1 Nehn en Jesus japjapahljang Umw Joarwiho, Nah sohnpadahkkok kajalehng Ih doahroar mwomwen Umw Joarwiho. 2 A Ih pwehng irai, “Kamwai kapang mwehuwi mehpwiai ohroj. Ngoahi pwehng kamwai in mehlel, joh oau sakai pirin luhwoahdi nehn dohiah, ohroj pirin mwoardi.”

3 Nehn en Jesus mwindi pohn Dolin Olip, Nah sohnpadahkkok indoa Ipoa in rir, “Pwehng kamai, pwa ngehd mehpwiai pirin wiawi, a kilel dahpwi ma pirin kajalehda Oamw anjoau in japahldo apel imwin jampah.”

4 Jesus japoang irai, “Kamwai kanaihoahng kamwai pwadoar armaj kapweipweidi kamwai. 5 Armaj dir pirin indoa in oadoaioa pwa, ‘Ngoahi ioar Messiah!’ Irai pirin kapweipweidi armaj dir. 6 Kamwai pirin rong rongin mahwin pirin wiawi wija koaroan apel doh, a joah majpwehkda. Pwa mehpwiai uhdahn pirin wiawi, a jaudi ioar imwin jampah me. 7 Wei kan pirin mahwin pene nehn pwungarai. Japw kan pirin uhpene nehn pwungarai. Wija ohroj lehk koalik apel roarroarin japw pirin. 8 A mehpwiai ohroj pwen doahroar sapdakoan moadoakin noaisik.

9 “Doar kamwai pel pirin joaldi apel, kiheklahng koaloklok apel kojkojdi. Sohn wei ohroj nen lioassoangda kamwai pwa Ngoahi. 10 Nehn anjoauwo dir pirin kerpwihla ahr pwojon, epwi pirin pangla, a irai pirin pel lioas pene nehn pwungarai. 11 A doar, joukohp likamw dir pirin pel pwokda, kapweipweidi dir armaj. 12 Me nauna pirin dirla nehn wijahkan, limpoak in armaj dir pirin siksikla. 13 A emen ma kolkol oaroh lel imwin pirin mourla. 14 Apel Rongmwehu in Weiho pirin padahk nehn jampah pwon, pwa armaj ohroj en rong; a imwin jampah kapwa leldo.

15 “Kamwai pirin pel kapang Janjal Kamajpwehk Naunahu ma Joukohp Daniel ne kohpda. Ih pirin uhda nehn wija joarwiho.” (Ma emen wadek me, en woahwoahki!) 16 “Doar irai ma mine Judea en kaudahla pohn dollok. 17 Ma emen ma mine pohn umwahu en johpwa doaudihla nehn umwahu pwa en oaloa mehkij. 18 Emen ma mine nehn japw, en joah pwurla pwa en oaloa ah joakid. 19 Ia woahr apwal oang li lijaian apel nohnohk ma kadihdi jeri nehn anjoauwo. 20 Kamwai poaki ipen Koahs pwa amwai kaula in pisla en joah wiawi anjoau in kopou ke Sabbath. 21 Pwa apwal in anjoauwo pirin koalik jang apwal ma kin wiawi jang mehj leldo apkas; pel joh mehkij pirin doahroar jang me inla. 22 Koahs ne kajipidihla rehnnok; pwa ma Ih johpwa wia me, joh armaj emen pirin pisla. Pwa nah armaj pilpil kan ioar kahrehda ih pirin kajipidihla rehnnok.

23 “Doari, ma emen pwehng kamwai, ‘Kapang, ioar Messiah wa me,’ ke ‘Ih o,’ johpwa kamehlele. 24 Messiah likamw apel joukohp likamw pirin pwokda wia manman kapwuriamwei pwa en kapweipweidi nihn Koahs armaj pilpil kan, ma kak. 25 Kamwai rong, pwa Ngoahi ne pwehng kamwai mwohn mehpwiai pirin wiawi.

26 “Doar ma armaj pwehng kamwai, ‘Kapang, Messiah mine nehn allo!’ — joah inla kapang. Ke, ‘Kapang, ih oakkoakkoak nehn ummwo!’ — joah kamehlele. 27 Nihn‑Armaj pirin indoa doahroar joarom ma kin kamaramihda mijen loannge pwon.

28 “Vulture kin pokonpene wija ma mahn ke palwar mehdi kin mine.”

