19
1 Yeypp guye, yhay garkk yeegiz woya giirth garkk yez wolqqama ooshithar,
«Hale luuya!
Paxotithinnee bonchcho wolqqaykka nu Xoossayis maaqqo.
2 E pirdday tumannee luulo.
Biitta fa iita laamer tuniseezanno Xoossii pirddeeza.
Xoossii fa ayllitay suuth iippe ekkeeza»
yeegodar ta si7eeza.Nam7i. 32:43; 2 Kaat. 9:7
3 Ye asay mahii fa qaala dhoqq udii,
«Hale luuya.
Ye katamita medhinas pud afa cuyittar yezoda»
yeegeeza.Isa. 34:10
4 Laatamannee oydd cimitayinnee shempor yez oydd medhetithitay zufaanayil betteez Xoossayis xuggunii,
«Amin77ii! Hale luuya»
yeegii goynneeza.
5 Yeypp guye,
«Xooss ayllitay,
Xoosse yashittiz xiqqitayinnee dammitay ubbay, nu Xoossay galatintto»
yeegiz giirithay zufaanaypp kezeeza.Maz. 115:13
6 Yeypp guye, gaame as garkk awukiz, wolqqama gogiz damma haath guumithinnee dada saarth garkk giirthay,
«Hale luuya;
nu Goday, Ubba danda7iza Xoossay kawuteeza.Iziqe. 1:24; Maz. 93:1; 97:1; 99:1
7 Duray bossay helleez gishonnee,
eza gelizana giigeez maaqqeez gishos yhana ye7oytta
wola ufayttoda, galatodannee Eza bonchchoda.
8 Pocizannee geesh maaqqeez lee7o
ma7o ma77oday garkk iis inggintteeza».
(Lee7o ma7ay geeshshitay geesh oosayis aaziso.)
9 Yeypp guye, kiitanchchay taako, «Duray bossay munethayis xeegintteezitay anjjintteezita» gi xaafoba. Ye kiitanchchay gujjii, «Yhay Xooss tuma qaala» yeegeeza.Mat. 22:2
10 Ye wode ta ezis gonnodayis e tokel afa guphinggeeza. Zini E, «Yeya oothippe! Taanii Yesuusa bagga markkattiz negarkkennee ne ishitay garkke; Xoossis goynnoba yeegeeza. Yikkee, Yesuusabaz markkatteezayis nabeteth ayyana taako» yeegeeza.
Booth para toggeezaya
11 Yeypp guye, salo dooyinttin, ezayid booth para yezana ta be7eeza. Ye para toggeezay Ammanintteezannee Tumanchcho ginttinttizaya. E xillotithar pirddizannee olinttiza.Iziqe. 1:1 12 E aafay tama lath aaziza; e ommayil gaame zawuditay yeza. Eep attin hara oonkka eroowa eel xaafintteez sunthi yeza.Daan. 10:6 13 E suuthar muukintteez ma7o ma77eeza; e sunthaykka Xooss Qaala. 14 Boothinnee geeshshi liino ma7o ma77eez salo olanchchitay booth parita toggii e gedeno kaaliza. 15 Woyita gachchiza oco mashsha e doonaypp keziza. E biraata gufera asa haaroda. Ubbapp Wolqqama Xooss kachch woyne ushsha buulliz aqa E yedhdhoda.Maz. 2:9; Isa. 63:3; Iyu. 3:13; Wan. Qon. 14:20 16 E ma7ayil afannee e wodirayil afa, «Kaatitay Kaatinnee goditay Goda» yeegiz sunthay xaafintteeza.
17 Yeypp guye, awal afa eqqeez pettii kiitanchchana ta be7eeza. Ye kiitanchchay salora piradhdhiza kafo ubbayis fa qaala dhoqq udii, «Yhana ye7oytta! Xooss sibire maadayis pettii aqo shiiqoytta.Iziqe. 39:17-20 18 Kaatitay asho, shalaqitay asho, wotaaddaritay asho, paritay asho, parita toggizitay asho, as ubbay asho, ayllitay asho, womaannitay asho, gititaynnee xiqqitay yha ubbitay asha moytta» yeegeeza.
19 Yhay garkkekka Do7ay, para toggeezitayrannee e olanchchitayira olinttodayis sa7a kaatitaynnee u olanchchitay pettii aqo shiiqeezazin ta be7eeza. 20 Zini ye do7ay aykintteeza e sunthayir malabaz ootheez worddo nabay ezar pettipp aykintteeza. E tiinayid malabaz oothizitay do7ay mallay yezitannee e misila goynnizita E balitheeza. Do7annee worddo nabay nam7aykka diinnee eexiz tama abbayid path olintteeza.Wan. Qon. 13:1-18 21 Atteezitay booha para toggeezay doonaypp kezeez mashshayir yhayqqeeza. Kafitay ubbay u asha mi kaalleeza.