1 Yesuusa fa tamaaritayiko, «As dhubithii nagara gelssizabaz yi7ithay attenna. Maaqqozin, nagara gelod garkk oothiza athay ayye» yeegeeza. 2 Ye athay xiqqitaypp petta balithodaypp woxa fa qoodhel accii abba gancce qitiko ezisi lo77o. 3 Yey gishos naaginttoytta.Mat. 18:15

«Ne ishay nagara oothiko kaccoba; qiiradhdhii maarotithar maaqqiko, ezis atto goba. 4 Pettii gallas laappun toke qohi, laappun toke, ‹Taanii ta buuta ereeza tana maaroba› yeegii yi7iko ezis atto goba.»

5 Hawaaritay Godayiko, «Ammano nuus gujjooye» yeegeeza.

6 Goday, «Sannaficce aafe garkk ammano yinttis yeziko ‹Yha wala shodinttii abba gancce tukinttoba› yeegiko yinttis kiitinttoda» yeegeeza.

7 Gujjikka Yesuusa, «Yi gancceppe pettayis wootiza woy dure heenggiz aylle yeziko ooso gadepp woy wudepp kara maaqqadar ‹Elle katha maadayis yhana yi7ii bettoba› yeegizay yenee? 8 Baaya, ‹Taas kaho giigisoba; ta mi, uzhii ashshod gatho eqqii muzoba. Yeypp guye, ne ma maadannee uzhoda› yeeginbaasa? 9 Yikkee, goday, ayllay kiita poleez gishos anjjinee? 10 Yey gishos, yinttikka kiita ubbita poleez wode ‹Nu pathoowa ayllitay; oothodayis beeziza ooso poleeza› yeegoytta» yeeggeeza.

11 Yesuusa Yerusalaame yhanigittar Samaaresinnee Galila biittas ganccer qoo7ii aadheeza. 12 Pettii heera gelodar boriqontto harger aykintteez taphphii asitay ezana denggeeza. Unttikka haakko eqqii, 13 «Goda Yesuusa, nuus qadhinttooye» yeegii uukkeeza.

14 E unttan bi7ii «Yhanigii yi galla Ayihuditay qeese beezoytta» yeeggeeza. U oger yhanigttar geezheeza.Lewii. 14:1-32

15 Unttapp pettay fa geezhitha bi7ii dhoqqi geez qaalar Xoossa bonchchittar Yesuusako maaqqeeza. 16 Ezii Samaare biitta as, zin Yesuusa tokayil afa xuggunii eza galateeza.

17 Yesuusa, «Geezheezay taphphii asita baasa? Yeezin, uddufuntay aba yenee? 18 Yha allaga athaypp*Yha allaga athaypp: Borqqontto hargaypp paxeez athay allaga giinttintteezay E Ayihuditay maaqqekka gishosi. attin hara maaqqii Xoossa galatiza as benttekaya» yeegeeza. 19 Athayiko, «Ne ammanay nena geeshsheeza; denddii qitoba» yeegeeza.

20 Ferisaawe asitay, «Xooss kaatetithay ayide ye7odee?» gi Yesuusana oycceeza. E, «Xooss kaatetithay naagor ye7ooya. 21 Maakka izo, ‹Yhannee woy yinne yeegodayis danda7ooya. Abis giiko, Xooss kaatetithay yi gancce yeza› » yeegii maheeza.

22 Yesuusa fa tamaaritayiko, «As Na7ay gallasitaypp petta be7adayis yi amottiz woday ye7oda, zin yi be7aamii. 23 Asay, ‹E yeyid yeza› woy, ‹Yhaydda yeza› yeegoda, zin unttan kaallii yhanigppatte. 24 Zeelinthii zeellinggii salo gaxapp gaxa poo7isizay garkk As Na7ay yi7ithi gallasay yey garkk hanoda. 25 Zin yeyi hanodaypp tiina As Na7ay gaame waayodayisinnee yha yeletithayid ixinttodayis beeziza. 26 Nohe wode haneezay garkk As Na7ay wodayidakka yey garkk hanoda.Medhe. 6:5-8 27 Nohe Markkabe geleez qamma hellodayis asay miitarannee uzhittar, ekkittarannee gelittar yeezin dhabisiza haathay yi7ii ubbita dhabiseeza.Medhe. 7:6-24 28 Looxe laythakka yey garkk haneeza. Asay miitarannee uzhittar, woonggittarannee bayizittar, tukkittarannee keexxittar, gam7eeza.Medhe. 18:20—19:25 29 Looxe Soodomappe kezeez gallas diinnee ginttinttiz xuuggiz tama salopp bukkii ubba baz dhabiseeza. 30 As Na7ay benttiz wodekka yey garkk hanoda.

31 «Ye gallas oonkka bale yezay keethal yezaykka gancce yez baz ekkodayis kara gelippe. Yey garkke, gade yez asii abisikka kara maaqqippe.Mat. 24:17-18; Mar. 13:15-16 32 Looxe machchato akaakoytta;Medhe. 19:26 33 Fa shemppato ashshodayis koyiz asii oonkka dhabisoda; fa shemppato aathii inggiz oonkka ashshoda.Mat. 10:39; 16:25; Mar. 8:35; Luq. 9:24; Wan. 12:25 34 Ta yinttis odiza; ye gallas nam77ii asay pettii arssal woyi7ada. Pettay ekinttoda, yhankkay attoda. 35 Nam77ii maachchitay wolla gaaccodar pettat ekinttoda, yhankkat attoda. 36 [Nam77ii asay wolla gade wootizitaypp pettay ekinttoda, yhankkay attoda»†Pettii pettii maxaafitayid tayibo 36 baaya. yeegeeza.]

37 Unttii, «Godayyo ana ekkinttodee?» yeegii oycceeza.

E, «Gawuxa yez bessa ankko shiiqiza» yeegeeza.