2 Ya kele mbote na kukembilaka Yave! Ya kele mbote na kuyimbilaka mikunga,

samu na nkembo ya Nkumbu ya Nzambi ya Kulutila Kuzangama.

3 Na suka, ba samuna bumbote ya nge,

na mpimpa, ba samuna kukwikama ya nge,

4 na muningu ya nsambi ya basinga kumi, na muningu ya dituutu,

na muningu ya nsambi ya nkaka.

5 Yave, nge ke na kuyangidika munu na mambu yina nge me sala!

Mu ke na kusala milolo ya nsayi,

samu na mambu yina maboko ya nge me sala.

6 Yave, mambu yina nge ke salaka kele ya nene mingi!

Mabanza ya nge kele sunda mingi!

7 Muntu yina kele ve na ndwenga me zaba ve,

muntu ya buzoba lenda kubakula ve.

8 Kana bantu ya yimbi ke na kukula mutindu matiti,

kana bantu yina ke salaka yimbi ke na kulenda,

ya kele samu ti bawu ke kufwa ya mankululu.

9 Kasi nge kuna na mazulu,

nge kele Yave samu na bantangu nyonso.

10 Na yina me tadila bambeni ya nge Yave,

bambeni ya nge ke zimbana,

bantu nyonso yina ke salaka yimbi ke mwangana.

11 Nge me pesa munu ngolo mutindu ya mpakasa,

nge me pakula munu mafuta ya malu-malu.

12 Meso ya munu ke na kutala bambeni ya munu,

makutu ya munu ke na kuwa mambu,

yina bantu yina ke yinaka munu ke na kutuba samu na kusala munu yimbi.

13 Muntu ya kudedama ke menaka mutindu diba,

yandi ke kulaka mutindu sedele ya Libane.

14 Yandi kele mutindu yinti yina ba me kunda na kati ya Yinzo ya Yave,

yandi ke na kukula na kati ya ngaanda ya Yinzo ya Nzambi ya beto.

15 Yandi ke buta tii na buboba ya yandi.

Yandi kele mutindu yinti yina kele na maza ya yawu,

makasa ya yawu kele ya maza.

16 Samu na kulakisa ti Yave kele ya kusungama,

yandi kele ditadi ya munu ya nene yina ke bumbaka munu.

Yandi kele ya kudedama.