Dibuku ya ntete ya
KINKULU
NKOTOLO
Na mbandukulu, dibuku ya 1 Kinkulu mpe ya 2 Kinkulu vwandaka kaka dibuku mosi. Ntangu ba sonikaka Kibibila na ndinga ya ba-Ngeleke, ni kuna ba kabulaka yawu na mabuku zole. Yawu ke na kuzonzila mambu yina me tadila yinsi ya Isayeli, kubanda na Adami tii ntangu bawu basikaka na bundongo na yinsi ya Babilone. Nongo yayi ke na kuzonzila mingi na yina me tadila kintinu ya Yuda. Yawu ke na kuzonzila mpe ntinu Davidi mpe mwana ya yandi Salomoni. Na dibuku yayi, ntinu Davidi ke na kutalana mutindu kifwani ya muntu yina ke na kulanda nzila ya Nzambi mpe ke na kusadila yandi na kutumama nyonso. Yandi ndimaka ti ni Nzambi kele ntinu ya tsyelika. Ya vwandaka mpe na bantinu yina nataka ntomosono na yina me tadila Musiku ya Yave, bantinu yango ni yayi: Yosafate, Yezekya mpe Oseya. Mabuku nyonso zole ke na kuzonzila mpe mutindu ya kusadila na kati ya Yinzo ya Yave samu na banganga-Nzambi na ba-Levi.
Dibuku yayi kele ya kukabuka mutindu yayi:
- Bambandu kubanda na Adami tii na ntinu Sawule (1Kk 1.1–9.44).
- Lufwa ya Sawule na bana ya yandi (1Kk 10.1-14).
- Davidi kumaka ntinu (1Kk 11.1-9).
- Binwani ya ngolo ya Davidi (1Kk 11.10–12.40).
- Davidi vutulaka Sanduku ya Ngwisani na Yelusalemi (1Kk 13.1–16.43).
- Salomoni ke tungisa Yinzo ya Yave (1Kk 17.1-27).
- Balunungu ya Davidi (1Kk 18.1–20.8).
- Kukubika ntungulu ya Yinzo ya Yave mpe bankonga ya bantu yina ke sala kuna (1Kk 21.1–26.32).
- Davidi salaka ntomosono na kintinu ya Yuda (1Kk 27.1-34).
- Davidi soolaka Salomoni (1Kk 28.1-21).
- Bantu pesaka makabu (1Kk 29.1-20).
- Salomoni kumaka ntinu (1Kk 29.21-25).
- Lufwa ya ntinu Davidi (1Kk 29.26-30).
Dibuku ya 2 Kinkulu kele ya kukabuka mutindu yayi:
- Ntinu Salomoni kuzwaka ndwenga (2Kk 1.18).
- Ntungulu mpe mbyekolo ya Yinzo ya Yave (2Kk 2.1–7.22).
- Nsangu mpe bimvwama ya Salomoni (2Kk 8.1–9.31).
- Bifumba ya node balukilaka Yave (2Kk 10.1-19).
- Bantinu ya Yuda (2Kk 11.1–36.16).
- Mwangusulu ya Yelusalemi (2Kk 36.17-21).
- Ntinu Siluse vutulaka ba-Zwife na yinsi ya Yuda (2Kk 36.22-23).
Dibuku yayi ke na kupesa beto ndongosolo yayi:
Kana bantu ya munu yina ke bokilaka nkumbu ya munu, bawu kukuluka, bawu kusambila mpe ti bawu kusosa munu. Kana bawu bika banzila ya bawu ya yimbi, munu, katuka na zulu, mu ke kuwa bawu. Mu ke lemvokila masumu ya bawu mpe mu ke belusa yinsi ya bawu: (2Kk 7.14).
MUKANDA YA BANKUMBU
1
1–9
Kubanda na Adami tii na bana ya Esawu
1 Adami vwandaka tata ya Sete. Sete vwandaka tata ya Enose. 2 Enose vwandaka tata ya Kenane. Kenane vwandaka tata ya Maalalele. Maalalele vwandaka tata ya Yelede. 3 Yelede vwandaka tata ya Enoke. Enoke vwandaka tata ya Metusaleme. Metusaleme vwandaka tata ya Lameke. 4 Lameke vwandaka tata ya Nowa. Nowa vwandaka tata ya Seme, ya Ame, mpe ya Yafete.
5 Bana ya Yafete ni ba yayi: Ngomele, Mangonge, Madayi, Yavane, Tubale, Meseke na Tilase. 6 Bana ya Ngomele ni ba yayi: Asekenaze, Difate*Difate, na Mba 10.3 ba bokilaka yandi Lifate na Tongalema. 7 Bana ya Yavane ni ba yayi: Elisa, Talesise, Kitime na Lodanime.
8 Bana ya Ame ni ba yayi: Kuse†Kuse kele nkumbu ya nkaka ya yinsi ya Etyopi., Miselayime‡Miselayime, na ndinga ya ba-Ebeleyo, Miselayime kele nkumbu ya nkaka ya Ngipiti mpe ya bantu ya Ngipiti., Pute mpe Kaana 9 Bana ya Kuse ni ba yayi: Seba, Avila, Sabeta, Layema, Sabeteka. Bana ya Layema ni ba yayi: Saba na Dedane. 10 Kuse butaka mpe Nimelode. Nimelode vwandaka kinwani ya ntete ya kufuluka na ngolo awa na ntoto. 11 Miselayime butaka ba-Lude, ba-Eyiname, ba-Leyabe, ba-Nafetuwa, 12 ba-Patelose, ba-Kaseluwa na ba-Kafetole. Ni ba-Kaseluwa butaka ba-Filiseti. 13 Kaana butaka Sidone, mwana ya yandi ya ntete. Yandi butaka mpe Ete, 14 ba-Yebuse, ba-Amoli, ba-Ngilengazi, 15 ba-Ivi, ba-Aleki, ba-Sini, 16 ba-Alevade, ba-Semali, ba-Yamati.
