19
1 የይፕ ጉየ፥ Ꮊይ ጋርክ ዬግዝ ዎያ ጊርꬅ ኣዝዝ ዎልቃማ ኦሽꬃር ሳሎፕ፥
«ሀለ ሉያ!
ፓጾትꬅኔ ቦንቾ ዎልቃይካ ኑ ጾሳይስ ማቆ።
2 ኤ ፕርዳይ ቱማኔ ሉለ።
ቢታ ፋ ኢታ ላመር ቱንሴዛኖ ጾሲ ፕርዴዛ።
ጾሲ ፋ አይልታይ ሱꬅ ኢፐ ኤኬዛ»
ዬጎዳር ታ ስኤዛ። ናምእ. 32:43፤ 2ካት. 9:7
3 የ አሳይ ማሂ ፋ ቃላ ꬎቅ ኡዲ፥
«ሀለ ሉያ።
የ ካታምታ መꬍናስ ፑድ አፋ ጩይታር የዞዳ»
ዬጌዛ።ኢሳ. 34:10
4 ላታማኔ ኦይዲ ጭምታይኔ ሸምፖር የዝ ኦይዲ መትꬅታይ ዙፋናይል በቴዝ ጾሳይስ ጹጉኒ፥
«አምንኤ! ሀለ ሉያ»
ዬጊ ጎይኔዛ።
5 የይፕ ጉየ፥
«ጾስ አይልታይ፥
ጾስስ ያሽትዝ ጽቅታይኔ ዳምታይ ኡባይ፥ ኑ ጾሳይ ጋላትንቶ»
ዬግዝ ጊርꬃይ ዙፋናይፕ ከዜዛ። ማዝ. 115:13
6 የይፕ ጉየ፥ ጋመ አስ ጋርክ አዉክዝ፥ ዎልቃማ ጎግዝ ዳማ ሃꬅ ጉምꬅኔ ዳዳ ሳርꬅ ጋርክ ጊርꬃይ፥
«ሀለ ሉያ፤
ኑ ጎዳይ፥ ኡባ ዳንዳእዛ ጾሳይ ካዉቴዛ። ኢዝቀ. 1:24፤ ማዝ. 93:1፤ 97:1፤ 99:1
7 ዱራይ ቦሳይ ሄሌዝ ግሾኔ፥
ኤዛ ገልዛና ጊጌዝ ማቄዝ ግሾስ Ꮊና የኦይታ
ዎላ ኡፋይቶዳ፥ ጋላቶዳኔ ኤዛ ቦንቾዳ።
8 ፖጭዛኔ ጌሽ ማቄዝ ሌኦ
ማኦ ማኦዳይ ጋርክ ኢስ እንግንቴዛ»።
(ሌኦ ማአይ ጌሽታይ ጽሎ ኦሳይስ ኣዝሶ።)
9 የይፕ ጉየ፥ ኪታንቻይ ታኮ፥ «ዱራይ ቦሳይ ሙነꬃይስ ጼግንቴዝታይ አንጅንቴዝታ» ግ ጻፎባ። የ ኪታንቻይ ጉጂካ፥ «Ꮊይ ጾስ ቱማ ቃላ» ዬጌዛ። ማቶ. 22:2
10 የ ዎደ ታ ኤዝስ ጎኖዳይስ ኤ ቶካይል አፋ ጉጲፕንጌዛ። ዝን ኤ፥ «የያ ኦꬅፐ! ታኒ የሱሳባጋ ማርካትዝ ነ ጋርከኔ ነ እሽታይ ጋርከ፤ ጾስስ ጎይኖባ ዬጌዛ። ይኬ፥ የሱሳ ባጋ ማርካቴዛይስ ናበትꬅ አያና ታኮ» ዬጌዛ።
ቦꬅ ፋራ ቶጌዛያ
11 የይፕ ጉየ፥ ሳሎ ዶይንትን፥ ኤዛይድ ቦꬅ ፋራ የዛና ታ በኤዛ። የ ፋራ ቶጌዛይ አማንንቴዛኔ ቱማንቾ ግንትንትዛያ። ኤ ጽሎትꬃር ፕርድዛኔ ኦልንትዛ። ኢዝቀ. 1:1 12 ኤ ኣፋይ ታማ ላꬅ ኣዝዛ፤ ኤ ኦማይል ጋመ ዛዉድታይ የዛ። ኤፕ አትን ሀራ ኦንካ ኤሮዋ ኤል ጻፍንቴዝ ሱንꬅ የዛ። ዳነ. 10:6 13 ኤ ሱꬃር ሙክንቴዝ ማኦ ማኤዛ፤ ኤ ሱንꬃይካ ጾስ ቃላ። 14 ቦꬅኔ ጌሽ ሊኖ ማኦ ማኤዝ ሳሎ ኦላንችታይ ቦꬅ ፓርታ ቶጊ ኤ ገደኖ ካልዛ። 15 ዎይታ ጋችዛ ኦጮ ማሻ ኤ ዶናይፕ ከዝዛ። ኤ ብራታ ጉፈራ አሳ ሃሮዳ። ኡባፕ ዎልቃማ ጾስ ካች ዎይነ ኡሻ ቡልዝ አቃ ኤ የꬎዳ።ማዝ. 2:9፤ ኢሳ. 63:3፤ ኢዩ. 3:13፤ ዋን. ቆን. 14:20 16 ኤ ማአይል አፋኔ ኤ ዎድራይል አፋ፥ «ካትታይ ካትኔ ጎድታይ ጎዳ» ዬግዝ ሱንꬃይ ጻፍንቴዛ።
17 የይፕ ጉየ፥ አዋል አፋ ኤቄዝ ፐቲ ኪታንቻና ታ በኤዛ። የ ኪታንቻይ ሳሎራ ፕራꬍዛ ካፎ ኡባይስ ፋ ቃላ ꬎቅ ኡዲ፥ «Ꮊና የኦይታ! ጾሳ ስብረ ማዳይስ ፐቲ አቆ ሺቆይታ። ኢዝቀ. 39:17-20 18 ካትታይ አሾ፥ ሻላቅታይ አሾ፥ ዎታዳርታይ አሾ፥ ፓርታይ አሾ፥ ፓርታ ቶግዝታይ አሾ፥ አስ ኡባይ አሾ፥ አይልታይ አሾ፥ ዎማንታይ አሾ፥ ግትታይኔ ጽቅታይ Ꮊ ኡቢታይ አሻ ሞይታ» ዬጌዛ።
19 Ꮊይ ጋርከካ ዶአይ፥ ፋራ ቶጌዝታይራኔ ኤ ኦላንችታይራ ኦልንቶዳይስ ሳአ ካትታይኔ ኡ ኦላንችታይ ፐቲ አቆ ሺቄዛዝን ታ በኤዛ። 20 ዝን የ ዶአይ አይክንቴዛ ኤ ሱንꬃይር ማላባዝ ኦꬄዝ ዎርዶ ናባይ ኤዛር ፐትፕ አይክንቴዛ። ኤ ቲናይድ ማላባዝ ኦꬅዝታይ ዶአይ ማላይ የዝታኔ ኤ ምስላ ጎይንዝታ ኤ ባልꬄዛ። ዶአኔ ዎርዶ ናባይ ናምአይካ ዲኔ ኤጽዝ ታማ ኣባይድ ፓꬅ ኦልንቴዛ። ዋን. ቆን. 13:1-18 21 አቴዝታይ ቦሀ ፋራ ቶጌዛይ ዶናይፕ ከዜዝ ማሻይር Ꮊይቄዛ። ካፍታይ ኡባይ ኡ አሻ ም ካሌዛ።