3
1 Yeyi gishos, yinttan be7ekka garzho nuus danda7inttaam ixxin, Ateena katama nu aaddas attodayis qofa acceeza.Haw. O. 17:15 2 Yinttan zorod garkkennee ammanor minthathod garkke nuura wolla Xoossis oothizannee Kiristtoosa Wonggile odiza nu isha Ximaatoosa yinttiko azazeeza. 3 Yeykka yinttan helleez metayid yinttipp oonkka guye maaqqippe. Ye bayi7ithay nuus Xooss shene maaqqeezana yi, yi ommas eriza. 4 Nu yinttar yez wode bayi7ith hellodana yinttis tiinatii odeeza. Yi erizay garkk haneeza. 5 Yey gishos, taas garzhodayis danda7inttaam ixxin, «Oonii eree Xalahe unttan paaccii nu daaburssay yhar attodeshsha» gi yi ammanay bagga erodayis Ximaatoosa yinttiko kiiteeza.
6 Yhatti Ximaatoosa yi kalepp yi7ii, yi ammano baggannee yi siiqo baz lo77o wore odeeza. Ma yi ubba wode nuus lo77o qoppizannee nuunii yinttan be7adayis laamotizay garkk yinttikka nuna be7adayis laamoteezana E nuus odeeza.Haw. O. 18:5 7 Ta ishuntho, nuunnii waaye ganccennee meto gancce yezikokka yi ammanay gishos nu miinggeeza. 8 Yi Godayil miinggii yeziko nu faxat yinno. 9 Yikkee, nuunii yinttipp denddeezayid denggeez ufayssayis Xoossa galatiza. 10 Nuunii yinttan aafer be7adayisinne yi ammanayid pacceez baz kunthodayis qammannee gallas nu kunth wozinar Xoossa woossiza.
11 Xooss nu Godayinne nu Aday E nu Godayinne Yesuus Kiristtoosakka fa ommas nu yinttiko yhanigiza oga giigiso. 12 Nu yinttan lo7ithii dosizay garkk yi woli siiqiza siiqannee as ubba siiqiza siiqa Goday yinttis gaanthonnee gujjo. 13 Nu Goday Yesuus fa geeshshitayir yi7iza wode Xoossay, nu Aday tiina yi wozinay geeshshinnee boro baazita udii E yinttan minthathoda.