5
1 Yikkee, Xoossii dosiza na7itay garkk eza aazoytta. 2 Kiristtoosa nuna dosii fana nu gishos Xoossis tonkki gi sawuza imonnee yarshsho udii inggeezay garkk yinttikka siiqor yezoytta.Kes. 29:18; Maz. 40:6
3 Zini laammo, tunatithinnee uuzetithii ammaniza asayis beezoowa gishos yi gancce ubbarakka si7inttippe. 4 Xooss galatoyttappe attin yeellathiza bazi boozotith nahshsa woy ari7ee yinttis beezowazay gishos yi gancce ubbarakka yezippe. 5 Yhaya eroytta; oonkka laame woy tuna baz ootho woy uuzatto Eeqas goynnos tenttetto Kiristtoosa kaatetithinnee Xooss kaatetitha laattodayis danda7ooya.
6 Yhayititaypp denddeezayid Xooss kachchii azazinttowa asayil afa ye7od gishos oonkka yinttan pathoowa odar dooshshippe. 7 Yey garkk asayir pettipettithii oothipate. 8 Binii yi dhuma, zin yhatti Goday baggayir poo7o. Yikkee, poo7o as garkk poo7or yedhdhoytta. 9 Poo7o lo77otith, xillotithinnee tumatith aafiza.
10 Goda ufayssiza abaz oothodayis koyoytta. 11 Aafe baa dhuma ooso qonccisoyttapp attin ezar maqinttipate. 12 Unttii geema oothiza oosay hara attozin ododayisikka yeellathiza. 13 Zini ubba baz poo7ol kezeez wode qonccer benttiza. 14 Poo7o ubba baz qonccer beeziza. Yeyi gishos,
«Naati genttizayo barkkoba;
yhayiqopp denddoba;
Kiristtoosa nees poo7iza» yeegintteeza.
15 Yikkee, yi wayizii yezizako akaakii bo7oytta. Eccita maaqqoyttapp attin boozita maaqqipatte. 16 Gallasitay iita maaqqeez gishos layitha wozoytta.Qol. 4:5 17 Yeyi gishos, Goday shenay abizako akaakoyttapp attin boozipatte.
18 Geeshsha Ayyanar kumoyttapp attin dhaboko yinttan kaalithiz woyne ushshar mathipate. 19 Mazmuurer, sabarannee ayyana yethar, pettay pettayir odinttoytta. Ma yi wozinayir mazimuurttaranne sabbittar Goda galatooytta.Qol. 3:16-17 20 Nu Goda Yesuus Kiristtoosa sunthayir ubba wode Xooss Ada ubbabazis galatooytta.
21 Kiristtoosa bonchchos gi pettay pettayis haarinttoytta.
Azin baggannee machchii bagga
22 Machchitayyo, Godayis haarinttizay garkk yi azinitayiskka haarinttoytta.Qol. 3:18; 1 Phix. 3:1 23 Kiristtoosa woosa keethis kustte maaqqeezay garkk azinayikka fa machchis kustte. Ma Kiristtoosa fa asetithi maaqqeez woosa keethi ashshizaya. 24 Zini woosa keethay Kiristtoosas haarinttizay garkk machchitay fa azinitayis ubba bazar haarinttodayis beeziza.
25 Azinitayyo, Kiristtoosa woosa keeth dosii I gishos fana inggeezay garkk yinttikka yi machchita dosoytta.Qol. 3:19; 1 Phix. 3:7 26 E yeya ootheezay woosa keeth geeshshodayis koyii udeeza, geeshsheezaykka fa qaalay baggar haathar meeccii. 27 Kiristtoosa woosa keeth qita woy sino tukith woy yey garkkez baz bayth E kunth bonchchor geeshshinnee borinttoozanno udii faako shiishodayis koyii yeya udeeza. 28 Yey garkkekka, azinttay fana dosizay garkk fa machchita dosodayis beeziza. Fa machchat dosizay fana dosiza. 29 Fana ixxiza as oonkka baaya, zin Kiristtoosa woosa keethis oothizay garkk fa asetitha muzizannee naagiza. 30 Nuunii Kiristtoosa asetith billitita.
31 Xooss qaalay, «Yeyi gishos, asii fa adannee fa indato ashshii, fa machchatir wola yessada; unttii nam7itaykka pettii asho maaqqiza» yeegeeza.Medhe. 2:24 32 Yhay gita xuura, zin taanii yeya Kiristtoosa baggannee woosa keethi bagga aaziso udii odiza. 33 Yey garkkekka, yi pettay pettay fa machchato, fana dosizay garkk doso. Machchakka fa azina bonchchodayis beeziza.