mukunga samu na bilanga ya yandi ya bayinti ya vinu.

Ndiku ya munu ya luzolo vwandaka na bilanga ya bayinti ya vinu,

na zulu ya myongo ya fyoti, kisika ya ntoto mosi ya madya.

2 Yandi balulaka ntoto, yandi katulaka matadi,

mpe yandi tulaka bikunu ya kitoko.

Na kati-kati, yandi tungaka yinzo ya kibandu samu na bankebi.

Yandi yidikaka kisika yina ba ke kamunaka bambuma ya vinuMat 21.33; Mke 12.1; Lke 20.9.

Yandi vwandaka na kivuvu ti yawu ke pesa bambuma ya vinu ya kitoko,

kasi yawu pesaka bambuma ya kubola!

3 «Ntangu yayi beno bantu ya Yelusalemi,

beno bantu ya Yuda,

mulemvo ya beno,

beno vwanda bazuzi na kati ya munu

mpe bilanga ya munu ya bayinti ya vinu.

4 Yinki mu salaka ntete ve

samu na bilanga ya munu ya bayinti ya vinu,

samu ti mu sala yawu?

Mu vwandaka na kivuvu ti yawu ke butila munu

bambuma ya vinu ya kitoko,

kasi samu na yinki yawu me pesa bambuma ya kubola?»

5 Ntangu yayi, mulemvo ya beno, beno bika ti mu zabisa beno

yinki mu ke sala samu na bilanga ya munu ya bayinti ya vinu:

«Mu ke katula lupangu ya yawu,

samu ti ba kudya kwandi bilanga yango,

mu ke tobola mabulu na bibaka ya lupangu,

samu ti ba dyata bilanga yango na makulu.

6 Mu ke bika ti yawu kubeba ya yawu:

Ata muntu ke baka bunkete ya yawu to ke katula yawu matiti.

Matiti ya basende mpe bayinti ya basende ke kula ya yawu.

Mu ke pesa ntumunu na matuti samu ti yawu kunokisila ve yawu mvula.»

7 Ya tsyelika, bilanga ya Yave Nzambi ya Binwani ni bantu ya Isayeli.

Bantu ya Yuda, ni bikunu yina yandi vwandaka zola mingi.

Yave vwandaka na kivuvu ti bawu ke sadila mambu ya kusungama

kasi bawu me sadila kondwa ludedomo!

Yave vwandaka na kivuvu ti bawu zolaka sadila mambu ya kudedama,

kasi bisika nyonso me kuma kaka ni kuyawula mpe kulooka!

8 Kyadi na bayina ke na kubwela lutangu ya bayinzo ya bawu,

mpe lutangu ya bilanga ya bawu,

tii ntangu bantoto nyonso ke manisa!

Kaka ni bawu me kuzwa bisika na yinsi nyonso!

9 Mu me kuwa na makutu ya munu,

Yave Nzambi ya Binwani me tuba:

«Mu me kudya ndefi ti bayinzo nyonso yayi ke mwangana,

bayinzo ya nene mpe ya kitoko yayi ke vwanda dyaka ve na bantu.

10 Basemede1Sa 14.14 kumi ya bilanga ya bayinti ya vinu

ke basisa kaka Bate1Bt 7.26 mosi ya vinu.

Mpe OmeleKnz 27.16 mosi ya bambuma ya faline ke buta EfaEfa Kbk 16.36 mosi.»

11 Kyadi na bayina ke telamaka na suka-suka samu na kwenda sosa malafu ya ngolo,

mpe na nkokila bawu ke vwandaka ya kukola na vinu!

12 Bawu ke kolaka vinu na muningu ya bansambi,

ya bangoma ya fyoti mpe ya matuutu.

Kasi bawu ke salaka ve keba na yina Yave ke salaka,

bawu ke talaka ve mambu yina Yave ke salaka.

13 Ni yawu yina, Yave ke na kutuba:

«Ba ke nata bantu ya munu na ngolo na yinsi ya nzenza,

samu ti bawu kele ve na luzabu.

Binwani ya bawu ya ngolo ke kufwa na nsatu,

bantu ya bawu ke kufwa na mpwila ya maza.»

14 Yinsi ya bafwa ke fungula yinwa ya yawu,

yawu nyonso ke vwanda kaka ya kufunguka.