29 “Mwerin rehn apwal koalikkok, Joauwo pirin rosla, johnpwonngo johla maramin, ujuhwok pirin kipdi jang mijen loannge, apel manman in nehnloannge pirin mwoakidda jang nehn dohiarai. 30 A doar, kilel in Nihn‑Armaj Ah pirin indoa pwokda mijen nehnloannge, a kadaudok in jampah ohroj pirin jong nehn irai pirin kapang doahroar Nihn‑Armaj Ah pirin alu indoa pohn koasoau in mijen loannge in sihkei apel ling koalihkkoalik. 31 Ngilen jowi koalik oau pirin wiawi, a Ih pirin kadarla Nah sohnloannge kan wija ohroj in jampah jang in palimese lel palikapi, pwa irai en kapokonihpene Nah armaj pilpil kan.

32 “Ngoahi nimen kamwai en oaloa padahk oau jang in suhkoa fig ma rahn suhkoa pase kin krihn kodla apel mwisla doar soah kan ken sapda pouj doar kamwai ne kidal pwa roak ne koaroando. 33 Pel doahroar, ma kamwai pirin kapang mehpwiai ohroj wiawi, kamwai pirin kidal pwa anjoau in ne koaroando,*anjoau in ne koaroando ke Ih ne koaroando. ne nimwennoar sapda. 34 Ngoahi pwehng kamwai in mehlel pwa mehpwiai ohroj pirin wiawi mwohn en armaj ohroj ma mour apkas pirin mehdi. 35 Nehnloannge apel jampah pirin johrla, a Oai Mahjan kan jehpirin joaloangla.

36 “A johpwa emen kidal rehnno ke awahu ma mehpwiai pirin wiawi, sohnloang in nehnloannge apel Nahu†apel Nahu Epwi Puk Joarwi johpwa insingdi lal pwiai. jehjoa. Jamahu kalahpwuk kidal. 37 Indoahn Nihn‑Armaj pirin doahroar ma ne wiawi oh nehn en Noah mweiho. 38 Nehn rehnnok mwohn nohlikko armaj kan kamkamdipw, jakjakau, woal kan apel lihkan pwoapwoaud oaroh lel rehnno ma Noah dilloang nehn warihmmwo. 39 A irai johpwa kidal pwa da pirin wiawi oaroh lapakehu ne indoa pohkla irai ohroj. Ioar doahr pirin wiawi anjoauwo ma Nihn‑Armaj pirin indoa. 40 Anjoauwo woal roahmen pirin doaddoadoahk nehn japw oau; emen pirin wijik jang, emen luhwoahdi. 41 Li roahmen pirin daulahk pilahwa nehn wijahn wia pilahwa; emen pirin wijik jang, emen luhwoahdi. 42 Kamwai anahne onop anjoau ohroj, pwa kamwai jehjoa pwa rehn dahioau Koaunno pirin japahldo. 43 Ma koaun in peneinei oau kidal anjoauwo ma jounpirap men pirin indoa, koawoa nen kidal pwa ih pirin poahd apel johpwa mweidoahng en koauwehla umwahu. 44 Ioar mehwa kahrehda kamwai en anahne onnonop anjoau ohroj. Pwa Nihn‑Armaj pirin indoa anjoau oau ma koawoa joah kajik.

45 “Inje jounpapah ma poadidi apel koahiok? Ih ma koaunno pilda pwa en pwukoahki apwali epwi jounpapah kan pwa en nehk oang kanahr mwinge nehn anjoau ma koanoahng. 46 Meid pai papahmeno ma koaunno pwurdo in umwahu kidalda pwa ih wia doadoahk mwehu, 47 Ngoahi pwehng kamwai in mehlel, koaunno nen kioang jounpapah meno en kohwahki me ohroj ih anki. 48 A ma ih jounpapah nauna men, ih pirin pwehng pein ih pwa, ‘oai koaunno jehpirin japahldo anjoau roairoai.’ 49 Ih ken sapda koalkoa pwilihoa jounpapahk, apel pwili mwinge apel nimnim oang sohn jakauwok. 50 Ah koaunno pirin pwurdo oau rehn ma jounpapahu johpwa kajik apel kidal. 51 Koaunno pirin poaloa woasiksikihdi ih kihlahng ipen pwihn mwalaunnok wija ih pirin joang apel keikeikeisakai.