5
Xooss woya aqiso woga
1 Yikkee, woosa keeth aqisiza cima maaqqeez ta, Kiristtoosa ekkeez metayis markka maaqqeezannee qonccodayis yez bonchcha shaginttodayis yez taanii, yi gancce yez woosa keeth aqisiz cimita zoriza. 2 Yi adetithayis oommor yez Xooss wuda heenggoytta. Xooss shene garkk qadhdherannee dosorapp attin wolqqanthor heenggippate. Ma miishe koshshar baazin lo77o qofar heenggoytta.Wan. 21:15-17 3 Yi adetithapp oommor yez wudes lo77o aaziso maaqqoyttapp attin godatippatte. 4 Heenggizitay halaqay maaqqii ye7odar aadhoowa bonchcho zawude yi ekkoda.
5 Yey garkkekka, yelagitayyo, cimitayis kiitinttoytta. Yi wolis haayo maaqqoytta. Geeshsha Maxaafayid, «Xooss utirttizita ixxiza, zin haayitayis aadho keehatithapp inggiza» yeegiza.Aazi. 3:34 6 Yikkee Xooss fa wode yinttan bonchchoday garkk wolqqama Xooss kushepp oommor yinttan kawushshoytta.Mat. 23:12; Luq. 14:11; 18:14 7 E yinttis qoppiza gishos yinttan hirigisiza baz ubba ezal afa oloytta.
8 Yi morkke daabuloosa, mittodana koyii, gaammo garkk xaaggittar yi kanttar yuuyizay gishos yinttan haaroyttannee barkkoytta. 9 Alamel yez yi ishitay yey garkk meto ekkodana erii, ammanor miinggii, Xalaher eqinttoytta. 10 Fa medhina bonchchayis Kiristtoosa Yesuusa baggar yinttan xeegeez aadho keehatith ubbay Xoossay, xiqqa wodes yi meto ekkeezaypp guye, E fa ommas yinttan folo udoda, kaatisoda, miinthii essoda, xaphphisoda. 11 Medhinapp medhina hellodayis bonchchonnee wolqqa ees maaqqo. Amin77ii.
Wurssith sarotho
12 Ammanintteez ishe gi ta ekkiz Sillaase baggar yha dabddaabba yinttis haatar xaafeeza. Ta yeya yinttis xaafeezay, yinttan zorodayisinnee Xooss aadho keehatithay tuma maaqqeezana markkattatodayis. Ye aadho keehatithayid miinggii eqqoytta.Haw. O. 15:22, 40
13 Yinttar wolla doorintteez Baabiloone*Baabilooner: Yha aqo Baabiloone giinttintteezay Oroome katama maaqqth attenna. ginttinttiz oroome yez woosa keeth ta na7a Marqqoosa yinttan, «Saro saro» yeegiza.Haw. O. 12:12, 25; 13:13; 15:37-39; Qol. 4:10; Film. 24 14 Siiqo yeera yeerinttittar, woli sarothoytta.
Kiristtoosar yez yi ubbayis saro maaqqo. Amin77ii.