌዛ። ዝን ጉየፐ ፋ ዎዝናር ቆፒ ኤኪ Ꮊንቶዳይስ ቅቴዛ። 30 አዳይ ፋ ጉየ ናአይኮ Ꮊንጊ፥ ፋ ባይራ ናአይኮ ጌዛይ ጋርክ አዛዜዛ። ኤዝካ፥ ‹ኤሮ፥ ታ አዳዮ› ዬጌዛ። ዝን Ꮊንገካያ። 31 Ꮊ ናምኢ ናእታይፕ ፋ አዳይስ አዛዝንቴዛይ ኣያ?» ዬጌዛ።
ኡንትካ፥ «ባይራ» ዬጌዛ።
የሱሳ ኡንትኮ፥ «ታ ይንትስ ቱማ ኦድዛ፤ ቃራጸ ጋችሽዝታይኔ ላምዝታይ ይንትፕ ቲናቲ ጾስ ካተትꬃ ገሎዳ። 32 ጻማቅዛ ዋንሳ ሉሎ ኦገ ታማርስታር ይእን ኤ ግዛና ይ አማነካያ። ዝን ቃራጸ ጋችስዝታይኔ ላምዝታይ አማኔዛ። ይ ሀራ አቶዝን፥ ኡንታን ብእካ ይ ናጋራይፕ ማቂ አማነካያ» ዬጌዛ። ሉቃ. 3:12፤ 7:29-30
ዎይነ ቱኪዝ አስታይ ኣዝሶ
(ማር. 12:1-12፤ ሉቃ. 20:9-19)
33 ማካ የሱሳ Ꮊይ ጋርክ ዬጌዛ፤ «ሀራ ኣዝሶ ስኦይታ፥ ዎይነ ቱኬዝ ፐቲ አꬃይ የዛ። የ ዎይነ ጋጻና ጋሴዛ። ዎይነ ቡልዝ ኦላካ ቦኬዛ። ዎይና ናጎዳይስ ሻኮካ ኮቼዛ። የይፕ ጉየ፥ ጋዳ ማታየ እንጊ ሀራ ጋደ ቅቴዛ። ኢሳ. 5:1-2 34 ዎይነ አፋ ማጽዛ ዎደ ሄልን ፋና ሄልዛ ባጋ ኤኪ የኦድ ጋርክ ፋ አይልታ ኡንትኮ ዳኬዛ። 35 ማታየ ኤኬዝታይ ኤ አይልታ አይኪ ፐታ Ꮊꬌዛ፥ Ꮊንካ ዎꬌዛ ማ አቴዛና ሹቻር ሾጬዛ። 36 ዎይነ አታክልተ ጎዳይ ካሴስታይፕ ጋመ ሀራ አይልታ ኪቴዛ። ማታየ ኤኬዝታይ ኡንታል ጉጅካ Ꮊንክታይል አፋ ኦꬄዛይ ጋርክ ኦꬄዛ። 37 ዉርስꬃል ኤ፥ ‹ታ ናአ ኡ ቦንቾዳ!› ዬጊ ፋ ናአ ኡንትኮ ኪቴዛ።
38 «ዝን ማታየ ኤኬዝታይ ናአ ብኢ ዎል ጋንጨ ‹ጋዳ ላቶዳይ Ꮊያ፥ ኤዛ ዎꬊ ጋዳ ኑኒ ኤኮዳ!› ዬጌዛ። 39 ናአ አይኪ ዎይነ ጋንጨፐ ጋጻ ከሲ ዎꬌዛ።
40 «ይኬ፥ ዎይነ አታክልተ ጎዳይ ይኢ የ ማታየ ኤኬዝታ ዋይሳዴ?» ዬጊ ኦይጬዛ።
41 ኡ ማሂ፥ «ኤ የ ኢታ አሳ ኢታ ዎꬎ ዎꬊ፥ ዎይናይ ካእዝ ዎደ ኤዛ ሄልዝ ባጋ ዎደር ዎደር እንግዛ ሀራ አስስ እማዳ» ዬጌዛ።
42 የሱሳ ማሂ ኡንትኮ፥ ጾሳ ቃላይ፥
«‹ግምቢዝታይ ቦሪ እጼዝ ሹቻይ፥
ኬꬄ ሙመር ቶክዛ ክርክሮ ጋርክ፥
ኡባፕ ኣዝ ሹች ማቄዛ።
Ꮊይ ጎዳይ ኦꬄዝ ባዝ፤
ኑ ኣፋይስካ ማላ ባዝ›
ዬግንቲ ጻፍንቴዛና ይ ናባበካሳ?ማዝ. 118:22
43 «የይ ግሾስ፥ ታ ይንትስ ኦድዛ፤ ጾሳ ካተትꬃይ ይንትፕ ኤክንቲ ሎኦ ኣፈ ኣፍዝ አስታይስ እንግንቶዳ። 44 [Ꮊ ሹቻይል አፋ ዎꬌዝ ኡቢታይ መቅቶዳ። ማ የ ሹቻይ ኤዛል አፋ ዎꬌዝ አꬃይካ ጋጭንቶዳ]»†ፐቲ ፐቲ ብኒ ማጻፍታይ ታይቦ 44 ጉጅዛ (ሉቃ። 20:18) ቦኦይታ። ዬጌዛ።
45 ቄሰ ሀላቅታይኔ ፈርሳውታይ የሱሳ ኦዴዝ ኣዝሶ ፋና ኦዴዛና ኤሬዛ። 46 ኡ የሱሳ አይኮዳይስ ኮዬዛ፥ ዝን አሳይ የሱሳ ናበ ኡዲ ብእዛ ግሾስ አሳይስ ያሽቴዛ።