16
ጾስ ካቺ ኩሜዝ ጹእታ
1 የይፕ ጉየ፥ ላፑን ኪታንችታይኮ፥ «Ꮊንጊ ጾስ ካች አይኬዝ ላፑን ጹእታ ሳአ ላሎይታ» ዬጊ፥ ዎልቃማ ጊርꬂ ጾስ ኬꬃፕ ከሳዳር ታ ስኤዛ።
2 ቲና ኪታንቻይ Ꮊንጊ፥ ጹአና ሳአ ላልን፥ ዶአይ ማላይ የዝታይላኔ ኤ ምስላይስ ጎይንዝታይል ኢታኔ ዛምዝ ማዶꬂ ከዜዝ። ከስ 9:10
3 ናምእንꬆ ኪታንቻይ ጹአና አባል ላልን፥ አባይ Ꮊይቄዝ አስ ሱꬅ ማቄዛ። ማ አባ ጋንጨ የዝ ሸምፖር የዝ መተꬅ ኡባይ Ꮊይቄዛ።
4 ሃይꬒንꬃ ኪታንቻይ ጹአና ዳማ ሃꬃላኔ ፑልቶ ሃꬃል ላልን፥ ሃꬅታይካ ሱꬂ ማቄዛ። ከስ 7:17 5 የይፕ ጉየ፥ ሃꬃል አፋ ማዉተ የዝ ኪታንቻይ Ꮊይ ጋርክ ዬጎዳር ታ ስኤዛ።
«Ꮊተካ ብንካ የዝ ጌሻ ጎዳዮ፥
ከስ 3:14Ꮊይ ጋርክ ነ ፕርዴዝ ግሾስ ኔኒ ጌሺ።
6 ኡንቲ ጌሽታይ ሱꬅኔ ናብታይ ሱꬅ ላሌዝ ግሾስ
ነ ኡንታን ሱꬅ ኡሼዛ የይካ ኡንትስ ቤዝዛ ባዚ»
ዬጌዛ። 7 ያርሾ አቃይፕ፥
«ኤ ጎዳዮ፥ ኡባፕ ዎልቃማ ጾሳዮ፥
ነ ፕርዳይ ቱማኔ ጽሎ»
ዬግዝ ቃላ ስኤዛ።
8 ኦይዳንꬆ ኪታንቻይ ጹአ አዋል አፋ ላልን፥ አዋ ፋ ምሻይር አሳ ጹጎዳይ ጋርክ አዋስ ዎልቃ እንግንቴዛ። 9 አሳይ ዎልቃማ ምሻይር ጹግንቲ፥ የ ቦሽታይል አፋ ማዉተ የዝ ጾስ ሱንꬃ ጫዤዛ፤ ማሮትꬅ ገለካያ፥ ጾሳናካ ቦንቼካያ።
10 እችንꬃ ኪታንቻይ ጹአና ዶአይ ዙፋናይል አፋ ላልን፥ የ ዶአይ ካተትꬃይ ꬉሜዛ። አሳይካ ኡንኣይፕ ደንዴዛይድ ፋ እንጻርሳ ጮንግዛ። ከስ 10:21 11 ማ አሳይ ኡንኣይ ግሾኔ ማዶꬃይ ግሾስ ሳሎ ጾሳ ባዴዛ፤ ፋ ኦꬄዝ ናጋራይፐካ ማቀካያ።
12 ኡሱፑንꬃ ኪታንቻይ ጹአና ግታ ኤፍራጺሰ ሃꬃል ላልን፥ አዋ ከስ ባጋፕ የኦድ ካትታይስ ኦገ ጊጎዳይ ጋርክ ሃꬃይ መሌዛ። ኢሳ. 11:15 13 የይፕ ጉየ፥ ዳዋይ ዶናይፕ፥ ዶአይ ዶናይፐኔ ዎርዶ ናበ ዶናይፕ ኦቃነ ኣዝዛ ሀይꬒ ቱና አያንታይ ከሳዳር ታ በኤዛ። 14 ኡንቲ ማላባዝታ ኦꬅዝ ቱና አያንታ። የ ሀይꬒ ቱና አያንታይ ኡባፕ ዎልቃማ ጾስ ግታ ጋላስ ሀኖዳይስ የዝ ኦላይስ አሳ ሺሾዳይስ አላመ ካት ኡባይኮ Ꮊንጎዳ።
15 «ይኬ፥ ታኒ ካይዞ ጋርክ የኦዳ! አስ ቲና ካሎ ማቂ ፋ ካሎትꬃይስ ዬላታማይ ጋርክ ባርኪ፥ ፋ ማአ ናግዛ አꬃይ አንጅንቴዛያ!» ዬጌዛ። ማቶ. 24:43
16 የ ቱና አያንታይ ካትታና እብራይስጸ ዶናር አርማገዶነ ግዝ አቆ ሺሼዛ። 2ካት. 23:29፤ ዛክ. 12:11
17 ላፑንꬃ ኪታንቻይ ጹአና ጫርኮል አፋ ላልን፥ ጾስ ካራ የዝ ዙፋናይፕ፥ «ፖልንቴዛ» ዬግዝ ዎልቃማ ግርꬂ ከዜዛ። 18 የይፕ ዜልንꬂ ዜልንጌዝ፤ ዳዳይ ሳሪ ꬉቄዝ፥ ቢታይ ኤንኤዛ። የይ ጋርክ ዎልቃማ ቢታ ኤንኦ አሲ መꬊንቴዛይፕ አይኪ የሻ ኤንኤካያ። ዋን. ቆን. 8:5፤ 11:13 19 ዳማ ካታምታ ሀይꬒ ከዚ ሻክንቴዛ፤ ጋደ ኡባይድ የዝ ካታምታይ ላልንቴዛ። ጾስ ግታ ካታማ ባብሎነ ቆፒ፥ ፋ ኢታ ካቺ ዎይነ ኡሺ ኩሜዝ ጹአና ኢስ እንጌዛ። ኢሳ. 51:17 20 ሃꬃር ማርንቴዝ ቢትታይ ꬋቤዛ፤ አምብታይካ በንተካያ። ዋን. ቆን. 6:14 21 አሳይል አፋ ኦይታማኔ እችን ክሎ ግራመ ጋርክ ዴጽዛ ዎልቃማ ሻች ሳሎፕ ቡኬዛ። ቦሻይ ኡሳ ኢታ ማቄዝ ግሾስ አሳይ ሻቻይ ቦሻይ ግሾስ ጾሳና ጫዤዛ። ከስ 9:23