Yave, Nzambi yina ke futisaka yimbi,

talana na nkembo ya nge!

2 Telama, fundisa bantu ya ntoto,

samu na kufutisa yimbi na bantu ya lunangu!

3 Yave, tii wapi ntangu bantu ya yimbi!

Yave, tii wapi ntangu bantu ya yimbi ke tatamana na kununga?

4 Bawu ke na kusala binzonzi,

bawu ke na kuzonza na lunangu nyonso,

bantu yina ke na kusala yimbi ke na kukikembisa.

5 Yave, bawu ke na kunika bantu ya nge,

bawu ke na kukwamisa mvwilu ya nge.

6 Bawu ke na kufwa mufwidi na nzenza,

bawu ke na kufwa bansaana.

7 Bawu ke na kutuba: «Yave ke na kutala ata kima,

Nzambi ya Yakobi ke na kubakula ve!»

8 Beno bakula, beno bantu ya buzoba!

Beno bantu yina kele ve na ndwenga,

wapi ntangu beno ke vwanda na mayela?

9 Muntu yina tulaka dikutu, yandi ke kuwaka ve?

Muntu yina yidikaka disu, yandi ke talaka ve?

10 Yandi yina ke sembaka bayinsi, yandi ke pesaka ve kitumbu?

Ni yandi ve ke pesaka luzabu na bantu?

11 Yave zaba mabanza ya bantu,

yawu kele mpamba!

12 Yave kyese na muntu yina nge ke sembaka,

nge ke longaka yandi Musiku ya nge.

13 Samu na kupesa yandi kizunu na ntangu ya mpasi,

tii ntangu ba ke timuna dibulu samu na muntu ya yimbi!

14 Ya tsyelika, Yave ke bikaka ve bantu ya yandi,

yandi ke mangaka ve mvwilu ya yandi.

15 Ba ke vutukila na kufundisa na ludedomo nyonso,

mpe bantu nyonso yina kele na bantima ya kusungama, bawu ke ndima yawu.

16 Nani ke nwanina munu na mantwala ya bantu ya yimbi?

Nani ke sadisa munu na mantwala ya bantu yina ke salaka yimbi?

17 Kana Yave sadisaka munu ve,

mu zolaka kota yimeni na kisika yina kele swii!

18 Yave, ntangu mu ke tubaka: «Mu ke na kwenda na kubwa!»

Kukwikama ya nge ke simbaka munu.

19 Ntangu mambu mingi ke kwamisaka munu,

mbombolo ya nge ke fulusaka ntima ya munu na nsayi.

20 Bantu ya yimbi lenda sala ti nge vwanda kintwadi na bawu, samu na kuyidika mambu ya yimbi,

bawu ke zitisaka ve Musiku na kwendaka sala yimbi?

21 Bawu ke na kuvukana samu na kusala yimbi na muntu ya kudedama,

bawu ke na kufundisa muntu yina me sala ata dyambu ya yimbi.

22 Kasi Yave kele kibaka ya munu lukengolo,

Nzambi ya munu kele ditadi ya munu ya nene,

kisika yina mu ke bumbamaka.

23 Nzambi ke futisa bawu yimbi ya bawu,

yandi ke sadila mavanga ya bawu ya yimbi, samu na kumwangisa bawu.

Yave Nzambi ya beto ke mwangisa bawu.