Kinwani ya ngolo mpe bantu mingi ya mbanza,

bawu ke kulumuka kuna,

makelele mpe nsayi ke kulumuka na bawu.

15 Na yina, bantu nyonso fwana kubetama,

bawu fwana kukuluka,

meso ya bantu ya lunangu kutala na yisi.

16 Yave Nzambi ya Binwani ke lakisa bunene ya yandi na kati ya balufundusu,

Nzambi ya longo ke lakisa bulongo ya yandi na nzila ya ludedomo.

17 Na kati ya bambanza ya kumwangana,

bana ya mameme ke banda na kudyaka kuna mutindu na kati ya matiti ya bawu,

banzenza yina ke luta kuna ke baka bima yina ke bika bamvwama.

18 Kyadi na bayina ke bendaka yimbi na manima ya bawu na basinga ya luvunu,

bawu ke bendaka masumu mutindu ba ke bendaka pusu-pusu na basinga.

19 Ee, bawu yina ke na kutuba:

«Yandi sala nswalu,

yandi sala mbangu kisalu ya yandi,

samu ti beto tala yawu!

Bika ti mambu yina Nzambi ya longo ya Isayeli kanisaka na kusala, yawu kusalama

mpe ti beto kutala yawu!»

20 Kyadi na bayina ke tubaka ti:

yimbi kele mbote mpe ti mbote kele yimbi,

bayina ke talaka ti kitombe kele nsemo,

bayina ke talaka ti kima ya ndudi kele kitoko

mpe ti kima ya kitoko kele ndudi!

21 Kyadi na bayina ke talaka ti:

ba ke bantu ya ndwenga,

ba ke bantu ya mayela!

22 Kyadi na bayina ke kumaka na ngolo na ntangu ya kunwa vinu,

bayina ke na kibakala ya kulambaka malafu ya ngolo!

23 Bawu ke ndimaka madeso ya bana, samu na kunungisa muntu yina me sala yimbi,

bawu ke bedisaka muntu ya kudedama!

24 Ni yawu yina, mutindu mulaka ya tiya ke yokaka matiti ya nyanga,

mutindu tiya ke yokaka matiti,

ni mutindu yina mpe myanzi ya bawu ke kuma mutindu kima ya kubola.

Bifulu ya yawu ke zimbana mutindu fundu-fundu ya ntoto,

samu ti bawu me losa Musiku ya Yave Nzambi ya Binwani.

Bawu me safula mambu yina Nzambi ya longo ya Isayeli me tuba.

25 Ni yawu yina, Yave me lakisa nkele ya yandi na sika ya bantu ya yandi,

yandi me lambula diboko ya yandi samu na kusemba bawu.

Myongo ke na kutekita,

bamvumbi me kuma mutindu mazala na kati ya banzila.

Ata nyonso yina, nkele ya yandi ke na kukuluka ve,

diboko ya yandi kele kaka ya kulambuka.

26 Yave me telemisa kidimbu ya yinsi,

samu na makanda ya bantu yina kele ntama.

Yandi me sika muyosi, katuka na bandilu ya yinza nyonso samu ti bawu kukwiza,

bawu me kwiza mbangu mpe na nswalu nyonso.

27 Ata muntu mosi ve na kati ya bawu kele ya kulemba,

muntu ve ke na kubula mabaku.

Ata muntu mosi ve ke na kunimba to ke na kulala.

Ata muntu mosi ve me bika singa ya yandi ya luketo kufunguka

to basinga ya mapapa ya yandi ya kukangama ve.

28 Bawu me lengula madyonga ya bawu

mpe minani ya bawu ke ya kukubama,

bikodi ya bampunda ya bawu kele mutindu matadi,

mpe makelele ya makalu ya bipusu-pusu ya bawu ke wakanaka mutindu mupepe ya kimbogila.

29 Kulooka ya bawu ke wakanaka mutindu kulooka ya nkosi ya nkento.

Mpe mutindu bana ya bankosi, bawu ke salaka makelele

mpe ke bwilaka mbisi ya bawu samu na kunata yawu na kisika ya mbote.

Muntu ve lenda kukatula bawu yawu.

30 Na kilumbu yina, makelele mosi ke salama na zulu ya yandi

mutindu makelele ya mubu.

Ntangu bantu ke tala yinsi yina,

bawu ke tala kaka kitombe mpe manyongo.

Nsemo ke bumbama na kati ya kitombe mpe matuti.