Waannisa Qonccithayis
Gelo
Waannisa qonccithay, ammaniza asay Yesuus Kiristtoosana paas God udii ammaneez gishonnee, geeshshetithar yezeez gishos unttan metonnee waaye helleez wodayid xaafintteeza. Xaafay caddii be7eez aafe qofay, ammaniza asay ufayssay kunthi maaqqoday garkk unttan minthathii, unttan helleez bayi7ithi baggannee meto gancce fa ammanayir miinggii eqqod garkk denthithodayisii.
Yha Maxaafayis undenna kifilitay gaamennee kaali kaallii qoncceez qonccithita aykkiza. Yha qoncithitay ye wode yez asayis geliza, zin yhankkitayis xuura maaqqii gam7izannee Unttii aaziso misiler odintteeza. Mazmuure azimaachche maaqqii maaqqii yexxinttizay garkk, ye maxaafayid yez waanna qofitay duma duma qonccithitay baggar duma duma oger maaqqii maaqqii shiiqeeza. Yha maxaafay bili7ithayis duma duma qofay yezikokka, ees waanna qofay qoncce. Yeykka, «Xoossii Goda Kiristtoosa baggar lamisowa oger fa morkkita, Xalahera gujjii, pettii tokennee wurssii gamoda. Ye gamithaypp guye, ees ammaninttii yezeez fa baggita oroth salonnee oroth sa7a anjjo laatisoda» yeegizaya.
Waannisa qonccithay aykkeez qofita
Gelo 1:1-8
Laappun woosa keethitayis inggintteez kiitannee bilitha 1:9-20
Laappun woosa keethitayis xaafintteez kiitita 2:1—3:22
Zufaane, xaath maxaaferannee Laappun maatamita 4:1—8:1
Laappun naassitta 8:2—11:19
Dawannee nam77ii do7ita 12:1—13:18
Duma duma qonccithita 14:1—15:8
Laappun Xooss kachchii xuu7ita 16:1-21
Baabiloone dhaba, do7annee worddo nabennee daabuloosa gamintta 17:1—20:10
Wurssith pirdda 20:11-15
Oroth salo, oroth sa7annee oroth Yerusalaame 21:1—22:5
Kustte qofa 22:6-21
1
1 Ellera hanodayis yeza baz fa ayllita beezoday garkk Xoossii ees inggeez Yesuus Kiristtoosa qonccithay yhaya. Yesuusa fa kiitanchcha kiittii, fa aylle Waannisas qonciseeza. 2 Waannisa Xoossa qaala, Yesuus Kiristtoosa ootheezibazinnee be7eezi baz ubba markkatteeza. 3 Yha ubbay hanodayis wode helleez gishos yha tinbbite qaala nabbabiza ookka anjjintteezaya. Ma yha qaala si7izitayinnee xaafintteez kiita naagiza ubbay anjjetteezita.
Laappun Iisa woosa keethitayis kiitintteez sarotho
4-5 Yha dabddaabbay, Waannisapp, Iisa biitta yez laappun woosa keethitayis xaafintteeza. Binkka, yhattekka yez, tiinapekka ye7odayis yez Xoossaypp, ma e zufaanay tiina yez laappun ayyaanataypp, yhay garkk, yhayiqoppe dendor tiina maaqqeezaypp, sa7a kaatita moodiza ammanintteez markka maaqqeez Yesuus Kiristtoosapp, aadho keehatithinnee sarotith yinttis maaqqo.Kes. 3:14; Wan. Qon. 4:5
Yesuusa nuna dosiza, ma fa suuthar nagara aylletithap nuna wozii kesseeza.Isa. 55:4; Maz. 89:27 6 Nuunii Yesuus Kiristtoosa Adayis Xoossayis oothoday garkk nuna kaatetithitannee qeesita maheez Ees medhinappe medhina hellodayis bonchchonnee wolqqa maaqqo. Amin77ii.Kes. 19:6; Wan. Qon. 5:10
7 Yikkee, Yesuusa shaarara ye7oda. As ubbay hara attozin, eza caddeez asaykka eza be7ada. Sa7all yez as ubbay e gishos yeekkoda. Yeyi tuma hanoda! Amin77ii.Daan. 7:13; Mat. 24:30; Mar. 13:26; Luq. 21:27; 1 Tes. 4:17; Zak. 12:10; Wan. 19:34
8 Binkka, yhattekka yezay, tiinapekka ye7od Goday, Ubbapp Wolqqama Xoossay,Wan. Qon. 22:13; Kes. 3:14 «Alfannee Oomega tana»*Alfannee Oomega: Girike doonar Alfannee Oomega koyronnee wurssitha pidaalita; birshshethaykka dendonnee wurssithii guussii. yeegiza Goday Xoossay.
