1 Rom 15:25,26Apkas, iroahu ma kamwai insingehdo ma pid mwani ma en rikrikda pwa en jeuweje *nihn Koahs armaj ke armaj joaroawinihn Koahs armaj nehn Judea. Kamwai anahne wia da ngoah pwehng mwomwohdjo kan nehn Galatia en wia. 2 Rehn keiou in wihk†Rehn keiou in wihk ma woahwoahki Rehn Joarwiho ke Sunday. ohroj, emenemen kamwai anahne kasohrohrihla ekij mwani, kijehn da kamwai koadoahkoahda; kamwai nekidpene pwa en joh anahn in rikpene mwani anjoauwo ma ngoah lelwe. 3 Mwerin oai lelwe, ngoah anahne kadar kijilikoau in kapehje irai kan ma kamwai ne pilda, apel kadar irai en wahla amwai kijakij oang Jerusalem. 4 Ma ne koanoahng ngoahi en pel wia jeiloak oauwe, a irai pel kak pwili ngoahi inla.

5 Wih 19:21Ngoah anahne lelwe mwerin oai en wudla nen Macedonia, pwa ngoah pwen anahne wudla nen Macedonia. 6 Dapwa ngoah nen anahne onohn ipamwai anjoau kij, dapwa nen nehn anjoau in kopouwo pwon, a mwuhr kamwai jeuweje ngoahi en doaudoaula nehn oai jeiloak oang joah lipilpil wija ngoah anahne inla. 7 Ngoah nimen onohn ipamwai woaroai jang anjoau kij nehn oai jeiloak dauli kamwai. Ngoah inenin nimen onohn ipamwai anjoau roairoai, ma Koaunno mweidoahng.

8 Lev 23:15-21; Deut 16:9-11Wih 19:8-10Ngoah pirin minmine Ephesus lel rehn in Pentecost. 9 Pwa mine anjoau mwehu doahr wanihmw oau risda oang doadoahk koalik apel kaspoa, mihndahr ma pwen imwinsihsi dir.

10 1Cor 4:17Ma Timothy pwarwe ipamwai kamwai kanaihoang kajamwo pwa ih en injenmwahu ipamwai, pwa ih doahroar ngoahi ma kin doadoahk oang Koaunno. 11 Doari, kalke emen kamwai mwamwahlki ih, a kamwai jeuweje ih pwa ih doaudoaula nehn ah jeiloak in popohl pwa ih en pwurdo ipoai; pwa ngoah kin kajkajik ih apel riasai kan en japahldo.

12 Iroahioauwe pid riasai Apollos. Ngoah ne kangoangehki Apollos pak dir pwi pwa ih en paj ipamwai apel joauloang kan, a ih pe kahjik uhdahn koapwoarpwoarki pwa anjoau oauwe ioar koanoahng. Nen lel ah anjoau mwehu, ih uhdahn pirin lelwe.

13 Kamwai mwajmwajahn, uhda soangsoang nehn amwai pwojon, joah majpwehk, a sihkei. 14 Wia me ohroj in limpoak.

15 1Cor 1:16Rioai kan, kamwai woahwoahki mwehu Stephanas apel ah peneinei; irai ioar sapin joauloang wiliakapwla nehn Achaia apel pein mweidoahng irai en wia sohn papah ‡nihn Koahs armaj ke armaj joaroawinihn Koahs armaj. Ngoah poaki kamwai rioai kan, 16 en aljang sohn papah pwiai pel armaj joah lipilpil ma pwili irai doadoahk apel papah.

17 Ngoah perenki indoahn Stephanas, Fortunatus, apel Achaicus; irai ne wiliandi kamwai ma joh 18 apel ne kaperenihda ngoahi, doahroar arai kaperenihda kamwai. Joangoan joauloang pwiai anahne armaj en pohneje.

19 Wih 18:2Mwomwohdjo kan nehn wein Asia kadar arai rahnmwahu oang kamwai. Aquila apel Priscilla apel sohn mwomwohdjo ma kin pokon nehn umwarahu pel kadar arai rahnmwahu oang kamwai.

20 Joauloang ohroj wijahi kadar arai rahnmwahu oang kamwai. Kamwai rahnmwahukihpene misik joaroawi.§Kamwai rahnmwahukihpene misik joaroawi ke Kamwai rahnmwahukihpene en Christ limpoak.

21 Jang in pein mengin poaihoa ma insingehdi me: Rahnmwahu jang Paul.

22 Armaj men ma joh kin ipwilki Koaunno en riahla!

Maranatha — asai Koaun, indoa!

23 Kalahngan en Koaun Jesus en mine ipamwai.

24 Oai limpoak en mine ipamwai ohroj ipen Christ Jesus. Amen.