1 Beno kuwa mambu yayi, beno dikanda ya Yakobi,

beno, bayina ba ke bokilaka na nkumbu ya Isayeli,

mpe bayina butukaka na dikanda ya Yuda,

beno ke kudyaka ndefi na Nkumbu ya Yave

mpe beno ke zonzilaka mingi Nkumbu ya Nzambi ya Isayeli,

kondwa butsyelika na kusungama!

2 Bawu ke na kutuba: «Beto kele bantu ya Mbanza ya longo!»

Mpe bawu ke na kuyekama na Nzambi ya Isayeli,

yina Nkumbu ya yandi kele Yave Mfumu ya Binwani!

3 Mu zabisaka katuka ntama mambu yina lutaka,

yawu basikaka na yinwa ya munu,

mpe mu wakisaka yawu,

na mpamukunu mu me sala mpe ya me yilama.

4 Samu ti mu zabaka ti nge kele na yintu ngolo,

mpe ti laka ya nge kele mutindu kibuku ya kisengo

mpe ti mbunzu ya nge kele ya kisengo ya mbwaki,

5 Mu zabisaka nge mambu yayi katuka ntama,

mu tubilaka nge yawu tekila yawu kuyilama,

samu ti nge tuba ve:

«Ni kiteki ya munu me yidika mambu nyonso yayi,

ya kele nzambi ya munu ya yinti,

kifwani ya munu ya kisengo ya mbwaki,

yina me tumisa yawu!»

6 Nge me kuwa mbote,

fyongonina nyonso yina.

Beno mpe, beno lenda kwenda samuna yawu ve?

Na ntangu yayi mu ke na kuzabisa nge mambu ya malu-malu,

mambu yina vwandaka ya kubumbama,

yina nge zaba ve.

7 Ya me yilama na ntangu yayi

kasi na ntangu ya ntama ve,

tii na kilumbu yayi, nge vwandaka me kuwa yawu ve,

samu ti nge tuba ve ti:

«Mu zabaka yawu!»

8 Ve, nge zabaka ata kima ve,

nge vwandaka, me kuwa yawu ve

Yawu vwandaka me wakana ve na makutu ya nge.

Samu ti mu zabaka nge, mpe mu zabaka ti nge kele kiyekudi.

Ya tsyelika, nkumbu ya nge kele: «Muntu ya kondwa kutumama katuka kivumu ya mama ya nge»

9 Samu na Nkumbu ya munu,

mu me simba nkele ya munu,

samu na nzitusu yina mu fwana kuzwa,

mu me kanga ntima,

samu ti mu mwangisa nge ve.

10 Mu me sulumuna nge,

kasi samu na kuzwa mbongo ve,

ya tsyelika, mu me meka nge na kati ya mpasi.

11 Munu mosi, munu mosi, mu ke sala.

Wapi mutindu mu ke ndima ti ba kuvweza munu?

Mu ke pesa nkembo ya munu na muntu ya nkaka ve.

12 Kuwa munu, Yakobi,

Isayeli yina mu me bokila!

Mu kele! Ni munu kele ya ntete,

mu kele mpe ya mansukina.

13 Na maboko ya munu mosi mu yidikaka ntoto

mpe mu yalumunaka dizulu,

ntangu mu ke bokilaka bawu,

kintwadi bawu ke kwizaka na mbala mosi.

14 Beno nyonso, beno yonzama mpe beno kuwa munu!

Nani na kati ya banzambi ya nkaka me samunaka mambu yayi?

Mu ke na muntu yina Yave ke zolaka,

yandi ke yidika mambu yina mu kubikaka samu na Babilone,

yandi ke nanguna diboko ya yandi samu na kubula ba-Kalede.

15 Ni munu, ni munu me zonza,

ni munu me bokila yandi,

mu me tuba na yandi na kwiza,

mu ke bongisa bisalu ya yandi!

16 Beno belama na munu, mpe beno kuwa!

Banda na mbadukulu, mu ke zonzaka na mansweki ve.

Ntangu mambu yina salamaka mu vwandaka kuna.

Na ntangu yayi, Yave, Mfumu me fidisa munu mpe Mpeve ya yandi kele na munu.

17 Yave ke na kutuba, Yave kikuudi ya nge,

Nzambi ya longo ya Isayeli,

munu Yave, Nzambi ya nge:

Mu ke na kulwengisa nge, samu na kusadila nge mambu ya mbote,

mu ke twadisa nge na nzila yina nge fwana kulanda!

18 Kana nge, nge sadilaka mbote ntumunu ya munu,

kizunu ya nge zolaka luta mutindu nzadi,

mpe ludedomo ya nge zolaka vwanda mutindu bimpo ya mubu.

19 Bandandu ya nge zolaka kuma mingi mutindu munyenge,

bana ya nge zolaka vwanda mingi mutindu mwa bambuma ya munyenge,

nkumbu ya nge zolaka zimbana ve,

nge zolaka zimbana na mantwala ya munu ata fyoti veMba 22.17.

20 Beno basika na BabiloneLuz 18.4!

Beno kima ba-Kalede!

Na milolo ya nsayi,

beno samuna nsangu!

Beno kutuba yawu,

beno mwangisa yawu ntama,

tii na bandilu ya ntoto!

Beno tuba ti Yave me kuula kisyelo ya yandi Yakobi!

21 Ntangu yandi ke twadisa bawu na yinsi ya kuyuma,

bawu ke vwanda ve na mpwila ya maza,

samu ti yandi ke basisa maza na ditadi samu na bawu,

yandi ke pasula ditadi mpe maza ke basikaKbk 17.1-6.

22 Kasi Yave me tuba:

Kizunu ke vwanda ve samu na bantu ya yimbi!