Muntu yina kele ve na mayela ke na kutuba na ntima ya yandi:

«Nzambi kele ve!» Bantu nyonso me zimbana nzila,

bawu ke na kusala mambu ya nganzi.

Ata muntu mosi ke na kusala mambu ya mbote.

2 Katuka kuna na dizulu, Yave ke na kutala bantu,

samu na kuzaba kana ya kele na muntu ya ndwenga yina ke na kusosa Nzambi.

3 Bawu nyonso me zimbana nzila,

kintwadi, bawu nyonso ke na kusala yimbi,

muntu ve ke na kusala mambu ya mbote,

ata muntu mosi ve.

4 «Bantu nyonso yina ke na kusala yimbi, bawu ke na luzabu ve?

Bawu yina ke na kudya bantu ya munu mutindu ba ke kudyaka dimpa,

bawu ke bokilaka ve Nkumbu ya Yave.»

5 Ni kuna bawu ke vwanda na boma mingi,

samu ti Nzambi kele na kati ya mbandu ya bantu ya kudedama.

6 Beno ke sekaka mambu yina mputu ke kanisaka na kusala,

kasi beno zaba ti Yave kele kiswamunu ya yandi.

7 Ni na Siyone ke katuka mpulusu ya Isayeli,

ntangu Yave ke bongisa mambu ya bantu ya yandi,

Yakobi ke vwanda na nsayi mingi,

mpe Isayeli ke yangalala!