1 Na manima ya ntangu yina maza kwizaka dyamisa yinza, bana ya Nowa, Seme, Ame na Yafete butaka bana. Yayi ni mukanda ya bankumbu ya bana ya bawu.

2 Bana ya Yafete ni: Ngomele, Mangonge, Mede, Yavane, Tubale, Meseke na Tilase. 3 Bana ya Ngomele ni: Asekenaze, Lifate na Tongalema. 4 Bana ya Yavane ni: Elisa, Talesise, Kitime na Lodanime. 5 Ni na bawu butukaka bantu yina mwanganaka na bayinsi yina kele pene-pene ya mubu. Bawu kabukaka na bayinsi mutindu vwandaka bandinga ya bawu, mpe bawu kabukaka makanda na makanda mutindu vwandaka bifumba ya bawu.

6 Bana ya Ame ni: Kuse, Miselayime*Miselayime Ya kele nkumbu ya nkooko ya bantu ya Ngipiti, Pute mpe Kaana. 7 Bana ya Kuse ni: Seba, Avila, Sabeta, Layema, Sabeteka. Bana ya Layema ni: Saba na Dedane. 8 Kuse butaka mpe Nimelode. Nimelode vwandaka kinwani ya ntete ya kufuluka na ngolo awa na ntoto. 9 Yandi vwandaka kikubudi ya nene na meso ya Yave. Ni yawu yina, bantu ke tubaka: «Vwanda kikubudi ya nene na meso ya Yave mutindu Nimelode.» 10 Kimfumu ya yandi bandaka na bambanza yayi: Babele, Eleke, Akade na Kalene na yinsi ya Sineyale. 11 Na manima, yandi katukaka na yinsi yina, yandi kwendaka na Asule. Yandi tungaka mbanza Ninive, mbanza Leyobote-Ile mpe mbanza Kala, 12 mpe Lesene yina kele mbanza ya nene na kati-kati ya Ninive mpe Kala.

13 Miselayime butaka ba-Lude, ba-Eyiname, ba-Leyabe, ba-Nafetuwa, 14 ba-Patelose, ba-Kaseluwa na ba-Kafetole. Ni ba-Kaseluwa butaka ba-Filiseti.

15 Kaana butaka Sidone, mwana ya yandi ya ntete. Yandi butaka mpe Ete, 16 ba-Yebuse, ba-Amoli, ba-Ngilengazi, 17 ba-Ivi, ba-Aleki, ba-Sini, 18 ba-Alevade, ba-Semali na ba-Yamate. Na manima, bifumba ya ba-Kaanani mwanganaka bisika mingi. 19 Bandilu ya yinsi ya ba-Kaanani vwandaka banda katuka Sidone tii na Ngaza na kutalisa na Ngelale mpe na lweka ya Sodome, Ngomole, Adema mpe na lweka ya Seboyime tii na Lesa. 20 Ni bawu yina vwandaka bana ya Ame, mutindu vwandaka makanda ya bawu mpe bandinga ya bawu, bantu na bantu na yinsi ya bawu.

21 Seme mpe butaka bana. Ni yandi vwandaka nkooko ya bana nyonso ya Ebele. Seme vwandaka yaya ya Yafete. 22 Bana ya Seme ni: Elame, Asule, Alepakesade, Lude mpe Alame. 23 Bana ya Alame ni: Wuse, Wule, Ngetele mpe Mase. 24 Alepakesade butaka Sela, mpe Sela butaka Ebele. 25 Ebele butaka bana zole. Ya ntete nkumbu ya yandi Pelenge†Pelenge zola kutuba: kukabuka, samu ti ni na ntangu ya Ebele bantu ya ntoto kabukaka. Nkumbu ya mwana ya yandi ya zole vwandaka Yoketane. 26 Yoketane butaka Alemodade, Selefe, Yasalemawete, Yela, 27 Yadolame, Wuzale, Dikela, 28 Obale, Abimayele, Saba, 29 Ofile, Avila, Yobabe. Bawu nyonso yina vwandaka bana ya Yoketane. 30 Ntoto ya bawu bandaka na Mesa tii na Sefale, myongo yina kele na esete. 31 Ni bawu yina vwandaka bana ya Seme, mutindu vwandaka makanda ya bawu mpe bandinga ya bawu, bantu na bantu na yinsi ya bawu.

32 Yina ni bifumba ya bana ya Nowa, mutindu vwandaka makanda ya bankumbu ya bawu, mpe bayinsi ya bawu. Ni na bawu butukaka bantu nyonso yina mwanganaka na yinza, na manima ya ntangu yina maza dyamisaka yinza.