6
1 Nuunii Xoossar wolla oothiza as maaqqeezay garkk, yi ekkeez aadho keehatitha cere mahaamay garkk nu yinttan woossiza. 2 Xoossay,
«Ta nena si7od wode si7eeza;
atotith gallas nena maaddeeza»
yeegiza. Yeezako, ta si7od woday yhatte; atotith gallasaykka yhayino.Isa. 49:8
3 Oonkka nu oosa boraamay garkkennee nuur dhubinttoday garkk koyooya. 4 Hano zin, nu tuma Xooss oosanchchita maaqqeezana nu oothiza ubba bazar beezeeza. Gaame garzhor, waayer, metor, un77ar, 5 garafinttithar, achchar, cabbotithar, oothor daaburar, gentta dhabor, xoomar,Haw. O. 16:23 6 geeshshetithar, eratithar, danda7ar, keehatithar, Geeshsha Ayyanar, tuma siiqor, 7 tuma odarannee Xooss wolqqar nuunii e oosanchchita maaqqeezana beezeeza. Ma xillotithay nuus toorannee gonddalle. 8 Nuunii bonchchinttodayisi tooshinttodayisi; cazhinttodayisinnee galatinttodayisii giigintteeza. Tuma nashsheezita, zin asay nuna worddotizita geeza. 9 Nu erinttoowa as aazittar erintteezita maaqqeeza. Yhayqqeezita yeegintteezita, zin paxa yeza; shocintteeza, zin yhayqqekkaya. 10 Nuunii azanikokka ubba wode ufayttiza. Nuunnii manqqo aaziza, zin gaame asa duriseeza. Ma akkokka baa as aazeeza, zin ubbay nubaz.
11 Yntino Qoronttoosa asayyo, nu yinttis geeshshii odeeza; nu ula yinttan wursii beezeeza. 12 Yi nuna yi siiqo beezoowa kayenepp attin nu nu siiqo yinttan kayekkaya. 13 Ade fa na7itayis odizay garkk ta yinttis odiza; nu yinttan nu ula beezeezay garkk, yinttikka yi ula nuna beezoytta.
Ammanoowa asayir yez pettipettitha asho
14 Ammanoowa asayir beezoowa oger waaxinttipate. Xillotithinnee nagara ab woli helthee? Poo7osinnee dhumas aba pettipettithii yenee? 15 Kiristtoosannee Xalahe woli helithiza baz abba? Ma ammanizayinnee ammanowazay pettipp koxizabaz abba? 16 Xooss Keethayis eeqitayir aba pettipettithii yenee? Xoossay,
«Taanii u gancce yessada,
u ganccer yedhdhoda.
Taanii u Xooss maaqqoda;
unttikka ta woya maaqqada»
geezay garkk, nuunii de7o Xooss keethe.Lewii. 26:12; Iziqe. 37:27; 1 Qor. 3:16; 6:19 17 Yey garkkekka, Goday,
«Unttii ganccepp shaakinttii kezoytta;
tuna maaqqeez baz bochchipatte;
ta yinttan ekkoda.Isa. 52:11
18 Ta yinttis ade maaqqada;
yi taas diirithi na7itannee maachch na7ita maaqqada;
Yeegiza Ubbapp Wolqqama Goday» yeegeeza.2 Sam. 7:14; 1 Zeena. 17:13; Isa. 43:6; Erim. 31:9