1 ዱራይ ላፑንꬃ ማታማ ዶዬዝ ዎደ ባጋ ሳተ ማቆዳና ሳሎ ጭጭርክ ጌዛ።

2 የይፕ ጉየ፥ ታኒ ላፑን ቱልቱልታይ እንግንቴዝ ላፑን ኪታንችታይ ጾስ ቲና ኤቄዛና በኤዛ።

3 እጻኔ ጩይሽዝ ዎርቃ ቀንደለ አይኬዝ ሀራ ኪታንቻይ ይኢ፥ ያርሾ አቃይ ካላይድ ኤቄዛ። ኤ ዙፋናይ ቲና የዝ ዎርቃ እቃይል ያርሾ አቃይል አፋ ጌሽታይስ ኡባይስ ዎሳራ ጉጂ ያርሾድ ጋርክ ኤስ ጋመ እጻኔ እንግንቴዛ። 4 እጻኔ ጩያይ ጌሽታይ ዎሳር ፐትፕ ኪታንቻ ኩሸፕ ኡዴ ጾስኮ ከዜዝ። 5 የይፕ ጉየ፥ ኪታንቻይ እጻኔ ጩይሽዝ ቀንደላ ኤኪ፥ ኤዛይድ ያርሾ አቃይፕ ቃቃ ታማ ኩንꬅ ሳአ ሱለ ꬉጌዛ። የይፕ ዳዳ፥ ዳዳ ሳርꬅ፥ ዜልንꬅኔ ቢታ ኤንኦ ሀኔዛ። ለዊ. 16:12፤ ኢዝቀ. 10:2፤ ከስ 19:16፤ ዋን. ቆን. 11:19፤ 16:18

6 የይፕ ጉየ፥ ላፑን ኪታንችታይ አይኬዝ ላፑን ቱቱልታ ፑጎዳይስ ጊግንቴዛ።

7 ቲና ኪታንቻይ ፋ ቱልቱሎ ፑግን ሻችኔ ሱꬃር ዋላክንቴዝ ታማ ማቂ ሳአል ዎꬌዛ። ሳአስ ሀይꬒ ኩሸፕ ፐታይ ጹግንቴዛ፤ ምꬃፕ ሀይꬒ ኩሸፕ ፐታይ ጹግንቴዛ፤ ጭልኦ ማታ ኡባይ ጹግንቴዛ። ከስ 9:23-25፤ ኢዝቀ. 38:22

8 ናምእንꬆ ኪታንቻይ ፋ ቱልቱላ ፑጌዝ ዎደ ዎልቃማ አምባ ኣዝዝባዝ ታማር ኤጽታር አባ ኦልንቴዛ። የይፐ፥ አባይፕ ሀይꬒ ኩሸፕ ፐታይ ሱꬅ ማቄዛ። 9 አባ ሸምፖር የዝ መትꬅታይፕ ሀይꬒ ኩሸፕ ፐታይ Ꮊይቄዛ፤ ማርካብታይፐክ ሀይꬒ ኩሸፕ ፐታይ ꬋቤዛ።

10 ሃይꬒንꬆ ኪታንቻይ ፋ ቱልቱሎ ፑጌዝ ዎደ ዣበ ጋርክ ኤጽዝ ዎልቃማ ጾልንታይ ሃꬅታይፕ ሀይꬒ ኩሸፕ ፐታይል አፋኔ ፑልትታይል አፋ ሳሎፕ ዎꬌዛ።ኢሳ. 14:12 11 የ ጾልንታይ ሱንꬃይ ጫሞ ግንትዛ። ሃꬃይፕ ሀይꬒ ኩሸፕ ፐታይ ጫንግሴዛ፤ ሃꬃይ ጫንጌዝ ግሾስ ጋመ አሳይ የ ሃꬃ ኡዢ Ꮊይቄዛ። ኤርም. 9:15

12 ኦይድንꬆ ኪታንቻይ ፋ ቱልቱላ ፑጌዛ። አዋፕ፥ ኣግናፐኔ ጾልንትታይፕ ሀይꬒ ኩሸፕ ፐታይ ሾጭንቴዛ፤ ኡ ፖአይፕ ሀይꬒ ኩሸፕ ፐታይ ꬉሜዛ። ጋላሳይፕ ሀይꬒ ኩሸፕ ፐታይ፥ ቃማፐካ ሀይꬒ ኩሸፕ ፐታይ ꬉሜዛ።ኢሳ. 13:10፤ ኢዝቀ. 32:7፤ ኢዩ. 2:10

13 የይፕ ፐቲ ጎሎ ሳሎል ꬎቅ ግ፥ ፕራꬎዳር በኤዛ። የ ጎላይ ፋ ቃላ ꬎቅ ኡዲ፥ «አቴዝ ሀይꬒ ኪታንችታይ ፋ ቱልቱሎ ፑጎዳይስ የዝ ግሾስ ሳአ የዝ አሳይኮ አየ! አየ! አየ!» ዬጎዳር ስኤዛ።