ሀዋረ ጳዉሎሳ ኪታይ ኦሮመ አሳይስ ጻፍንቴዛይ፥ ጳዉሎሳ ኦሮመ ጋንጨ የዝ ዎሳ ኬꬃ በአዳይስ ቆፔዝ ግሾስ ኤ Ꮊንጎዳር ኡንቲ ጊግንቲ ናጎድ ጋርክ ኦዶዳሲ። ጳዉሎሳ ቆፋይ ኦሮመ ጋንጨ የዝ አማንዝታይራ ጽቃ ዎደ ኦꬄዛይፕ ጉየ ኡንቲ ኤዛ ማድን እስፔነ Ꮊማዳይሲ። አማኖባ ባጋ ኤ ኤሬዛኔ አማንዛ አሳይ የ ትምርታ ኦሶል አፋ ፔሾድ ጋርክ ቆንጭሲ ጻፌዛ። Ꮊ ማጻፋይ ጋንጨ ጳዉሎሳ ኩንꬅ ኪታይ Ꮊ ቆፋ አይክዛ።

ጳዉሎሳ ኦሮመ ጋንጨ የዝ አማንዛ አስታ ቲናቲ ሳሮꬂ ማቂ፥ ኡንትስ ዎስዛና ኦዴዛይፕ ጉየ ፋ ኪታይስ ባሶ ቆፋ፥ «ዎንግላይድ ጾሳ ጽሎትꬃይ በንቴዛ፤ የ ጽሎትꬃይ ቲናፕ ዉርስꬂ ሄሎዳይስ አማኖር በንቴዛ» ግ ኦድዛ (1:17)።

የይፕ ጉየ፥ የ ቆፋ ዳልግሲ ጻፍዛ። አይሁድታ ማቅን አይሁደ ባ አታ ማቅን ኡቢታይ ናጋራስ ሞድንቴዝታ ማቄዝ ግሾስ ኡንቲ ጾሳር ዳቦቶዳይስ ኮሽዛ። አሳይ ጾሳር ዳቦቶዳይስ ዳንዳእዛይ የሱስ ክርስቶሳና አማኖራ። ኡንቲ ጾሳር መꬍዛ Ꮊ ኦሮꬅ ፐትፐተꬅ ኣፋይ፥ ኦሮꬅ የስ ማቅዛና ጳዉሎሳ ዳልግሲ ኦድዛ። አማንዛ አስ ጾሳር ሳሮ የዛ፤ ማ ጾሳ አያና ባጋር ናጋራፐኔ Ꮊይቆ ዎልቃፕ ከሲ ኤክዛ። ሸምፖ 5-8 ሄሎዳይስ ጳዉሎሳ ጾስ ህጋይኔ አማንዛ አስ የሳል ኦꬅዝ ጾስ አያና ዎልቃ ቆፋይ አብዛኮ ኦድዛ። የይፕ ካሊ፥ ጳዉሎሳ፥ «ጾሳይ አስ ናእታይስ ቆፔዝ ቆፋ ጋንጨ አይሁድታይኔ አይሁደ ባ አሲ ዋይዚ ዎላ ዋጽንቶዳይስ ዳንዳኤ?» ዬግዝ ኦይቻይስ ማህꬅ እማዳይስ ቡትቴዛ።

ማ አይሁድታይ የሱሳ ኤካም እጼዛይ ጾስ ቆፋ ማቄዛና ኦድዛ። የይ ሀኔዛይ የሱስ ክርስቶሳ ባጋር ቆንጭሴዝ ኣꬎ ኬሄትꬃይ ጋንጨ አስ ኮች ኡባይ ኤኮዳይ ጋርከ። ማቆዝን፥ አይሁድታይ የሱሳ ኤኮድ ዎደ የኦዳና ጳዉሎሳ አማንዛ። ዉርሰꬃል ጳዉሎሳ አማኖር ዋይዚ የዞዳይስ ቤዝዛኮ ኦድዛ። ጾስስ ኦꬆ ባጋ፥ አማንዛ አሳይ ፋ ቢታስኔ አሳይስ ዎል ጋንጨ ፐታይ ፐታይስ የዝ አደትꬃር ኦꬆድባዝኔ ካሃ ባጋር መꬍንትዛ ኦይችታይ ባጋ ፓዲ ኦድዛ።