ጳዉሎሳ ትቶስ ጻፌዝ ኪታ
ገሎ
ትቶ አይሁደ ባያ፥ ዝን ጉየፕ አማኒ፥ ጳዉሎሳ ዎንግለ ኪታ ኦሳ ኦꬅታር ዣመ ማቂ ኤዛ ማዴዝ አሲ። የ ዎደ ትቶ፥ ዎሳ ኬꬅ በአዳይስኔ ናጎዳይስ ቃርጼሳ ቢታ አቴዛ። Ꮊ ኪታይ ሀይꬒ ኣፈ ቆፍታ አይክዛ።
1. ዎሳ ኬꬅ አቅስዛ አሳይ፥ ኢታ የስ የዝ ቃርጼሳ አሳይ ላንቃይድ አብ ጋርክ ሎኦ የስ የዞዳይስ ቤዝዛኮ ትቶ አካክስዛ።
2. ዎሳ ኬꬅ ጋንጨ የዝ ዱማ ዱማ ጩግታ፥ የይካ፥ ጭማ አስታ፥ የላጋ ናእታኔ አይልታ ዋይዚ ታማርሶዳይስ ቤዝዛኮ ትቶና ዞርዛ።
3. አማንዛ አሳይ አማኖ የስ ባዝ፥ ሳሮትꬃራኔ ሲቆር የዞድ፥ ዎሳ ኬꬅ ጋንጨፕ ካቺ፥ ፓላማኔ ጳልቂꬂ ꬋቦዳይ ጋርክ ትቶስ ዞረ እንግዛ።
ትቶ ክታይ አይኬዝ ቆፍታ
ገሎ 1:1-4
ዎሳ ኬꬅ ካልꬅዝታይ ባጋ 1:5-16
ዎሳ ኬꬃ የዝ ዱማ ዱማ ጩግታይ ኦሶ 2:1-15
ዞረኔ ናግሶ 3:1-11
ኩስተ ቆፋ 3:12-15
1
1 የሱስ ክርስቶሳ ሀዋረኔ ጾስ አይለ ማቄዝ፥ ጳዉሎሳ፥ ጻፌዝ ዳብዳበ። ጾሲ ዶሬዝ አሳይ አማና ድቾድ ጋርከኔ ቱማ አያና የስ ዋይዚ የሳዳዛኮ ቤዝዛ ቱማ ኤረትꬅኮ ኡንታን ካልꬆዳይስ ታኒ ኪትንቴዛ። 2 የ አማናይ መꬍና ደኦ ኡፋይሳል አፋ ኤቄዛ። የይ ጋመ ዎደፕ ቲና ዎርዶቶዋ ጾሳይ ኑስ እንጎድ ግ ቃላ ገሌዛያ። 3 ኑና አሽዛ ጾሳይ ፋ ዎደ ሄልን Ꮊ ኪታ ኦዶዳይ ጋርክ ታስ ሀዳራ እንጌዛ።
4 ኑስ ኮꬄ ማቄዝ አማናይድ ታስ ቱማ ናአ ማቄዝ ትቶስ፥
ጾስ አዳይፐኔ ኑና አሽዛ የሱስ ክርስቶሳፕ ኣꬎ ኬሄትꬃይ፥ ማሮትꬃይኔ ሳሮትꬃይ ኔስ ማቆ። 2ቆሮ. 8:23፤ ጋላ. 2:3፤ 2ጽማ. 4:10
ትቶ ቃርጼሳ ኦꬄዝ ኦሳ
5 ታኒ ነና ቃርጼሳ አሼዛይ፥ ኔኒ አቴዝ ባዝ ሎእꬆድ ጋርከኔ ታኒ ኪቴዛይ ጋርክ ካታማ ኡባይድ ዎሳ ኬꬅ አቅስዝታ ዶሮድ ጋርከሲ። 6 ዎሳ ኬꬅ ጭማ ቦርንቶዛ፥ ፐቲ ማቻት አዝን፥ የዳ የሳር ዎይ ኪትንቶ እጾር አሲ ቦሮዋ አማንዛ ናእታይ የዝ አስ ማቆዳይስ ቤዝዛ። 1ጽማ. 3:2-7 7 ዎሳ ኬꬅ አቅስዝታይ ጾስ ኦሶ ሀዳራ ኤኬዝ ግሾስ ቦርንቶዛ፥ ኡትርቶዛ፥ ኤልሲ ይሎቶዛ፥ ማꬆዛ፥ ኦዳ ኮዮዛኔ ቤዞዋ አዳስ ኩኩሮዛ ማቆዳይስ ቤዝዛ። 8 ዝን እማꬅ ሞክዛያ፥ ሎኦ ባዝ ኡባ ቃꬍዛያ፥ አካካር የዛያ፥ ሱረ፥ ጌሽኔ ፋና ሃርዛያ ማቆዳይስ ቤዝዛ። 9 ቱማ ትምርተ ታማርሶራ፥ ዞረራኔ የ ትምርታ እጽዝታይስ ማህꬅ እንጎዳይስ ፋ ታማሬዝ አማንꬅዛ ቃላይል ሚንጊ ኤቆ።
10 ኪትንቶዝታይ፥ ፓꬆዋ ኦዳ ኦድንትዝታይ፥ ዶሽዝታይ ኡባራካ ዶካልንቶ ዎጋ ናግዛ ጋመ አስታይ የዛ። 11 ኡንቲ ቤዞዋ ኦገር ሚሸ ደንጎዳይስ ኮዪ፥ ቤዞዋ ባዝ ታማርስታር ካራ አስ ኡባ ቡቂዝ ግሾስ ኡ ትምርታ ተቆዳይስ ቤዝዛ። 12 ኡንታፕ ፐታይ ኡንትስ ናበ ማቄዛይ፥ «ቃርጼሳ አሳይ ኡባ ዎደ ዎርዶ ኦድንትዝታ፤ ኢታ ዶእታኔ አዛላ ናፍሳምታ»*ቃርጼሳ አሳይ ኡባ ዎደ ዎርዶ ኦድንትዛ፤ ኢታ ዶእታኔ አዛላ ያራምቢታ፦ የይ ዬጊ ኦዴዝ ናባይ ኤጲመንደሳ ግንትትዛ። ዬጌዛ። 13 Ꮊ ማርካትꬃይ ቱማ። የይ ግሾስ፥ ኡንትስ ቱማ አማኖ የዞዳይ ጋርክ ኡንታን ካጮይታ። 14 ቱማ እጽዛ አሳይ ትምርታኔ አይሁድታይ ፓꬆዋ ቶሳ ስአማይ ጋርክ ኡንታን ሚንꬂ ሴሮባ። 15 ጌሽታይስ ኡባ ባዝ ጌሺ፥ ዝን ቱንታይስኔ አማኖዝታይስ ኡ ቆፋይኔ ካሃይ ቱኔዝ ግሾስ ኡንትስ አብካ ጌሺ ባያ። 16 ኡንቲ ኑ ጾስ ኤርዛ ግዛ፥ ዝን ፋ ኦሳይር ኤዛ ካድዛ። ኡንቲ ጾሳር እጽንቴዝታ፥ ኪትንቶዋዝታኔ ሎኦ ኦሶ ኡባ ኦꬆዳይስ ፒልዝታ።