17 Bana ya Seme ni ba yayi: Elame, Asule, Alepakesade, Lude, Alame, Wuse, Wule, Ngetele mpe Meseke.
18 Alepakesade butaka Sela, mpe Sela butaka Ebele. 19 Ebele butaka bana zole. Ya ntete nkumbu ya yandi Pelenge, samu ti ni na ntangu ya Ebele bantu ya ntoto kabukaka. Nkumbu ya mwana ya yandi ya zole vwandaka Yoketane. 20 Yoketane butaka Alemodade, Selefe, Yasalemawete, Yela, 21 Yadolame, Wuzale, Dikela, 22 Ebale, Abimayele, Saba, 23 Ofile, Avila, Yobabe. Bawu nyonso yina vwandaka bana ya Yoketane.
24 Seme, Alepakesade, Sela, 25 Ebele, Pelenge, Lewu, 26 Selunge, Nawole, Tela, 27 Abalami yina ba ke bokilaka Abalayami.
28 Bana ya babakala ya Abalayami ni Isaaki na Isemayele.
29 Yayi ni mukanda ya bankumbu ya bana ya bawu: Nebayote mwana ya ntete ya Isemayele, Kedale, Adebeyele, Mibesame, 30 Misema, Duma, Masa, Adade, Tema, 31 Yetule, Nafise mpe Kedema. Yina ni bana ya Isemayele ya babakala.
32 Bana ya Ketula kento ya Abalayami ni ba yayi: Zimelane, Yokesane, Medane, Midyane, Yisebake mpe Suwa. Bana ya Yokesane ya babakala ni Saba na Dedane. 33 Bana ya Midyane ni ba yayi: Efa, Efele, Enoke, Abida mpe Eleda. Bawu nyonso yina ni bana yina Ketula butaka ya babakala. 34 Abalayami butaka Isaaki. Bana ya Isaaki ya babakala ni Esawu mpe Isayeli.
35 Bana ya Esawu ya babakala ni ba yayi: Elifaze, Lewele, Yewuse, Yayelame mpe Kola. 36 Bana ya Elifaze ya babakala ni ba yayi: Temane, Omale, Sefi, Ngayetame, Kenaze, Timena mpe Amaleke.
37 Bana ya Lewele ya babakala ni ba yayi: Nayate, Zela, Sama mpe Miza.
38 Bana ya Seyile ya babakala ni ba yayi: Lotane, Sobale, Sibewone, Ana, Disone, Esele mpe Disane.
39 Bana ya Lotane ya babakala ni Oli mpe Omane. Kibusi ya Lotane ni Timena.
40 Bana ya Sobale ya babakala ni ba yayi: Alyane, Manayate, Ebale, Sefi mpe Oname. Bana ya Sibewone ya babakala ni Aya mpe Ana.
41 Mwana ya Ana ya bakala ni Disone. Bana ya Disone ya babakala ni: Amelane, Esebane, Yitelane mpe Kelane.
42 Bana ya Esele ya babakala ni ba yayi: Bilane, Zavane mpe Yakane. Bana ya Disone ya babakala ni Wuse mpe Alane.
Bantinu mpe bamfumu ya Edome
43 Yayi ni bantinu yina yalaka yinsi ya Edome ntete ti bantinu kubanda na kuyala bana ya Isayeli. Bela, mwana ya Bewole kumaka ntinu. Nkumbu ya mbanza ya yandi vwandaka Dinaba. 44 Bela kufwaka. Yobabe, mwana ya Zela, muntu ya mbanza Bosela kumaka ntinu na kisika ya Bela. 45 Yobabe kufwaka. Usame, muntu ya yinsi ya ba-Temani, kumaka ntinu na kisika ya Yobabe. 46 Usame kufwaka. Adade, mwana ya Bedade, kumaka ntinu na kisika ya Usame. Ni Adade nungaka Midyane na yinsi ya Mowabe. Nkumbu ya mbanza ya Adade vwandaka Avite. 47 Adade kufwaka. Samela, muntu ya mbanza Maseleka, kumaka ntinu na kisika ya Adade. 48 Samela kufwaka. Sawule, muntu ya Lewobote-Naale kumaka ntinu na kisika ya yandi. 49 Sawule kufwaka. Baale-Anane, mwana ya Akebole, kumaka ntinu na kisika ya Sawule. 50 Baale-Anane kufwaka. Adade kumaka ntinu na kisika ya Baale-Anane. Nkumbu ya mbanza ya Yadade vwandaka Payi. Nkumbu ya kento ya yandi vwandaka Meyetabeele. Meyetabeele vwandaka mwana ya Matelede, mpe mutekolo ya Mezayabe. 51 Adade kufwaka. Na manima, bamfumu ya makanda bandaka na kuyala Edome. Bamfumu yango ni: Mfumu Timena, mfumu Alewa, mfumu Yetete, 52 mfumu Owolibama, mfumu Ela, mfumu Pinone, 53 mfumu Kenaze, mfumu Temane, mfumu Mibesale, 54 mfumu Mangedyele, mfumu Ilame. Ni bawu vwandaka bamfumu ya ba-Edome.