Kirissttoosa qonccithar benttith
9 Taanii, Waannisa, yi ishay, yinttar pettipp Yesuusar e meto, e kaatetithannee e danda7a be7eeza. Taanii Xooss qaala gishonnee Yesuusabaz markkatteez gishos Piximo giz haathar marintteez biittal ta yeza. 10 Goday gallas ta Ayyanar yeza; taapp guyer tutulo pugo garkk gita giirthi ta si7eeza. 11 Ye giirthay tana, «Ne bi7izana maxaafayid xaafii, Iisa yez laappun woosa keethitayis, Efesoones, Samirnneesas, Pherggamoonas, Tiyaixiroonas, Sarddeesas, Filaadelfasinnee Loodoqas dakkoba» yeegeeza.
12 Taanii taas odiza giirtha be7adayis guye maaqqii xomppe gaddiz laappun worqqa kochchita be7eeza. 13 Ye kochchitay gancce as na7a aazizana ta be7eeza. E aduss afila fa toke helthii ma77eeza, worqqa danccor fa tira dancceeza.Daan. 7:13; Daan. 10:5 14 E ommayinnee e binnanay booth dur ikise garkkennee shachch garkke; e aafaykka tama lathi aaziza.Daan. 7:9 15 E tokay tamar teeleez zoqqeez naase biraata aaziza; e girthaykka gita gaame haathitay ooshshich garkke.Iziqe. 1:24; 43:2 16 E fa ushachch kusher laappun xoolinttita aykkeeza. E doonaypp nam7i baggar leefintteez oco mashsha kezeeza. E sinay seeta gallasa awa aafe aaziza.
17 Taanii eza be7eez wode yhayqqeez as garkk hanii e toke achcha pokkeeza. E fa ushachcha kushe taal afa gaddii, «Yashittippe; Tiinay Wurssithay tana.Isa. 44:6; 48:12; Wan. Qon. 2:8; 22:13 18 Taanii yezaya; taanii yhayqqeeza zin medh medhinaskka path yeza. Yhayiqonnee Si7oole qulppe ta kushe yeza. 19 Yikkee, yhatti hanizabazinnee tiinapp hanod baz ne be7eezi baz xaafoba. 20 Neenii ta ushachch kushayid be7eez laappun xoolinttitannee laappun worqqa kochchitay bili7ithay yhay: Laappun xoolinttitay laappun woosa keethitay kiitanchchita; laappun worqqa kochchitay laappun woosa keethita.»
1:4-5 Kes. 3:14; Wan. Qon. 4:5
1:4-5 Isa. 55:4; Maz. 89:27
1:6 Kes. 19:6; Wan. Qon. 5:10
1:7 Daan. 7:13; Mat. 24:30; Mar. 13:26; Luq. 21:27; 1 Tes. 4:17; Zak. 12:10; Wan. 19:34
1:8 Wan. Qon. 22:13; Kes. 3:14
*1:8 Alfannee Oomega: Girike doonar Alfannee Oomega koyronnee wurssitha pidaalita; birshshethaykka dendonnee wurssithii guussii.
1:13 Daan. 7:13; Daan. 10:5
1:14 Daan. 7:9
1:15 Iziqe. 1:24; 43:2
1:17 Isa. 44:6; 48:12; Wan. Qon. 2:8; 22:13