3
Pawl aa cəfɗey medərey-daŋgay
Məlma ala hay daa *mecəmey-ray ŋga ndəhay ŋga Yesu, wure keɗe, ya wuɗam ŋgaa guzlmakwar da ray cek mekele. Yaa cəfɗamakwar ŋga dərey daŋgay maja ala, amba mey ŋga Bay Mahura Yesu a daw fa mey fa mey, kwa ndaw a gwa ŋga təka ba, asaya, amba ndəhay a təɓmara mey a, aa həmdamara anda akwar may. 3.1 SNM 2.4; Rm 15.30; 1Tes 5.25 Dəram daŋgay maja ala saya, amba Gazlavay a jəɗndar fa ndəhay malamba hay, maja ndəhay ga fa təɓmara mey ŋga Gazlavay daa ba.
Ya sərkwa Bay Mahura na, ara ndaw ma mbəkda ndaw aŋga ba. A da vəlkwar gədaŋ, asaya, a da jəɗkwar amba *Sataŋ a zlaŋgaɗadakwar ba. 3.3 1Kwr 10.13; 1Jŋ 5.18 Aləkwa macəmkaya ta Bay Mahura Yesu, anda keɗe, ya sərmara fara fara akwar fa kamara cek masa ala maa sərkadamakwara, asaya, ka da kamara mandaw mandaw. 3.4 1Kwr 4.16; Gal 5.10
Anja Bay Mahura ŋga jənkwar amba ka sərmara Gazlavay fa wuɗkwar kalah, asaya, amba ka ɓəsmara banay anda *Kəriste ma ɓəsa.
Mey da ray mekey sləra
Məlma ala hay daa *mecəmey-ray ŋga ndəhay ŋga Yesu, yaa guzlmakwar ta mezəley ŋga Bay aləkwa Mahura Yesu *Kəriste, ya ləvmakwar, ndəhay masa-mayaɗ hay * 3.6 ndəhay masa-mayaɗ hay: Ara ndəhay masa ma kam sləra ba, maja ata masa-mayaɗ fara fara, da daa ba, ara ndəhay masa ray ata fa həɓey da ray mavəhwa ŋga Yesu gweegwe cay. masa daa mecəmey-ray ŋga ndəhay ŋga Yesu na, ka da cəmam ta ata ba. Masa-mayaɗ hay a na, a təɓmara cek masa ala maa sərkadamakwara ba. 3.6 3.12; 1Tes 5.14 Akwar ta ray akwar, ka sərmara, maaya na, ka kam cek anda ala ma kamara. Daa masa ala da wuzlah akwar na, ala ta kam mayaɗ daa ba, ala maa cəfɗam cek mezəmey fa ndaw ŋga maaya daa ba. Sasəkar jak, ala ta kam sləra la ga, taa vaɗ, taa pas, amba ya njam fa har akwar ba. 3.8 1Tes 2.9 Daa masa ala fa wuzdamakwara mey ŋga Gazlavay na, ala ta cəveɗ ŋgaa cəfɗamakwar cek mezəmey, ama ala taa cəfɗamakwar daa ba. Ya kam sləra ta har ala na, amba yaa sərkadamakwar ŋga key sləra anda ala. 3.9 SNM 18.3; 1Tes 1.6; aa cəfɗamakwar cek mezəmey: 1Kwr 9.4 10 Masa ala da wuzlah akwar heyey na, ya taa guzlmakwar la, ya ləvam: «Ndaw ma wuɗey ŋga key sləra ba na, ka da vəlmar cek mezəmey ba may.» 3.10 1Tes 4.11
11 Yaa guzlmakwar anda keɗe na, maja ya cəndamara a ləvam, ndəhay siya da wuzlah akwar ata masa-mayaɗ hay. A wuɗam ŋga kam sləra ba, ama a mbəzam aa mey hay ŋga ndəhay mekele masa mey ata da hwaɗ a daa ba. 3.11 1Tm 5.13 12 Səkway ŋga ndəhay anda ŋgene na, ala fa kətmata ta mezəley ŋga Bay Mahura Yesu Kəriste, ya ləvmatar: «Kam sləra ta cəveɗ e, amba ka zəmam cek ta fa mawurɓay akwar.» 3.12 Ef 4.28
13 Akwar, məlma ala hay na, kam cek maaya ta cəveɗ e cəŋga, ka da gəram ba. 3.13 Gal 6.9 14 Da ndaw da wuzlah akwar a təɓa mey masa ala ma wuzlalamara daa leeter keɗe ba na, wam vaw ta ndaw aha, ka da kam jam ta aŋga ba, amba hwaray a kar. 3.14 1Kwr 5.9, 11 15 Ama ndaw a na, ka da pamara ŋga masa-gəra akwar ba, ama sasəkar jak, kətmara anda məlmakw akwar cəŋga. 3.15 Mt 18.15-17; 1Tes 5.14
Mey ŋga madagway-dakw
16 Bay Mahura na, ara ndaw ma njadata ndəhay daa zazay. Anja aŋga, ta ray aŋga, ŋga njadakwar mandaw mandaw daa zazay, kwa daa cek hay wura wura tabiya. Anja Bay Mahura ŋga njey ta akwar, akwar tabiya. 3.16 2Kwr 13.11
17  Ara yah, Pawl, ta har aɗaw, ma wuzlalakwara mecey-har a keɗe. Ya wuzlala mezəley aɗaw ta har aɗaw daa mendəvey ŋga leeter aɗaw hay tabiya anda keɗe amba ka sərmara ara yah ma wuzlala ta har aɗaw. 3.17 1Kwr 16.21
18 Anja maaya ŋga Bay aləkwa Mahura Yesu *Kəriste ŋga njey ta akwar ndav. 3.18 Gal 6.18

3:1 3.1 SNM 2.4; Rm 15.30; 1Tes 5.25

3:3 3.3 1Kwr 10.13; 1Jŋ 5.18

3:4 3.4 1Kwr 4.16; Gal 5.10

*3:6 3.6 ndəhay masa-mayaɗ hay: Ara ndəhay masa ma kam sləra ba, maja ata masa-mayaɗ fara fara, da daa ba, ara ndəhay masa ray ata fa həɓey da ray mavəhwa ŋga Yesu gweegwe cay.

3:6 3.6 3.12; 1Tes 5.14

3:8 3.8 1Tes 2.9

3:9 3.9 SNM 18.3; 1Tes 1.6; aa cəfɗamakwar cek mezəmey: 1Kwr 9.4

3:10 3.10 1Tes 4.11

3:11 3.11 1Tm 5.13

3:12 3.12 Ef 4.28

3:13 3.13 Gal 6.9

3:14 3.14 1Kwr 5.9, 11

3:15 3.15 Mt 18.15-17; 1Tes 5.14

3:16 3.16 2Kwr 13.11

3:17 3.17 1Kwr 16.21

3:18 3.18 Gal 6.18